|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
   
|
10 | 76.92% |
| م. سامح رمزي - sam ram |
  
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
 |
|
|
أدوات الموضوع |
|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
|
10 | 76.92% |
| م. سامح رمزي - sam ram |
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
|
|
|
أدوات الموضوع |
|
#2121
16-09-2009, 07:38 PM
|
|||
|
|||
رد: مغامرات المفتش برومبو
3-
بيت الدكتور احمد هوبة الدكتور النفسانى اللى فاتح عيادته فى اول الحارة الدكتور باين عليه القلق على الاخر وعمال يحرق فى سجاير الواحدة ورا التانية بص لقى جرس الباب بيرن فتح الباب بسرعة لقى برومبو على الباب دكتور هوبة : ادخل بسرعة يابرومبو برومبو : خير يادكترة فيه ايه ........ الجماعة فى البيت قالولى انك طلبتنى مرتين .... خير؟؟ دكتور هوبة : مش خير يابرومبو ........ مصيبة ........ مصيبة كبيرة برومبو : مصيبة ايه كفى الله الشر دكتور هوبة : سالى ماتت .......... ومش عارف ماتت ازاى ولا مين اللى موتها .... بص شوف جثتها عاملة ازاى برومبو : ياساتر يارب ........ البقية فى حياتك يا دكتور ........ عموما سالى كانت كبرت خلاص وتلاقيها كلت حاجة كده والا كده " فى سره قال هو انا هاشوف كمان ايه سبب موت القطط ..... بلاوى والله " فى اللحظة دى رن الموبايل بتاع برومبو وكان اللى بيتصل بيه الرائد ابونورا برومبو : لا مؤاخذة يادكتور....... " الو ........ ايوة ياباشا ..... حاضر ..... تحت امر معاليك ......... فى نفس القهوة ..... نصاية كده وتلاقينى عندك " دكتور هوبة : ايه يابرومبو هاتسيبنى فى المصيبة دى وهاتمشى .... من غير ماتقولى مين اللى موت سالى برومبو : يا دكتور مافيش مصيبة ولا جريمة ......... قطة وعمرها خمستاشر سنة لازم تموت ده طبيعى وبعدين دى كان شكلها ماتت تلت مرات قبل كده ........ ربنا يعوض عليك دكتور هوبة : كده برضه ..... اخص عليك يابرومبو وانا اللى بقول عليك صديقى الوفى والمخلص !!!!! برومبو : يادكتور ماتكبرش المسائل ....... دى سنة الحياة ....... وليك عليا اخلص مشوارى ده وهاعملك مفاجأة هاتعجبك اوى وتنسيك سالى واللى جابو سالى كمان ....... سلام دلوقتى يتبع
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب 
|
|
#2122
16-09-2009, 08:42 PM
|
||||
|
||||
|
رد: مغامرات المفتش برومبو
موضوع جامد موووووووووووووووت
وياريت ما تتألش علينا فى باقى الحلقات
__________________
 إنا لله وإنا إليه راجعون (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً) لن أنساك أبدا رحمك الله يا أخى (خالد خليفة) أرجو منكم قراءة الفاتحة
|
|
#2123
16-09-2009, 09:31 PM
|
|||
|
|||
|
رد: مغامرات المفتش برومبو
4
على قهوة كتكوت والترابيزات عمرانة بخلق الله اللى بيلعب طاولة ويرزع بالقواشيط " خشب ....... راحت ياحلو " واللى بيلعب ضومنه " لاست كارت ..... قفلت ياباشا ..... عد اللى معاك " ..... والشيشة التفاح والقص والزغلول متغمسين ومعبقين المكان برومبو دخل القهوة ونده على الواد قصقوصة الصبى " شوفلى ترابيزة نضيفة وكرسيين حلوين وحتة رايقة نعرف نقعد فيها " قصقوصة : منور يابرومبو باشا ....... وعندك احلى قاعدة والقهوة المستكوف المعتبرة لخبير الخبرا برومبو : ماحدش سأل عليا ياد يا قصقص قصوصة : لا ياباشا مافيش ........ انت مستنى حد والا ايه بص برومبوالناحية التانية ولمح الرائد ابو نورا جاى من بعيد وفى لمح البصر نص القهوة جريت توقلش شافت ديناصور قصقوصة : سعادة الباشا ابو نورا بنفسه مشرفنا " يا داهية دقى ابلع الحشيش ياله منك له" برومبو : ماتخافش ياقصقوصة الباشا جاى عايزنى فى موضوع خصوصى مش كبسة ولا حاجة قصقوصة : الامر مايسلمش برضك يا باشا ........ زاى مانت شايف نص القهوة جرى ........ والباقى ناقص يعملها على روحه برومبو : اهلا ابو نورا باشا ...منور ... القهوة المظبوط بتاعة سعادة الباشا من البن الغالى اللى انا جايبه ابو نورا : عندى خبر زاى الزفت ......... هايسحبو الترخيص بتاع المكتب بتاعك ويقفلوه برومبو : يا نهار طين ....... ليه ياباشا انا عملت ايه ........ دى اخرتها والا على رأى المثل " اخرة خدمة الغز علقة " ابونورا : لا غز ولا يحزنون ....... الحكاية ومافيها ان موضوع مساعدتك ليا بقى واضح للكل ........ وفيه ناس غيرانة منى ومنك ياسيدى برومبو : ناس مين ياباشا .......سيبنى عليهم وانا اكلهم بسنانى ...... ده المكتب ده فاتح اربع بيوت وكل بيت فيه وحوش بقها مفتوح مابيتسدش ...... نعمل ايه يعنى ابو نورا : والله مش عارف اقولك ايه يابرومبو ........ بس اكيد مش هاستغنى عنك وهانشتغل مع بعض دكاكينى برومبو : ياباشا الشغل بتاعكم حلو وكل حاجة بس المكتب برضه قيمة وسيما وبيجى من وراه شغل اضافى بيسند الواحد ابو نورا : المكتب هايصدر قرار بقفله خلاص وسحب الترخيص بتاعه خلال ساعات حاول تشوفلك شغلة تانية ........ وانا برضه مش هاسيبك برومبو : هو النهار باين من اوله ....... وبعدين بقى فى الحوسة دى ........ عشانا عليك يارب ابونورا : انت هاتشحت من اولها ..... عموما انا حبيت اقولك بنفسى بدل ماتعرف من حد تانى خللى بالك من نفسك وخلينا على اتصال ........ وسلملى على سوكة وزومة ومجانص .......سلام برومبو : سلاااااااااام يتبع
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#2124
16-09-2009, 11:05 PM
|
|||
|
|||
|
رد: مغامرات المفتش برومبو
5
مكتب وزير الداخلية والدنيا مقلوبة وفيه اجتماع مغلق بين الوزير ومدير الامن ورئيس المباحث د / بولبولان الوزير : اللى حصل ده كارثة بكل المقاييس ..... شخصية مهمة جدا تتخطف وتختفى وفين فى منطقة الهرم وفيه حراسة مشددة معاه مدير الامن : بصراحة معاليك مش عارفين اى تفاصيل عن الحادثة وكمان الجماعة اللى خطفوه مااعلنوش عن مطالبهم د / بولبولان : واحنا لسه هانستنى لما يعلنو .......... الحراسة اللى كانت مرافقة للراجل كانت فين مدير الامن : قائد فريق الحراسات الخاصة بيقول ان الراجل كان فى زيارة لمنطقة الهرم ودخل الهرم فعلا وماخرجش منه تانى الوزير : يعنى الراجل اتخطف ازاى جوة الهرم دى فضيحة د / بولبولان : والحراسة مادخلتش معاه ليه مدير الامن : سعادتك عارف ان ده ممنوع ....... الحراسة بتستنى برة لحد لما يخلص زيارة الوزير : والحل د / بولبولان : لازم نعرف الاول الراجل ده اتخطف ازاى ومين ورا العملية دى وايه هى طلباتهم الوزير : قدامك 48 ساعة بس تعرفلى كل حاجة عن العملية دى وترجع الراجل والا ....... هاتحصل ازمة دوبلوماسية خطيرة مدير الامن : ازمة ايه يافندم الوزير : سفير الدولة اللى الراجل ده تبعها ادانا مهلة 48 ساعة بس ....... والا هايصعد الموقف لمجلس الامن د / بولبولان : مجلس الامن مرة واحدة ........ ليه هو الراجل ده مين الوزير : الملحق العسكرى الاسرائيلى يتبع
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#2125
17-09-2009, 01:18 AM
|
||||
|
||||
|
رد: مغامرات المفتش برومبو
ربنا ياخده يارب (الملحق العسكرى الاسرائيلى)
قولو أمين وموضوع جامد أوى ومستنين باقى الحلقات بسرعة
__________________
إنا لله وإنا إليه راجعون (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً) لن أنساك أبدا رحمك الله يا أخى (خالد خليفة) أرجو منكم قراءة الفاتحة
|
|
| الكلمات الدليلية |
| مســـــــــمار, مغامرات, المدير, اليوتيوب, السلام, العروض, اعلانات, ريجيم, ريجيم سريع, ريجيم كميائى |
|
|
