|
#211
22-03-2010, 05:22 PM
|
||||
|
||||
رد: السرعه و التسارع انا وصلت لاختراع مذهل
أولاً: أنا متأكد أن الكل سيفرح لو خرج اختراع عظيم من عندنا (ولو من باب التغيير).
ثانياً: أنا متأكد أن الزملاء الأفاضل يتمنوا لك يا استاذ مدحت التوفيق و النجاح. ثالثاً: انت الذي سخنت الناس بشدة من أول الموضوع وبالتالي رفعت سقف توقعاتهم فلا تتعجب من إصابتهم بشيء من الاحباط. رابعاً: شخصياً أنا سعيد جداً بمجهودك و سعيك للابتكار .. لكن في نفس الوقت خائف من أن واحد من هؤلاء الذين يرفضون أن يروا عيوبهم... فضلاً عن الاعتراف بها على الملأ. وأنا لست أهاجمك ولا أنتقدك بالمرة لاسمح الله لكنني مؤمن بأن النجاح مبني على الإخفاق... الإخفاق مضاف اليه الروح المرنة التي تتقبل النقد و تعترف بالإخفاق. خامساً: أنا لا أعتقد أنك أخفقت...!!! لكن أظن أنك أصبت بشيء من الاحباط بعد تطبيق الفكرة على النوبيرا... أظن أنك توقعت أكثر بكثير مما حصلت عليه -وهو جيد في حد ذاته- لكن لأنك من شهرين تقول و تقول فلن تستطيع اليوم أن تكون محايداً في عرض النتيجة. سادساً: لا زلت لا أعرف لماذا لا تسجل الاختراع -أو الفكرة- ثم تعرضها علينا لنتناقش فيها؟؟ بل لماذا لا تعرضها -كمباديء عامة- حتى لو لم تسجلها؟؟ أليست الكتابة على النت توثيقاً كافياً يؤكد بما لا يدع مجال للشك أنك توصلت لهذه الفكرة قبل هذا التاريخ؟؟ وهل أنت خائف منا نحن أن نسرق الفكرة؟؟؟ نحن لا نشكل أي خطر لأن من يسرقون الأفكار لن يكتفوا بالمباديء العامة التي ستشرحها هنا ولا حتى بالتفاصيل لو فصلت. بل سيلجأون لطريقة واحدة فقط ولن تكلفهم سوى 1750 جنيه فقط ... يا بلاش... يعني شرح الفكرة هنا و الآن أضمن لك من عدم الشرح -في حالة فوجئت بمن ينسب الفكرة لنفسه غداً- !!! على الأقل ستثبت أسبقيتك بالتوثيق على النت.. و طبعاً انت حر في الشرح من عدمه... لكن بصراحة أنا أشعر أنك سرقت وقتي على الفاضي... فبعد كل الأخذ و الرد و المتابعة الطويلة لم أتعلم جديد و لم أستفيد سوى أنني عرفت أن هناك إمكانية لعمل (شيء ما) في الموتور يعطي (نتائج ما) و قد يكون له تأثير سلبي وقد لا يكون!!!!!! ... يعني لم أستفد شيئاً سابعاً: أنت لم ترد على تساؤلات منطقية جداً طرحت عدة مرات.... إذا كان التطوير يزيد العزم 3 مرات (هل هو فعلاً؟؟) فكيف لا يؤثر هذا على قواعد الموتور أو الشاسيه أو أجهزة نقل الحركة المصممة على العزم الأقل بكثير؟؟ و إذا كان التطوير يزيد السرعة بشكل ملحوظ (وهل هو فعلاً؟؟؟) فكيف لا يتطلب هذا تغيير أنظمة التعليق و الفرامل؟؟؟ ثامناً: الفيديو .... كان بالنسبة لي الإحباط الرهييييب... لن أقول أنه كان (زي قلته)... بصراحة (قلته) كانت أحسن لأنه سرق من مصداقيتك الكثير.. لأنه ببساطة بعيد عن الضوابط العلمية التي توقعتها ..!! أبسط شيء -وليس كل شيء- أن هذا الفيديو يعتمد على مصداقيتك أنت فقط... على سبيل المثال لا الحصر: تانك السيارة لم يكن فارغاً في أول الفيديو... فهل هناك دليل على أن البنزين الذي كان فيه من الأول ليس 95؟؟ هل هناك دليل غير كلمتك أنت؟؟ وبالمناسبة كلمتك تكفيني لا تصلح كدليل إحصائي علمي!! كما أنك لم تصل حتى لسرعة 180 مع أن العداد 220 !!! صحيح الطريق كان مزدحم... لكن هذا لا يوفر دليل علمي على أن أداء السيارة وصل حتى للطبيعي..!!! وهكذا... من الممكن أن تكون قد عملت شيء جيد فعلاً... لكنك لم تقدمه حتى الآن بالشكل اللائق.. أخيراً: أقسم بالله أنني لا أقصد النقد الهدام وإنما أتمى من كل قلبي أن ينجح إختراعك تماماً كما وصفته أنت (يزيد العزم و السرعة و يوفر البنزين وبدون أي أعراض جانبية على المدى القريب أو البعيد وفقط ب1750 جنيه) والله أتمنى أن يحدث هذا و على يدك أنت قبل أن يحدث على يد واحد صيني أو هندي... لكن فقط.... إذا كنت أردت أن تتشارك معنا فهيا نتناقش في أسس علمية و نظريات و تطبيقاتها... أما إذا كنت لا تريد فليسامحك الله على تضييع وقتنا و تعليقنا على الفاضي.
