كل ما يخص الشهر العقارى

[elsaidy]

المشاركة الأصلية كتبت بواسطة منجاية انا اشتريت" "عربية جديده عالزيرووهي مسجلة باسمي في المرور وعقد البيع باسمي ويريد زوجي ان اعمل له توكيل بالاداره وكمان توكيل اني بعتله عشان يضمن العربيه عشان لو حصلي حاجه في يوم توفاني الله تبقي العربيه بتاعته انا موفقه علي طلبه بس بشرط العقد ده او التوكيل ميدلوش الحق ان يبعها لنفسه او لغيره طول منا عايشه او في حالة طلاق لا قدر اللهيعني بمعني اصح يديرها وبس وتبقه بتاعته بعد ما اموت ايه بقى العقد ولا التوكيل الذي ينص علي كده واكتب فيه ايه؟؟

لا يصح ما تقولية
الحل فى الوصية فقط

[elsaidy]

المشاركة الأصلية كتبت بواسطة منجاية : معلش كمان سؤال هل ممكن اعمل لبنتي عقد بيع اني بعتلها العربيه عشان تبقي بتاعتها لو انا توفيت وهل لو كتبت عقد بيع لبنتي ولو توفيت اهلي ممكن يورثو في العربيه او زوجي؟؟؟ هل لزوجي نصيب فيها اذا كتبتها باسم بنتي وهل ممكن اكتب ابيها واصي عليها يعني هوه يديرها بعد وفاتي؟؟ لحين ابنتي تبلغ سن الرشد؟

اختى اذا كتبتى السيارة باسم بنتك قبل سن 21 سنة فان والدها من حقة بيعها لانه ولى طبيعي عليها
اما بالنسبة للوفاة فاى شى يخصها يجب ان يكون بوصية فقط
اما اى عقد بيع فلا يصح ان يكتب فيه شرط الوفاة

[elsaidy]

المشاركة الأصلية كتبت بواسطة ذاكر إضافة أخرى ما أدراك يا أختى الكريمة إذا ما كتبت السيارة بإسم زوجك أن يتوفاه الله قبلك وفى هذه الحالة يشارك أهله فى ميراثه لأنه ليس له ولد , فالإبن يحجب ميراث الأهل فيما عدا الأب والأم فلكل منهما السدس من ميراث الإبن أما عن وصاية الأب على إبنته القاصر فهى ليست وصاية وإنما ولاية والولاية تبيح للولي أن يبيع ويشترى ما يملكه من هو تحت ولايته بمعنى أنه يكون من حق الأب بيع السيارة لنفسه أو للغير إذا كتبتها بإسم إبنتك وبهذا نعود لمشاركة أهل زوجك فى ميراثه فإبقى يا أختى الكريمة الوضع على ماهو عليه أبرأ لدينك ودنياك والله ورسوله أعلى وأعلم

كلام جميل جدا يا اخى
بس فى حل وهو ان تكتب الاخت وصية وطبعا فى حدود ثلث مالها يعنى لازم تكون السيارة تعادل الثلث

[elsaidy]

المشاركة الأصلية كتبت بواسطة محمد ماضى انا قررت اشترى عربية من ورثة واثق فيهم بس الرخصة باسم والدهم المتوفى والرخصة منتهية فماذا افعل بالله عليك ؟

هما يجيبوا من المرور شهادة بيانات
ويروحوا الشهر العقارى بالاوراق التالية
شهادة البيانات وفيها هتكون السيارة باسم المتوفى
اعلام الوراثة
وطبعا يكونوا كل الورثة اللى فى اعلام الوراثة موجدين
واتمنى من الله ان لايكون هناك قاصر علشان دى حسبة تانية

[elsaidy]

المشاركة الأصلية كتبت بواسطة voodoomesho ذهبت الى الشهر العقاري مع أحد المعارف حتى أحصل منه عل توكيل لسيارة مسجلة بإسم ابنه بعقد مسجل مكتوب فيه "بولاية والده". قال لنا الموظف انه لا يمكن عمل توكيل وأن الحل الوحيد هو عمل عقد مسجل للمشترى اللى هو انا من البائع اللى هو والد صاحب السيارة بصفته الوصي عليه. فأرجو أخى الكريم أن توضح لى مدى صحة هذا الكلام وما هي الطرق المتاحة حتى أتمكن من الحصول على السيارة دون عمل عقد.

اخى من حقك عمل توكيل
ولكن اذا تم القاصر سن 21 سنة قبل ان تقوم بعمل عقد مسجل لنفسك او لغيرك سيكون التوكيل لاغى