موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[sayed2077]

المشاركة الأصلية كتبت بواسطة ENG 1 انا عندى مشكلة ان العربية بكون ماشى ترجرج جامد وهى سخنة مش باردة و رحت للميكانيكى نضفلى البك بتاع البنزين و على كهربة الموتور العربية مشيت كويس يومين و لكن رجعت تانى نفس المشكلة روحتلة علالى الكربة تانى مشيت يومين كمان و رجعت تانى نفس المشكلة فمش عارف اية السبب و حاسس ان الميكانيكى مش عارف يحدد اية المشكلة ارجو المساعدة فى ايجاد حل

حضرتك جرب تغير البوجيهات اللى عندك لان البوجيهات لما بتبقى خلاص قربت تبوظ تشتغل معاك اول ما تيجى تدور العربيه وحش جدااا وتعمل رجرجة جامده بس اول ما العربيه تسخن تلاقى كله تمام ان شاء الله

[ebeidhamed]

المشاركة الأصلية كتبت بواسطة sayed2077 انا شايف افضل حل لحضرتك انك ترمى كل الماية اللى موجوده فى البطارية وتجيب ماية نار جديده وتملا البطارية بالماية الجديده وتحط البطارية على التونجر عند الكهربائى لغاية ما تشحن وبعدين استعمل البطارية عادى ان شاء الله هتبقى زى الفل معاك ويفضل تخلى الكهربائى هو اللى يعمل العملية كلها من اولها لاخرها وحاول تخليه يقيس تانى شحن الدينموا وانه ميزيدش عن 14 فولت لان اكتر من كدا يبقى كتاوت الشحن بايظ وممكن يبوظ البطارية فى اسرع وقت

اشكرك يا هندسه وربنا يوفقك

[ENG 1]

المشاركة الأصلية كتبت بواسطة sayed2077 حضرتك جرب تغير البوجيهات اللى عندك لان البوجيهات لما بتبقى خلاص قربت تبوظ تشتغل معاك اول ما تيجى تدور العربيه وحش جدااا وتعمل رجرجة جامده بس اول ما العربيه تسخن تلاقى كله تمام ان شاء الله

انا رحت لميكانيكى و هو فعلا غير البوجيهات و ظبط الكربراتير و الحمد لله العربية دلوقتى ماشية كويس والله الواحد ماعارف حيلاقيها من الهندسة و لا من ال 28 يلا الحمد لله على كل حال و الف شكر يا بشمهندس

[sayed2077]

المشاركة الأصلية كتبت بواسطة ENG 1 انا رحت لميكانيكى و هو فعلا غير البوجيهات و ظبط الكربراتير و الحمد لله العربية دلوقتى ماشية كويس والله الواحد ماعارف حيلاقيها من الهندسة و لا من ال 28 يلا الحمد لله على كل حال و الف شكر يا بشمهندس

ولا يهمك يا باشا والحمد لله انها اتعملت وجت على قد كده

بس مقولتليش بقى انت فى سنه كام وتخصص ايه

انا تخصص اتصالات مستوى اول

الهندسه ديه لوحده كفاية انها تخلى عقلك يطير منك هههههههههههه يالا اهو كله علشان البلد هههههههههههههههههه

[ابو الفضل]

العربيه فجأه لاقيت الريداتير بينزل مياه من تحت الموتور فرحت حطيت مياه لاقيت المياه نزلت على الارض والعربيه سخنت اووووى مش عارف اعمل ايه
شكرا