__________________
مهندس معماري محمــد مختــار  التعديل الأخير تم بواسطة master.formats ; 22-03-2010 الساعة 05:46 PM |
|
#212
23-03-2010, 03:27 AM
|
||||
|
||||
|
رد: السرعه و التسارع انا وصلت لاختراع مذهل
شكرا يا مستر فورمات على تعليقك لكن
حكايه تنك البنزين فيه 95 من الاول و كملته 80 دى تبقى عمليه ضحك على الذقون و لها مسمى تانى خالص ثم معنى كلامك ان اللى يجى اعمله التنك 95 طيب ببساطه شديده انه مجرد ما يوصل الى القاهره و هو مروح التنك حيفضى ثم بنزين 95 امام الجميع و فى امكان اى شخص يضعه فى عربيته و يشوف لو حقق النتائج اللى عملتها بيقى يصور و يورينى ثم انا قلت انى بضع غاز نيتروجين فى داخل الموتور و الموضوع بسيط لكن تعقيده فى الاماكن التى يعمل فى حيزها انا اللى خلانى اكتب الموضوع على النت هو ان اللى عايز يستفيد و يوفر بنزين يتفضل يجى ثم النتائج بتثبت كفائه افضل للموتور و عمر اطول وصوت اهدى و الحكايه بدات بان اعمل حاجه استفيد بها شخصيا لكن و انا قاعد مع اصدقائى قالو لى قبل متعملها على عربيتك كدا كدا انا عربيتى بايظه خدها و اعملها اهو منك لو فشل الموضوع ده تبقى حاميت عربيتك و انا ممكن احط اى موتور مش مشكله بالنسبه لى و ابيعها بعد كده لكن عربيتك حتبقى دخلت نفسك دوامه لو عملتها فى عربيتك النوبيرا اقتنعت بالفكره و عملتها و نجحت لكن لكن اداء السياره بيختلف من سياره الى اخرى مثلا فى النصف نقل عطت نتائج اعلى بكتير من عندى و العربيه الكاربيراتير عطت نتائج افضل من الانجكشن و لما عملت عربيتى كان نفسى تجيب نتائج افضل من كده بكتير لكن كنت بفكر فى نفس الوقت انى ازود كفائه بنزين الفكره اطورت بان ازود كفائه بنزين 80 لان و احنا فى قاعده كده مع بعض اتقال من الافضل زود كفائه بنزين 80 و يبقى كده انت وفرت بردو كنت سمعت عن اضافه الاسيتون للبنزين فى مره كده على النت و فعلا قلت طيب مانا اجربها لاقيت ان الاسيتون عند وضعه على خرطوم كاوتش زاى خراطيم البنزين بيسيح و من هنا جت فكره تحسين اداء البنزين و الابتعاد عن الاسيتون بتركيبه مكونه من 14 مركب كميائى و عطانى بردو نتائج هايله فى البنزين من ناحيه استهلاك و اداء فى المحرك افضل بردو عطانى هدوء فى صوت الموتور و حقق توفير اما حكايه انى ضيعت وقت سيادتك طبعا ده غير مقصود و ارجو ان تسامحنى لكن هدفى هو الافاده مش اكتر اما موضوع ان اى حد يجى يعرف سر تطوير الموتور ايه بمجرد ان يعمله عندى طبعا ده مستحيل لان بمجرد فكه للموتور بيضيع كل شىء عامل زى اللى فك بالونه منفوخه بالهليم علشان يشوف هى ليه بتفضل طايره فى الجو مش زاى باقى البالونات و طبعا لما يفك الرباط بيطير كل شىء ولا منه عرف هى منفوخه بايه ولا منه سبها منفوخه معلش ده مثال بسيط جدا للتوضيح و فعلا جاتلى عربيتين علشان يعرفو ايه الحكايه من ضمنهم ميكانيكى فى المنطقه بس على بعد 3 شوارع منى و بردو معرفش يوصل لشىء اما بالنسبه لتركيبه زياده اوكتان البنزين فى شركه السماد فى الطابيه واحد من العاملين بالشركه اخذ منى 2 لتر لعربيته و دخل جوا معمل الشركه علشان يحلل المركب و بردو موصلش لشىء انا مش بقول كده للتعقيد لكن اللى عايز يجى ياخذ شويه من المركب و يحللهم يتفضل يجى او عايز يعمل عربيته علشان يوصل للى انا بعمله داخل الموتور بردو يتفضل يجى اما عن ان فى حد مع مرور الزمن يتوصل للى انا بعمله فى الموتور فدا مش شاغل بالى كل واحد بياخد اللى ربنا كتبهوله محدش بياخد اكتر من المكتوب اما عن الشهره فالشهره زاى ماهى مفيده بردو هى مضره تاكد انى مينفعش اخدع حد لان فى النهايه الخدعه عمرها قصير اما عن الناس اللى جاتلى من المنتدى سواء كانو من زوار او اعضاء لو شافو ضرر كانو كتبوا و قالوا شكرا لك يا دكتور اسلام على تعليقك و على العموم لما تنزل تصيف فى الاسكندريه شرفنى و يسعدنى رؤيتك |
|
#213
23-03-2010, 11:01 AM
|
||||
|
||||
|
رد: السرعه و التسارع انا وصلت لاختراع مذهل
يا باشا أنا مقلتش إنك حاطط 95 وبتخدعنا لا سمح الله...
