#221
|
||||
|
||||
بالنسبة لذكى بدر دة حبيبى من ايام ماكنت فى ابتدائى كنت اخش اى امتحان انجح عشان تشابة الاسماء كانو فاكرينة عمى
حلوة ياباشا نفسى عربيتى تفهم زى الحمار دة وترجع البيت لوحدها
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 03-11-2010 الساعة 05:00 PM |
#222
|
رد: أدب الرحلات
نكمل
فى يوم كان فى معركة بين الشرطةوالجماعات فى اسيوط ومقتول 2 من الشرطة وانا قريت الكلام ده فى الجرنان وانا جوه القطار وكان معايا مدير البيع بتاعى (ايام المصنع) وسألنى وكله خوف / هنعمل ايه / فقلت هنسافر طبعا احنا رايحين نشتغل والرحلة مشيت طبيعية لحد م القطار مشى من المنيا وجه بعد مركز دير مواس (آخر مراكز المنيا) ووقف فى حتة مقطوعة وقفلو علينا الابواب علشان محدش ينزل منه وانا فهمت اللى هيحصل فميلت على صاحبنا اللى مسافر معايا وقلت له / انت متعرفنيش انت راكب عادى جدا جه الحجز بتاعك جنبى لكن مفيش بيننا وبين بعض اى سابق معرفة وقال ماشى وزاد على كده لقيته ادانى ضهره وبص بره القطارمن الشباك وكان القطار مكيف وفوجئت بالشرطة طلعت القطار زى م توقعت ودخل ظابط الرخامة نفسها تزهق من رخامته وكنت انا فى منتصف العربية وكانت دقنى كبيرة ايامها ومسك اول راكب بطاقتك اتفضل ايه ده ياله انت طالب ورايح فين ياكذا وشتمه بأمه قلت آآآآآآآه ه ه معتقل ياابو خالد حتى مش شتيمة وخلاص وبضرب عينى فى القطار ادور على حد يواسينى ويشجعنى مفيش كله مستنى الظابط يوصل لى علشان يقبض عليا ويريح القطار كله المهم الظابط راح للتانى بطاقتك ياكذا اتفضل انت تاجر اه تاجر ايه ملابس ورايح فين ياكذا رايح اسيوط ليه ياكذا هتعمل بروح أ................ هناك شغل ياباشا وهو مفيش شغل غير فى اسيوط ياولاد كذا معلش ياباشا رمى له بطاقته فى الأرض المهم كل اللى يقابله يهزئه لحد م جه عندى بص لى بنظرة ودية طمنتنى اسمك ايه خالد رايح فين ياخالد اسيوط ليه هزور قرايبى فى الأيام السودة دى ؟؟؟ جدتى تعبانة اوى وقلت اشوفها احسن يحصل لها حاجة ماشى ياخلودة (قالها كده ) ابقى متنساش تجيبلنا شوية عيش شمسى عينى ياباشا ومسك صاحبنا اللى كان قاعد جنبى اسمك ايه ياله (وقلب بوزه تانى)وفتشه تفتيش زى كل ركاب القطار والوحيد اللى اتعامل معاملة محترمة كان انا انا بقى مش اسكت بصراحة لأ وقبل م ينزل جريت وراه ياباشا ياباشا فقال عايز ايه ياخالد فاستغربت ده لسه فاكرنى فسألته / انت تعرفنى فقال / لأ اومال معلش يعنى اشمعنى انا اللى عاملتنى معاملة محترمة ولسه فاكر اسمى فقال / ايه ده انت كنت عايزنى اهزئك زيهم قلت/ لأ طبعا بس استغربت على تغير المعاملة فقال / الموضوع بسيط احنا بندور على أعضاء الجماعات وطبيعى جدا انهم كلهم حلقو دقونهم علشان يستخبو وسط الناس وانت جاي لى بدقنك الضخمة دى كلها فطبيعى انك شخص عادى جدا لكن الباقيين ممكن اى حد فيهم الاحظ عليه اى ارتباك هعرف انه منهم وابعد عنى بقى علشان احنا معطلين القطار ماشى ياباشا متشكرين وكملنا الرحلة الى اسيوط |
