|
#226
10-08-2010, 05:28 AM
|
||||
|
||||
رد: أدب الرحلات
ولازلنا فى قنا ( النهاردة يوم قنا والا ايه )
نزلت بلد اسمها دشنا و ده المركز اللى قبل قنا مباشرة وانت رايح من القاهرة ودول ناس فيهم الشهامة والرجولة لكن عصبيين جدا ومن السهل تستفزهم جدا ومن الاسهل انك تراضيهم بعد م تستفزهم (كل اهل قنا كده ) المهم نزلت من القطار وعندهم عربية شبه بوكس الشرطة بس لونها برتقالى ومسميينها التيوتا (مش التويوتا)وهى من ماركة فيات وكان يوم السوق والزحام رهيب المهم تيجى العربية وكله يهجم عليها وانا كأنسان بيحترم نفسه مليش فى الخناقات دى وكل شوية اقول هتيجى عربية تانيه هتيجى عربية تانية هتيجى عربية تانية هتيجى عربية تانية وفات ساعة وانا لازلت كل عربية تفوتنى اقول هتيجى عربية تانية لحد م حصل موقف غاظنى واحدة ست معاها معزتين وجوز فراخ واعتقد وزة او بطة مش فاكر عموما مش هتفرق وجاية تركب بالهيصة دى فانا دخلت بالاكراه و دى زعلت وزعقت وهاصت ونظرا لانى فاهم قيمة المرأة عندنا فى الصعيد ورغم ان معظم الصعايدة بيعاملها معاملة سيئة لكن المرأة بسببها تحصل معارك ويقوم الثأر بين العائلات ولايجوز بأى حال من الأحوال مناقشة المرأة الغريبة عنك او الخناق معاها وفى كثير من ألأحيان هذه الأيام يؤخذ رأيها المهم انتظرتها لما خلصت زعيق وقلت انا مش عارف اركب من بدرى ومش معقول وانا ضيف وغريب اقف فى الشارع ساعة (طبعا انا جيت على وتر الشهامة هنا وللحق هم اهل شهامة) وفعلا السواق حلف بالله العظيم ثلاثا ما حد يركب قبل منى وركبت قعدت وبعد كده ابتدا يركب الناس وركبت الست صاحبة المعزتين ورايا ووقفت المعزتين قصادى فى العربية (حظى كده مش مقصودة منها ) والست زعلااااااانة جدا وكل شوية تبرطم وتقول / كيف يركب جبل (قبل) المعيز كيف ؟؟؟؟ كيف ؟؟؟ كيف يركب جبل المعيز كيف يركب جبل المعيز حسستنى ان المعيز اهم منى ومن اى حد راكب والمعزتين كل شوية واحدة منهم تبص لى وتقول /مااااااااااااااااااااااء بصوت عالى وكأنها هيا كمان معترضة المهم وصلنا بالسلامة وبحاسب السواق وحلف م ياخد فلوس وقال / عيب يابيه انت ضيف عنديـنا (عندنا ) وروحت البيت عند خالتى (لان العيلة منتشرة فى الصعيد فكنت احيانا بوفر فلوس الفنادق وابات عند افراد العيلة) بنت عمى فى بنى سويف وكل العيلة فى اسيوط وخالتى فى جرجا بعد سوهاج وبنت خالتى فى نجع حمادى وخالتى التانية فى اسوان ونمت و طول الليل وانا نايم سامع صوت المأمأة بتاعة المعيز فى ودنى وصوت الست وهيا بتقول كيف يركب جبل المعيز ههههههههههههههههههههههههه هههه التعديل الأخير تم بواسطة خالدخليفة ; 10-08-2010 الساعة 05:40 AM 
|
|
#227
10-08-2010, 08:07 AM
|
|||||
|
|||||
يعنى الراجل احترم نفسة معاك وبردة مش عاجب صعيدى على حق
لا بجد حلو اوى الموقف دة
كيف تركب قبل المعيز؟؟؟؟؟؟؟؟
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 03-11-2010 الساعة 05:03 PM
|
|
#228
10-08-2010, 01:51 PM
|
||||
|
||||
|
رد: أدب الرحلات
الله يسترك يااحمد يابدر يامشجعنى ورافع روحى المعنوية
|
|
#229
10-08-2010, 01:56 PM
|
||||
|
||||
رد: أدب الرحلات
ثم هو متخيلش ان حد ممكن يقرب ناحيته وخصوصا ان عائلة والدتى ليها مهابة كبيرة هناك لان فيهم الشراسة والناس بتخاف منهم رغم ان سبحان الله جدى ابو والدتى كان راجل طيب جداااااااا وكان فاتح مضيفة فى البلد لكل غريب وعابر سبيل ووالدتى كانت ست طيبة جدا رحمة الله عليهم اجمعين وكنت استعجب ازاى جدى وامى من العيلة دى ورغم ان جدى توفاه الله عام 1961 الا انى كل م اروح البلد الناس تستقبلنى استقبال عظيم بسببه لانه محبوب جدا رحمة الله عليه رغم ان الاجيال الجديدة دى متعرفوش
|
|
#230
10-08-2010, 01:58 PM
|
||||
|
||||
رد: أدب الرحلات
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
 |
|
|