إنت كده شكلك فهمتني غلط على الآخر .... أو قرأت من غير تركيز.... أنا كل ما قصدت كان إن الساعتين فيديو اللي كانت (تقريباً كلها) ما عدا دقائق قليلة جداً استعراض لمعالم طريق ليس فيه ما يرى.. أقول أن الساعتين دول كان الهدف منهم إيه؟؟؟ فقط... أنك تثبت إن الاستهلاك 8.7لتر في 109 كيلو -و بدون مونتاج- على رأي السيما... مش كده؟؟ ولو لم يكن هذا هو السبب فلست أفهم لماذا لم تصور العدادات قبل الرحلة و بعدها فقط و احنا واثقين في كلامك بدون ما نقعد نتفرج على الاسطى بتاع المحطة وهو بيمون.... !!!!؟؟؟ ومع ذلك فإن كل التعب اللي حضرتك تعبته ده بدون فائدة للأسف الشديد... لأن برضه في الآخر انت لم (تثبت) شيئاً (بطريقة علمية) -وأرجو أن تكون دخلت تجارة من علمي مش من أدبي علشان تفهم قصدي- و لكن في النهاية إحنا برضه صدقناك (ثقة في كلمتك وليس لأن الفيديو أثبت ذلك) لأن ممكن تكون حاطط أي حاجة في التانك..!! فهمت قصدي إيه؟؟؟؟ باختصار أنا مش بأقول أنا مش مصدقك.... أنا بأقول إن الفيديو الطوييييييل ده كان ممكن يختصر لصورتين و فيديو لمدة دقيقتين فقط وكل سنة وانت طيب... فهمتني؟؟؟ ... أما موضوع إن لا أحد يسطيع أن يعرف سر الصنعة فده ممتاز جداً... لكن لا يفسر الغموووض و التطوييييل من أول الموضوع ما نزل وكل الوقت اللي راح في الأخد و الرد وفي النهاية كمان مش انت اللي عرضت الفكرة بل استنتجها بعض الزملاء... يعني ممكن لو حد فيهم فكر ينسب الفكرة لنفسه محدش يلومه لأنه في نظر الجميع أول من كتب الفكرة أمامنا وليس أنت... برضه علشان ماتفهمنيش غلط وتزعل أنا عارف إنها فكرتك بس أنا باتكلم في المبدأ العام فقط....!!! أما إن المكب الكيميائي أبو 14 مادة اللي حضرتك ابتكرته فأنا متأكد 1000000% إن أي (متخصص في الكيمياء) ممكن يعرف تركيبته و النسب إيه بالضبط... ده كمان ممكن يعرف انت شاري المواد الخام بتاعتك منين.... فمتبقاش واثق أوي كده... وبرضه (تاني) علشان ماتفهمنيش غلط.... أنا لا أقصد سوى تنبيهك لتأخذ حذرك و لا تكون ضحية لثقة غير مبنية على أساس علمي... في النهاية أنت برضه لم تجاوب على بعض الأسئلة المنطقية... ولم تلخص النتائج و لم تعرض فيديو الفولكس فاجن... لو أردت نصيحتي.... أعد قراءة رأس الموضوع التي كتبتها أنت بتاريخ 8-2-2010 بتأمل .... ثم أعد صياغة الكلام كرد في آخر الموضوع بناءاً على آخر النتائج و ستفهم بالمقارنة بينهما ما يثير حنق القراء... وشكراً .... و بالتوفيق..
__________________
مهندس معماري محمــد مختــار |
|
#215
23-03-2010, 02:09 PM
|
|||
|
|||
|
رد: السرعه و التسارع انا وصلت لاختراع مذهل
في انتظار اختراعك الي اتمني انه يفيد فعلا وتنجح في استغلاله بشكل مشروع
|
 |
|
|
