ارشيف الاستراحة 2009

[Ahmed_lol2007]

كل سنة وإتنم طيبين يا أعضاء مصر موتورز
أنا صليت فى ساحة فى الشارع اللى ورانا والعيد فى المنطقة عندنا أيه
أكتر بكتير جدا من يوم التلات مفيش نفر فى الشارع والدنيا كحل
ومعيدتش على حد غير عمى لانى مكنتش شايف أدامى
( لو مكنش جيه هو يعيد عليه مكنتش شفتو ) ( من تلت أيام ماشوفتش النوم )
وطبعا أنا مابديش عيديات أنا بأخد بس لكن بردو ماشفتش عيدية غير من أبويا
وكل سنة وإنتو طيبين

[bmkbmk]

المشاركة الأصلية كتبت بواسطة vortec أنا صليت في ساحة كبيرة في الشرقية (في البلد) عند أهلي كان هناك أكتر من 50.000مصلي بدون مبالغة وكانت الداخلية ايمة بالواجب كالعادة كان أدام الساحة أكتر من 20 عربية أمن مركزي ولواءات وضباط حسيت اني داخل منطقة محظورة أو ساحة حرب مش داخل أصلي أكتر حاجة تعبتني اني الاقي مكان أركن فيه عربيتي أعدت حوالي نص ساعة أدور علي مكان أركن فيه في الاخر ركنت بعيد عن الساحة أدام بيت, طلعت لقيت عليها تكت مخالفة انتظار في الممنوع وحسبنا الله ونعم الوكيل كل عام وأنتم بخير

كل سنة و انت طيب يا باشا و معلهش على المخالفة هنقول ايه بقى تحيا مصر

[Dr. Bolbolan]

على النعمه يابوصلاح ! ولو انى مدير مباحث ! بس مخى اتزحلق من الحلقه الآخيره دى !! ptmnlo123per194

ياســـلام ياجدع دا البنج أبو ملوخيه بيعمل عمايل ! ولا أجدعها صـاروخ ! ptmnlo123per1115

Dr. Bolbolan ptmnlo123per1106

[salahabdelnabi]

19


بوند جنب سوكة فى العربية: والله ياسوكة مكالمتك لينا عشان تقولنا ان موشى الحقيقى وصل السفارة جت فى وقتها تمام

سوكة : ليه هو ايه اللى حصل جوة

مجانص : ابدا ياسيدى احنا دخلنا على حسب الوصف بتاع برومبو وابو نورا لمكان مكتب كوهين السفير ولما عرفنا من العسكرى مكان المكتب بتاع سى ليفة كان سهل نروح على هناك على طول

بوند : وفتحنا المكتب ودخلنا مالاقيناش حد جوة ........ ولسة هانخرج ندور فى المكاتب كلها سمعت صوت حد بيتكلم

اتصنت لحد لما حددت مكان الصوت ....... لاقيته طالع من ورا مكتبة فى الحيطة

سوكة بيبص فى المرايا على البى ام الى وراه وطاير بالعربية : من ورا المكتبة ازاى يعنى

مجانص : زاى على بابا والاربعين حرامى ......... افتح ياسمسم

بوند : بالظبط كده اتارى المكتبة دى عبارة عن باب جرار ومخبى وراه اوضة تانية وليه قفل الكترونى روحت مطلع الجهاز اللى عبقر عمله

وحطيته على القفل بتاع الباب واكتشف الشفرة بتاعته وفكها بسرعة

لاقيت الباب اتفتح وبصيت لاقيت ليفة فى وشى كان بيتكلم فى الموبايل

مجانص : نطيت عليه بسرعة فشر الغزالة وحطيت ايدى على بقه عشان مايصرخش وبوند طلع الحقنة وحقن دراعه بالدوا بتاع عبقرينو الى يخليه زاى المتنوم تنويم مغناطيسى

بوند : وطبعا مجنص افندى نسى ان الموبايل مفتوح وقرص الراجل من ودنه عشان يشوف مفعول الدوا اشتغل والا لسه

اتاريه ماكنش لسه عمل مفعول والراجل صرخ وكان اللى معاه على الخط كوهين الكهين

مجانص : وانا كنت اعرف منين انه هايخد وقت كده .... عبقر قال ان مفعوله سريع جدا ...........

المهم شيلت الراجل وكان بدأ يدروخ فى ايدينا واحنا خارجين لاقينا كوهين فى وشنا

سوكة وهو بيلمح بعينه موشى فى المرايا اللى جنبه بعد الغرزة الى عملها : ها وبعدين ايه اللى حصل

بوند : فى لمح البصر ماعرفشى ازاى مجنص قام هابد كوهين بالبونية الشمال فى دقنه مع انه كان شايل ليفة على كتفه اليمين ... ولا سوبر مان ياجدع ...... لاقيت كوهين اتكوم فى الارض ماحطش منطق

مجانص : ياباشا اخجلتم تواضعنا......ده من بعض ماعندكم ....... بس بقى وبوند لقن ليفة الكلمتين اللى هايقولهم لو حد سأله احنا مين ورايحين على فين

واحنا خارجين عند البوابة لاقينا موشى الحقيقى فى وشنا

بوند : والباقى انت شوفته وعارفه

سوكة : انا اول لما لمحت عربية موشى جاية روحت ناطط وضارب شقلباظ ماعرفشى ازاى نزلت على الكنبة ورا واتكومت فى الدواسة بتاعتها وكلمتك اقولك

واعتمدت على ربنا ثم على ان المنطقة اللى كنا راكنين فيها العربية ضلمة وانا طافى نور العربية كله

وفعلا لاقيته جه بص بسرعة ورجع تانى وماشفنيش وكنت سايب العربية دايرة مارضيتش ابطلها تحسبا لاى ظروف

مجانص : هو لسه ابن الهرمة دا وراك ........ جرا ايه ياسوكة مش عارف تزوغ منه

سوكة : مانت عارف اننا المفروض منزوغش منه لحد لما اسحبه على الدائرى وساعتها ............. كشششششششششش


يتبع

[sam ram]

يااااافت