#223
|
رد: أدب الرحلات
فى أسيوط
نزلنا اسيوط الشوارع مليانة ناس الخوف جواهم والمدرعات فى كل مكان والمباحث مالية البلد بص لى الراجل اللى معايا وقال / ايه ده احنا فى اسرائيل ؟؟ فقلت /لأ فى اسيوط وانا ماشى فى الشارع كنت فرجة الناس كل اللى ماشى بيتفرج عليا ايه ياجماعة اول مرة تشوفو واحد بدقن كبيرة شوية وماشى وجوايا احساس ان كل واحد بيفتشنى بعينيه المهم بدأنا الشغل ومعظم تجار العطور فى اسيوط غير مسلمين وطبعا الجو هناك كان ملتهب والعملية مش ناقصة دخلت على اول واحد / مساء الخير يافندم فقال / شكرا فقلت / شكرا ايه قال / مش عايزين دخلت على التانى / راح مخبى وشه بين ايديه وبص بعين واحدة بين صوابعه وقال / عايز ايه فقلت / الشركة العربية للعطور فقال/ صاحب المحل مش هنا طب بييجى امتى بييجى الساعة 3 بالليل انا فى سرى ايه ده بييجى يتطمن على اقفال المحل والا ايه وبعدين قلت / ايه الجو ده المهم اللى معايا قال / بقول لك ايه فقلت / قول انت تروح عند قرايبك تنام وتريح وتقعد معاهم لحد م نخلص شغل لاننا كده مش هنشتغل وخصوصا ان النفوس شايلة من بعضيها ماشى ياعم روحت لخالتى (رحمة الله عليها ) / ازيك ياحاجة واخبارك ايه اخدتنى بالحضن وازبيك ياابن الغالية مش تقول انك جاى وقعدنا نرغى لحد م جه ابن خالتى دخل البيت وشافنى وقال انت مجنون جاى كده ازاى قلت له يعنى من المحطة للبيت محدش اتعرض لى وانت هتقول لى جاى ازاى اخدنى بالحضن واتغدينا وظبطنا الدنيا فيييييييييييييييين جه الراجل بتاعى نادى عليا دخلته وجبنا له اكل وبسأ له ايه الأخبار فقال فاكر فى القطار الظابط هرج معاك وهزئنى فقلت أه قال انت هنا بعد ممشيت ابتدينا نبيع ونشتغل وضحكنا ومشينا الغريبة واحنا راجعين وواقفين على المحطة حاسس ان الناس عايزة تسلم عليا كبطل قومى ماشى بدقنه الضخمة دى فى اسيوط ولا فى دماغه و مصدقت القطار جه ونطيت جواه واخدت نفس عمييييييييييييييييق |
#224
|
رد: أدب الرحلات
ولازلنا فى الصعيد
وكنت فى بلد اسمها فرشوط تانى مراكز قنا وانت رايح من هنا وفرشوط دى بلد شفت فيها موقفين اعجب من بعض الاول تاجر حبوب ظريف لذيذ بالقرب من محطة القطار عامل مظله فوق المحل علشان الشمس وعلشان حاجة تانية (طبعا ميقصدهاش) ايه هيا طابور بطول المظله من العصافير واقف على المظلة وكل شوية واحدة تنزل تاكل من اشولة الغلة (قمح / برغل /فول /اى حاجة )الموضوعة(المحطوطة) امام المحل لحد م تشبع خااااااااالص وتطلع وينزل غيرها وهكذا وصاحبنا (صاحب المحل ) ولاهو هنا ولا كأن فى حاجة بتحصل وساحب كرسيين هو وواحد جاره وهات يارغى المهم وقفت ييجى ربع ساعة اراقب الموقف ده لقيت العصافير اكلو ييجى نص كيلو قمح مثلا فقلت ايه ده