|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
   
|
10 | 76.92% |
| م. سامح رمزي - sam ram |
  
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
 |
|
|
أدوات الموضوع |
|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
|
10 | 76.92% |
| م. سامح رمزي - sam ram |
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
|
|
|
أدوات الموضوع |
|
#2106
16-09-2009, 04:27 PM
|
||||
|
||||
رد: أقوى العروض الرمضانيه ...!!
فيديو مسخرة
بغض النظر عن تقييم صانعي الفيديو ، لكن الحقيقة إنه بيتريق بشكل واضح علي موضه طالعه في كل حته حوالينا اسلوب اعلاني عقيم ، بيخنقني جدا و بقي في كل حاجة الصدق منجاه و التاجر الأمين مع الصديقين و الشهداء أكيد الأمانة في التجارة صعبة و الا مكانش جزاءها كبير كده علي فكرة أنا مش باتكلم من برج عاجي ، أنا اشتغلت في التجارة حوالي 10 سنين مع الوالد من صبي لغاية معلم صغير الأمانة ممكنة بس الواحد بيحتاج يحارب نفسه و أطماعها كتير - كل دقيقة طبعا كل واحد فينا قابل كونتاديلو و سميرة و عارف ايه نتيجة التعامل معاهم ، ربنا يرحمنا منهم  ، بس سميرة دي راجل ، إخص عالرجالة
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
#2107
16-09-2009, 05:05 PM
|
|||
|
|||
|
مغامرات المفتش برومبو
افلام ( بولبولان – كامل ) للانتاج الفنى تقدم الانتاج الاضخم لحد دلوقتى اقوى عرض ينفع لاى حاجة يعنى عرض تلفزيونى – مسرحى – سينمائى - راديوى مغامرات المفتش برومبو بطولة sam ram - المفتش برومبو ايمن عبد الرازق – ايمن بوند احمد كار – سوكة حازم خضر – زومة سومو – مجانص مع ضيوف الشرف احمد كامل – عبقرينو ونجم النجوم د / بولبولان – رئيس المباحث (طبعا دكتوراه فى القانون الجنائى ) بالاشتراك مع النجوم ابو نورا - ظابط المباحث احمد انور – الدكتور النفسانى والبطولة النسائية للنجمة عايوشة قصة وسيناريو وحوار صلاحمنتيشى (صلاح عبد النبى سابقا) تم الطبع والتحميض والتصوير فى استوديوهات ايجيبت فوتو اخراج مخرج الروائع اسلام جلال
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب التعديل الأخير تم بواسطة AbOnOrA ; 16-09-2009 الساعة 06:35 PM
|
|
#2108
16-09-2009, 05:09 PM
|
||||
|
||||
|
فطوطه يتكلم الانجليزيه !
بمناسبة رمضان وكل عام وأنتم بخير ! يحن العواجيز أمثالى لآيام زمان ! أيام التلفزيون
أبو ايريال و قناتين ! و فوازير شيريهان ونيللى وقبلهم ثلاثى أضواء المسرح ( أبيض و أسود ) ثم فطوطه العجيب ( تشترى ساعة بكاتينه من غير عقارب و لا مينا ) ! و بم أننا فى اسـتراحة مصر موتورز ! اسـمحولى نضحك شــويه على فطوطه و هو يتحدث و يعلم الانجليزيه ! Dr. Bolbolan ptmnlo123per122
__________________
ليت الشباب يعود يوما  فأخبره بما فعل المشيب بى ! ptmnlo123per1127
|
|
#2109
16-09-2009, 05:15 PM
|
||||
|
||||
|
رد: مغامرات المفتش برومبو
متهيألى يا صـلاح كده انك مثلت فى الفيلم ده برده دور واحد ( ميت ) ! ptmnlo123per1106
الله يرحمك يابو صـلاح ( كلاكيت تانى مره ) ! Dr. Bolbolan ptmnlo123per111
__________________
ليت الشباب يعود يوما فأخبره بما فعل المشيب بى ! ptmnlo123per1127
|
|
#2110
16-09-2009, 05:18 PM
|
|||
|
|||
|
رد: مغامرات المفتش برومبو
المغامرة الاولى د/ بولبولان : غلط يا سيادة المقدم ....... اللى بتعمله ده غلط زعق د / بولبولان رئيس المباحث بالكلام اللى فات وهو بيضرب على ازاز المكتب بكلوة ايده بكل غضب وعنف وزغر للرائد ابو نورا ظابط المباحث وقاله كل مرة تغلط نفس الغلطة وتحل القضايا اللى بتقابلك بطرق بعيدة عن القانون ابو نورا : يافندم المهم ان العدالة بتاخد مجراها وبعدين الاجراءات القانونية دى معقدة كده وخنقة د/بولبولان : غلط .... غلط .... غلط.... العدالة بتتحق عن طريق القانون واجراءاته مش عن طريق برومبو بتاعك ده انت كده بتخالف القانون لان برومبو مش متعين فى المباحث ولا حتى بعقد مؤقت يعنى لو حد شم خبر هايقولو بياخد مرتبه منين – بننهب احنا والا بننهب ابو نورا بنرفزة : يافندم قانون ايه اللى بخالفه يعنى اعمل تحريات ليل نهار واجمع ادلة وممكن عشان غلط صغير غير مقصود المتهم يطلع براءة او يكون عنده حصانة فا ماقدرش اهوب ناحيته .... مش كده أو افضل قاعد مستنى انه يغلط غلطة امسكها عليه واقول يارب والنبى خليه يغلط ....