#201
|
||||
|
||||
رد: أدب الرحلات
انت جالك صبر ازاى نفسى افهم
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 03-11-2010 الساعة 04:50 PM |
#202
|
|
رد: أدب الرحلات
هههههههههههههههههههه |
#203
|
رد: أدب الرحلات
نكمل رغم أنف احمد كروزير
فى يوم طلعنا رحلة انا وجماعة اصدقائى (قال يعنى انا ناقص سفر) المهم كنا شباب ايامها وروحنا نازلين الميه اعتقد كنا فى بورسعيد ونزلنا البحر وفجأة قرروا عمل مسابقة عبارة عن كلنا نغطس تحت الميه واللى يفضل تحت الميه اطول مده يكسب وساعتها كانت الجايزة كيس شيبسى وشيكولاتاية وشوية حاجات عبيطة كده المهم انا نزلت تحت الميه على اد م قدرت وبعدين خرجت دماغى قبل م افطس ولقيتهم كلهم لسه تحت الميه ولقيت الحكم بيشاورلى بايده انزل انزل بسرعة فنزلت تانى قبل حد م يشوفنى وبعدين سمعنا صفارة طوييييييييييييلة المسابقة خلصت وخرجنا وقال الحكم كلكم ضلالية اتااريهم كلهم خرجو وهو شاور لهم زى حالاتى ونزلو تانى لكن سألوه طيب مين أخر واحد طلع فقال خالد خليفة وراح مدينى الجايزة وقبل م امد ايدى افتح وآكل لقيتهم اتخطفو واتاكلو قبل م اسال في ايه ههههههههههههههههههه |
#204
|
رد: أدب الرحلات
ولازلنا فى بورسعيد
دى حكاية عمرها 25 سنة وكنت فى الجامعه وروحنا بورسعيد بصفتى من المتفوقين رياضيا بجامعة الأزهر (انا خريج جامعة عين شمس بس فى واحد قريبى ظبطهالى ) واحنا هناك طبعا انا كنت فى الجوالة وحافظ كام اغنية من بتوع الجوالة وجات ساعة استلام الأكل وواقفين طابور نستلم اللأكل وكل واحد ماسك الصينية ومستنى دوره والواحد كان متعود من معسكرات الجوالة انه اثناء انتظار الأكل نغنى اغنية كوميدية للاكل ومكانش حد بيزعل وابتديت اغنى والشباب يخبطو على الصوانى بالمعالق وكانت اغنية لذيذة لازلت فاكر كلماتها وكلماتها بتقول مبلاش الأكل ادونا فلوس الأكل بيسرح فيه السوس ده الأكل فى حصى وزلط خافو ياناس من ربنا والجبنة مملحة والجاز ع الفول غلط وفاصوليا مسلحة ناكلها كلنا ونطلع كلنا ع الاسعاف سوا والفرخة بزمبلك من ايام الملك وبتجرى فى الطبق وياناس دى بطننا وبرضه مننا وهنطلع كلنا ع الاسعاف سوا (على وزن الحان اغنية شاديه حبينا بعضنا وبوحنا بسرنا ) واثناء الكل م بيضحكو وبنهزر بما فينا المشرفين والاداريين فوجئت بمدير مديرية الشباب والرياضه هناك دخل فجأة وقال ايه السخافة دى وقلة الذوق بقى انا جايب لكم احسن اكل وتقولو عليه كده فين الطالب اللى كان بيغنى وخرجت فقال محروم من الأكل ولم شنطتك وامشى وبصيت لقريبى فغمز لى وروحت على العنبر ومر الوقت تقيل وسخيف وطويل وفوجئت بواحد داخل بصينية مليانة اكل وقال /الاستاذ محمد (قريبى ) باعت لك الاكل ده وشوية ولقيت الشباب داخلين معاهم اكل كتير بس قالو مش هتاخده الا بشرط واحد (طبعا مش عارفين ان جالى أكل ) فقلت ايه هو قالو تغنى