ده كده يخسر فروحت له / وبقول له خلى بالك العصافير بتاكل الغلة فقال / سيبهم ياراجل همشى مين والا مين (يقصد العصافير كتيرة يعنى ) واهملنى وادانى ضهره ولا كأنى واقف الموقف التانى ده ضحكنى بقى كنت عند صاحب محل عامل مصطبه امام المحل وكل شوية يعدى واحد رايح الغيط بالبهايم بتاعته وكل شوية يقول لى لامؤاخذه ياباشا ارفع رجليك علشان البهايم تعدى لحد م كان معدى فوج من دول وفجأة توقفت جاموسة وحمار وانا رافع رجلى مستنيهم يعدو ومحبكش يعملوها غير امامى (يعملو حمام يعنى ) وكان المنظر مقرف جدا وكان هيغمى عليا من الريحة لانى من كتر شم الروايح بتاعتنا بقت مناخيرى حساسة جدا والراجل انكسف جدا لامؤاخذة ياباشا معلش ياباشا بهايم مبتفهمش ياباشا وانا ضحكت على الجملة الاخيرة دى من امتى البهايم بتفهم ؟؟؟؟ التعديل الأخير تم بواسطة خالدخليفة ; 10-08-2010 الساعة 05:39 AM |
#225
|
رد: أدب الرحلات
ولازلنا فى الصعيد
وتحديد ا فرشوط روحت الموقف وسألت على عربية نجع حمادى فقالو دى ولمينا الدور ومشينا ملحوظة رفيعة جميع السائقين فى قنا ومراكزها ليس عندهم ادنى فكرة عن القيادة سوى انها عافية وبلطجة وخلاص (ماعدا سائقى اتوبيسات السياحة ) وقد كان جينا فى مكان ضيق جدا لايتسع الا لسيارة واحدة وصاحبنا اللى انا راكب معاه راح مدى اللى مقابله نور رعاش علشان يستناه والتانى راح مدينا نور رعاش علشا ن نستناه ومحدش استنى حد ودخلو ال2 وفوجئت بالسواق بتاعنا خرج عن الطريق وكنت قاعد جنبه وبصيت بره الشباك لقيت نهر النيل تحتنا بالظبط وعجلة السيارة جزء منها خرج من الطريق يعنى جزء فوق نهرالنيل فى الهوا وجزء على الطريق فقلت له/ يااسطى مش تستناه فقال / انا اديته نور فقلت / طب مهو اداك نور فقال رد عجيب جدا/ انا راكب بيجو عربية بطش ( الصعايدة بيسموها كده يعنى قوية ومتينة) وانا الكبير ملحوظة / البيجو ال504 موديل 79 عندنا فى الصعيد احسن من الهامر موديل 2010 ولاتجروء انك تغلط فيها وانا مسافر اسيوط المرة الأخيرة دى واحد ماشى جنبى بعربية 504 تحس انه المحافظ مثلا المهم انا اتغظت الاعتبارات دى ملهاش علاقة بقواعد المرور وشوية لقيته بيقف خير ياعم استراحة استراحة على نيلة ايه ده المشوار كله 50 كيلو مش مستاهل استراحة وبعدين ببص على الاستراحة فضحكت مكان عبارة عن حتة ارض 3 متر فى مترين محاطة بسور صغير ارتفاعه حوالى 20 سم وجواه حصيرة للصلاة وجنبهم حنفية و زير مليان ميه وخلاص بقول له هو ده الرست هاوس اللى بيقولو عليه فبص لى وقال / انت عتتريج (بتتريق) ياافندى انت انا من الاول مش مستريح لك فضحكت وسكتت وركبنا ومشينا وهو عمال يردد طول الطريق جال (قال ) الرست هاوس جال جايين من بلادكم تجرفونا (تقرفونا) ) اهنه(هنا) ههههههههههههههههههههههههه هه التعديل الأخير تم بواسطة خالدخليفة ; 10-08-2010 الساعة 05:31 AM |
|
|