ده كلام لكن برومبو عشان مالوش صفة رسمية بينا وماتهموش التعقيدات بتاعتنا دى هو وشلته بيقدر يحقق المطلوب وفى اسرع وقت ..... ده كمان ممكن يلبس المتهم الغلط اللى بنستنى يقع فيه عشان نقبض عليه ده احسن واحد اشتغل معايا لحد دلوقتى يا سعادة الباشا ....... فى الاول كان مرشد ليا وانا خليته يفتح مكتب مخبر خاص لان عليه دماغ تفوت فى الحديد اذا كان هو والا المجموعة اللى معاه وبكده ماحدش يقدر يقولنا تلت التلاتة كام وماتنساش سعادتك انه حل معظم القضايا اللى احتسنا فيها ومعرفناش نحلها د / بولبولان : بس ده مش معناه يابو نورا ان كل قضية لازم هو يحلها ايمن بوند هايتجنن ياراجل وبيشد فى شعره....... على ما بيخلص القضية اللى ف ايده تكون انت خلصت اربع خمس قضايا وتيجى فى الاخر تقبض انت على قلبك اد كده وهو يادوب مرتبه ونوايا جنبه تسنده ابو نورا : مانا كمان يافندم باقبض برومبو وشلته من مرتبى يعنى هى هى برضه مرتبى ونوايا جنبه تسنده د /بولبولان : عموما الكلام فى الموضوع ده خلص خلاص – انا عرضت الامر على السيد معالى وزير الداخلية وطلب سحب ترخيص المكتب بتاع برومبو وقفله نهائى – احنا هنا مش فى امريكا – احنا فى مصر ........ فوق يا سيادة الرائد وانتبه لشغلك كويس وانسى حكاية برومبو دى نهائى وماتعمليش مشاكل فى الادراة – والا قسما عظما انقلك مباحث التموين فاهم والا لا ابو نورا : فاهم يافندم وكلام سعادتك اوامر ضرب ابو نورا تعظيم سلام وخرج من المكتب ووشه منفوخ ومحمر زاى الديك الشركسى من الكلام اللى قاله د/ بولبولان وفجأة لقى ايد اتهبدت على كتفه وصوت بيضحك بتريقة " عملت ايه جوة ........واضح ان الغسيل والمكوى كانو عال المرة دى ...ها " بص ابو نورا وراه لقى عبقرينو بيضحك – قلب حواجبه تمانية وقاله بصوت رخم " فرحان ؟؟؟ .... والنبى اتنيل ....دى مصيبة وطبلت .... ابقى خليك بقى فى الاختراعات اللى بتعملها لايمن بوند وبس مش هاتلاقى الافكار الزبد اللى كان بيطلبها منك برومبو ....... خللى دماغك تصدى بقى " عبقرينو : يادى المصيبة ....... هو ايه اللى حصل؟؟؟؟ ابو نورا : سحبو ترخيص مكتب برومبو ياسيدى ....... و د / بولبولان رفض انى اشتغل معاه تانى ومن النهارة هاتعك فى كل القضايا لوحدى ولا فيه برومبو ولا يحزنون .... والا هاينقلنى مباحث التموين !!!!! عبقرينو : والله شكلك يجنن يا ابو نورا والدقيق مغطى شعرك ووشك هههههههههههههه ابو نورا : اهى البداية بانت !!!! ..... يابنى بقولك مباحث التموين مش هاينقلنى الفرن بتاعة التموين .... دقيق ايه بس !!!!!!! والنبى انت فايق ورايق يا عبقرينو ومش مقدر المصيبة اللى انا فيها عبقرينو : حاسس بيك ياخويا والله ......... بس بس ...... بوند جاى علينا !!!! ايمن بوند : ها يا ابو نورا ........ ابقى ورينى بقى هاتعمل ايه من غير برومبو الهمام بتاعك ده ابو نورا : اغزى الشيطان يابوند وابعد عن وشى الساعة دى عبقرينو : روقوا كده ياجماعة ووحدو الله وصلو على النبى انتو هاتخسرو بعض عشان حتة مخبر دا انتو بينكو عيش وملح ابو نورا : مانت شايف اهه ياعبقر جاى يقول ياشر اشتر بوند : لا شر ولا حر انا ماشى وورينا بقى هاتعمل ايه .... لما يقفلو مكتب سى برومبو !!!! ابو نورا : فى ستين سلامة ............ والله ياعبقر شكله كده عنده حق ....... هاحتاس من غيرك يابرومبو!!!!! يتبع
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب التعديل الأخير تم بواسطة salahabdelnabi ; 16-09-2009 الساعة 05:57 PM
|
|
| الكلمات الدليلية |
| مســـــــــمار, مغامرات, المدير, اليوتيوب, السلام, العروض, اعلانات, ريجيم, ريجيم سريع, ريجيم كميائى |
|
|