الأغنية دى تانى فقلت ومدير المديريه قالو غار فى داهية وغنيتها وهيصو بطريقة تفضح لدرجة ان السكان فى منطقة صالح سليم او( جمرك دمياط )اللى كان فيها المعسكر اشتكونا للمشرفين وبعد م خلصت طلعو الاكل فقلت طبعا مش عايز لانى اكلت لكن من عجائب الرحلة دى كانت الغرفة بتاعتنا لازقة فى غرفة الجمرك وكنا نسمع الناس اللى خارجة من الجمرك وهيا بتاكل ضرب وبالحزام والخشبة كان كل واحد هرب حتى منديل ورق واكتشفوه ينزلو فيه ضرب لحد م يتوب عن تهريب منديل ورق تانى المهم عندنا شباب صعايده فيهم حمية وشهامة واناكنت منهم بس انا كان جسمى قليل فسلطتهم على بتوع الجمرك وراح لهم واد طويييييييييييييييل وتخيييييييييييييييين وكانو بيضربو واحد وقال لهم اييه ياولاد ال.............. سيبو الواد (كان شاب صغير من سننا) ونزل فيهم ضرب ضرب من غير شتيمة و جه واحد جسمه اكبر منه كانو عملاقين بجد المهم دغدغو الجمرك على اللى فيه وبالليل لقيت المباحث جاية روحت مستخبى (عملتها بعد كده ب18 سنة فى قطار الصعيد اللى تكييفه كان بايظ) والواد يدور عليا علشان يقول لهم اللى رسم الخطة اهو مش لاقينى وخصوصا بتوع الجمارك قالو انهم كانو 2 مفيش تالت باتو ليلة فى الحجز وخرجو وبيدورو عليا وكانو هيفترسونى لولا ربنا ستر واحد اخترع لهم حكاية وقال لهم ان خالد كان مقبوض عليه بس راح قسم المناخ علشان يبعدوه عنكم وهناك اكل ضرب وقعد يكدب عليهم ويألف حكاية محبوكة بطريقة انا نفسى صدقتها التعديل الأخير تم بواسطة خالدخليفة ; 09-08-2010 الساعة 03:18 AM |
#205
|
رد: أدب الرحلات
ولازلنا فى بورسعيد
وكنا فى نفس المعسكر وكان معانا واد بيحقد عليا لانهم اخدونى فى فريق الكورة اللى هيمثل المعسكر وكان بيعتبر نفسه احسن مننا كلنا لانه وعلى حد قوله يملك بيت ملك وفدانين و3 بقرات وجاموستين غير الطيور وكل شوية كان يعايرنا ويقول ياشحاتين ده انا عندى كذا وكذا وكان القاهريين يضحكو من كلامه لان مين فى القاهرة هيشترى الحاجات دى او يفكر فيها وكانو الصعايدة والفلاحين بيزعلو جدا من كلامه ومرة اتلمو عليه كانو هيغتالو ه وفى يوم نزلنا البحر وفوجئت بيه كان هيغرق وجريت عليه انا وواحد زميلى ورغم انى مكنتش بعرف اعوم لكن شعور داخلى جرانى عليه المهم الواد لحقه وانا شلته وخرجت بيه من الميه وبعد مافاق بص لقانى انا والواد التانى اللى خرجناه بص لنا وقال ياشحاتين ده انا عندى بيت ملك وفدانين و........و............و.. ............ وسبناه ومشينا بس بصراحة انا مقدرتش امنع نفسى من الضحك وفطست على روحى من الضحك فالتانى اللى كان معايا اتغاظ بتضحك على ايه وهو شاتمنا احنا الاتنين وراح نازل فيا ضرب كسر لى ضلوعى فقلت له وانا بضحك يعنى مقدرتش على ال........... تتشطر على ال................. التعديل الأخير تم بواسطة خالدخليفة ; 09-08-2010 الساعة 03:57 AM |
|
|