اى سؤال بخصوص اوبل

[that's me]

ايه الاحسن ان يكون الفتيس اتوماتيك ولا مانيوال في فيكترا 1999 او 1997 و ايه الفرق بين 1600 سي سي و ال 2000 و هل 2000 سي سي تسحب بنزين كتير عن ال 1600 و الفرق بين 1600 سي سي و ال 2000
معلش طولت عليكم

[Ahmed_lol2007]

بالنسبة B1 (من أخر سنة 1996 الى أخر 1999) نزلة ب 2 متور
1600 مانوال 8 صباب (75 حصان)
2000 أتوماتيك 8 صباب (115 حصان)بس انا بحس إنه أقوى من كدة
بالنسبة للكماليات كتير جدا
وأتكلم على ال 2000 سى سى اللى معايا
Abs - مفتاح مشفر - 4 ازاز كهربا ووحدات رفع - ابانوس فى التابلوة - نور استوب على الزجاج الخلفى - نظام قيادة رياضى - ساعة وتاريخ ودرجة حرارة الجو - ضبط الكراسى الامامية - مرايات كهربا - مسند يد أمامى وخلفى - نور شبورة خلفى
غير كدة كتير جدا
بالنسبة للاسعار فى تفاوت كبير جدا فبلاش تشترى على طول لا دور وشوف الاحسن ومتخدش عربية حالتها متوسطة وتقول أنا اظبطها لانها هتكلفك كتير
ومتخدش العربية والتكييف بتاعها مش شغال عشان قطع غياره غالية ومكلفة
المهم أنا بقولك لازم تأخد التكييف شغال ولو قالك عايز شحن فريون قولو مع السلامة
عموما الاسعار للعربيات الى حالتها ممتازة
فيكترا B1 توصل ل 60 الف
والرك بردة على الحالة لان فى ناس بتبيع بسعر قليل جدا عشان مش عارفة قيمة العربية
أنا والله عربيتى جالى فيها 65 وأنا مرديتش
ولازم كشف التوكيل عشان بتأخد تقرير بحالة العربية مش ترفعها فى بنزينة وخلاص
ولو محتاج أى معلومة أنا موجود
أما ال1600 2 زجاج كهربا فقط وبدون أبانوس فى التابلوة ومن غير النظام الرياضى والفرامل اللى ورا طنابير مش سكاكين وغيرها كتير
وطبعا الفرق الاكبر هو الموتور لان العربية تقيلة وعايزة ماتور جامد عشان يقدر عليها
عشان كدة 2000 كويس بس لازم الكشف عشان لو الرشاشات بتاعته لو بايظة بتبقى غول بنزين
لكن أنا الحمد لله الاستهلاك كويس أوى عندى يعنى ممكن 180 داخل البلد
لكن على الطريق السريع بيبقى حسب السرعة

[patrol_615]

law 7d odamo opel vectra 96-97-98-99 ndefa lelbe3...yaret y2oly 3shan ana day5 3la w7da ndefa....ana kol al 5ayf mno mwdo3 al benzene...yaret 7d yfedny feh..ageb al 1.6cc wla al 2.0cc....we shokrn

[تشى المصرى]

والله يا احمد انت فعلا خبره انا مش لقيت العجل الامامى مش مضبوط لالا انا لقيت واحده منهم مخرومه رحت كشفت عليهم بعد نصيحتك وفعلا لقيت زى ما انت قلت وبعد ما عملتها لقيت الدركسيون تمام

الف الف الف الف شكر

[Ahmed_lol2007]

ربنا يخليك ياباشا ولا خبرة ولا حاجة بس أصل الموضوع دة حصل معايا من فترة
كنت صاحى من النوم وجالى مشوار (يدوب عشلت وشى ولبست ونزلت)
وأنا ماشى أول ما طلعت من شارعنا لقيت واحد إبن حلال كان رامى كأس ازاز مكسور وأنا طبعا مختش بالى منه
(الجزء اللى بيحط فيه العصير متشال كله ومش فاضل من الكاس غير القاعدة بتاعته وحتة الازاز الطويلة اللى فى النص) سمعت صوت هوا خارج كانه الكاوتش إتقطع
المهم كان جمبى بتاع كاوتش خليته ركب لى الاستيبن وطول ما أنا ماشى بحارب مش بسوق (الكوتش كله نيتروجين ومينفعش يتزود هوا )
المهم وصلت لبتاع الكاوتش تانى وخليته يقيس الضعط لقاه مش مظبوط
عشان الكاوتش التانى كان فيه خرم بس رفيع أوى عشان كدة كنت كل شوية بحس إن الدركسيون بيتقل أكتر
ونصيحة منى ليك لو تعرف تحط نيتروجين فى العجل حطه عشان هيفرق معاك جدا جدا
والله انا أول أما مليت نيتروجين وطلعت على الدائرى جبت 130 من أول دوسة (والله بجد خلى سحب العربية يتحسن)
ومكنتش حاسس بسرعة خالص لقيت صاحبى اللى قاعد جمبى بيقولى هدى عشان إنت ماشى 170
بجد هيفرق معاك