ارشيف الاستراحة 2009

[ahmed_kamel]

أيوه كده سخن الحكايه .... الناس مستنيه على باب العماره (إنت عارف طبعا إن السفاره في العماره)

[Ahmed_lol2007]

إنزل باللى بعده بسرعة الواحد مستنى على نار
موضوع جامد يا أبو صلاح وياريت ما تتأخرش علينا

[salahabdelnabi]

9


" فى ميعاد مع سعادة السفير ........ قوله برومبو الزنكلونى والرائد ابو نورا من المباحث "

قالها برومبو لعسكرى الامن اللى على باب السفارة وهو بيقدم بطاقته وبطاقة ابو نورا ليه وهو عاقد حواجبه وراسم التت عليه و ابونورا لابس الوش الخشب لزوم التناكة على كل اللى فى السفارة

عسكرى الامن شاورلهم يعدو من البوابة الالكترونية ....... عدى ابو نورا منها وبرومبو بيعدى ........ وفجأة البوابة رقعت بالصوت ........ تيت .... تيت .... تيت

" عندك .....اقف مكانك ..... معاك حاجة معدن " قالها الامن لبرومبو ....... اللى ريقه نشف وماباقش عارف يرد وحس ان عبقرينو وداه فى داهية .......

وابو نورا حس ان فيه دش بارد نزل على دماغه وبقى عرقه مرقه

برومبو بارتباك ويادوب صوته طالع : مافيش معايا غير شوية جنيهات معدن ....... وتوكة الحزام

الامن : طب طلع الجنيهات من جيبك .......واخلع الحزام ..... وعدى تانى

برومبو : ولو البنطلون وقع اعمل ساعتها فى الفضيحة اللى هاتحصل

ابو نورا : ماتخافش يابرومبو ..... هامسكلك البنطلون ..... اخلص بقى

طلع برومبو الجنيهات من جيبه ....... وخلع الحزام وتبت بايديه جامد على وسط البنطلون لا يسقط منه و
وعدى من البوابة ........و...و.... والبوابة سكتم بكتم ....... لاحس ولا خبر

" احمدك يارب " قالوها الاتنين فى نفس واحد

وبعد لما عدى برومبو لبس الحزام وبقى فى التمام

برومبو : عبقرينو ده فعلا جن مصور .......فعلا ماحدش قدر يعرف انى معايا جهاز خطير زاى ده أومخبيه فين!!!!!!!

ابو نورا : طب هاطلع الجهاز ازاى دلوقتى يا فالح...... احنا داخلين نقابل المنيل على عينه حالا ....... هاتتصرف ازاى

برومبو : اصبر لما نقابل السفير وبعدين ربنا يحلها ........ كل عقدة وليها حلال

فى نفس الوقت تقريبا زومة خد عربيته وطيران على الهرم لقى كردون عساكر محاوطين المنطقة ومانعين اى حد يهوب ناحيته ........

لمح مقدم شرطة راح مقرب منه وطلعله كارنيه المباحث اللى اتعملهم عشان يسهل مأموريتهم

المقدم سمحلو يدخل راح زومة مطلع الكاميرا بتاعته وفضل يصور المنطقة كلها من برة ولما خلص طلب يدخل الهرم عشان يكمل تصوير

" غريبة اوى ......... المكان ضيق وصعب حد يتخطف او يختفى منه من غير ما حد يحس بيه " زومة قالها فى سره وهو بيصور الهرم من جوة

وفجأة ............. عينه وقعت على حاجة فى الارض جنب الحيطة

قعد على ركبه ومد ايه ومسكها ........" ايه ده ؟؟؟؟؟؟؟ !!!!!!!!!!!!!! "

يتبع

[Dr. Bolbolan]

المشاركة الأصلية كتبت بواسطة salahabdelnabi 9 " غريبة اوى ......... المكان ضيق وصعب حد يتخطف او يختفى منه من غير ما حد يحس بيه " زومة قالها فى سره وهو بيصور الهرم من جوة وفجأة ............. عينه وقعت على حاجة فى الارض جنب الحيطة قعد على ركبه ومد ايه ومسكها ........" ايه ده ؟؟؟؟؟؟؟ !!!!!!!!!!!!!! " يتبع

أكيد صباع موز فرعونى ! ههههههاههههههااا ماحنا مؤلفين برده !

Dr. Bolbolan ptmnlo123per122

[salahabdelnabi]

10


" عرفتوف ادون برومبو ....... عرفتوف سيجانالوف ابو نورا ....... يا ترى ايه سبب الزيارة الكريمة دى "

قالها السفير الاسرائيلى ( كوهين الكهين ) وهو بيبتسم ابتسامة كلحة زاى اللى جايبينه

برومبو : احنا هنا عشان الملحق العسكرى اللى اتخطف أو اختفى الله اعلم

كوهين : طب وانتو جايين هنا ليه ....... الراجل اتخطف فى الهرم مش فى السفارة

ابو نورا : كنا عايزين نعرف شوية معلومات عن الملحق العسكرى وايه سبب زيارته للهرم فى اليوم ده بالذات

كوهين ببرود: لا بذات و لا غيره ..... الراجل من حقه يزور اى حتة فى مصر ....... والمفروض تأمنولوه الطريق .... مش تسيبوه يتخطف

برومبو : طبعا عندك حق بس كان هو استفسار صغير .... اشمع.......آه ..أه يابطنى ..... ممكن الحمام يا سيادة الكوهين.... قصدى السفير ........ معلش باطنى سايبة من الصبح

كوهين ببرود اكتر : انت جاى تعملها عندنا والا ايه يا برومبو ........ عموما الحمام قدامك على الشمال

جرى برومبو على الحمام وماسك بطنه وشوية ........ خررررررررررر ........ وصوت الكومبينيشن وبرومبو خارج وعلامات الراحة على وشه

برومبو : ها كنت باقول ايه ....... أه ....... اشمعنى اليوم ده تحديدا ....... هو متعود على الزيارات اللى من النوعية دى

كوهين ببرود اشد : عادى يعنى .......بس هو حب يزور الهرم قبل رمضان والزحمة وانتو عارفين ان رمضان فاضله تلت ايام .......... كل سنة وانتو طيبين ورمضان كريم عليكو.......

وهو بيحب يتفرج على التمثيليات اللى بتعرضوها فى رمضان

برومبو قام وقف وسند على حرف المكتب وبص فى عين كوهين بتركيز اوى وقاله ببرود شديد و بصوت واطى

" بتقول بيحب يتفرج على تمثليات رمضان ..... وحب يشوف الهرم قبل رمضان بتلت ايام .......أمممممممم عشان كده المهلة كانت 48 ساعة بس ........ مش كده "

كوهين بعصبية : لا مش كده ......... المفروض انه مايتخطفش اصلا ........ والمهلة مالهاش علاقة برمضان ولا تمثليات ولا دياوله ........ده راجل مسئول وعيب جدا اللى حصله ده .....

واذا كان فى حاجة اقدر اساعدكم فيها ..... انا فى الخدمة .... غير كده يبقى شرفتونى

ابو نورا : انت كده بتطردنا من مكتبك ....... واحنا جايين ندور على الراجل بتاعكم ....... ده بدل ماتساعدنا

كوهين وبدأ يتنرفز : انا مش باطردكم ولا عايز منكم حاجة واللى عندى قلته ....... روحو دورو عليه فى مكان تانى

برومبو ببرود يجنن الاعصاب : انت فعلا ساعدتنا كتير جدا ....... واحب اقولك كلمة اخيرة .......الراجل ده ماتخطفش!!!!!

كوهين والنرفزة مسكته على الاخر : ماتخطفش ازاى ......... احنا هانهرج ........ قدامك اقل من 48 ساعة ولو مارجعش ......... اكيد انتو عرفتو احنا هانعمل ايه ........ هانولعها .....فاهمين !!!!!!!!

ابو نورا : احنا مابنتهددش ....... انت فاهم والا لأ ........ وقبل المهلة دى الراجل هايظهر والحقيقة هاتبان ..... يالا بينا يابرومبو

برومبو : سؤال اخير يا سعادة السفير ........ هو الملحق العسكرى اسمه ايه

كوهين والريالة بقت بتطرطش من بقه من العصبية والنرفزة اللى بقى فيها " واسمه هايفرق ايه بقى معاك .....يا كوم امبو "

برومبو : عادى مجرد سؤال ....... وبعدين اسمى برومبو ......... مش كوم امبو !!!!!

كوهين : اسمه ليفة بن مهزوز

برومبو وبصوت عالى : هههههههههههههه فعلا راجل ليفة على الاخر .... لأ وايه كمان .....مهزوز ....ومشغلينه ملحق عسكرى ازاى .......

فعلا الراجل المناسب فى المكان المناسب هههههههههههههههههه

يالا يا ابو نورا من هنا قبل مايحمونا ويليفونا وبعدين يرقصونا ههههههههههههه

كوهين وشعره وقف وعينيه بطق شرار : برة .........برة


يتبع