#196
|
رد: أدب الرحلات
نكمل
مرة مسافر اسوان والتكييف كان بااااااارد جداااااا المهم كلنا تلجنا روحت لرئيس القطار لانى عارف ان كل موظفين القطار بعد خروجه من الجيزة بينامو ماعدا الكمسارية طبعا والمباحث وادو ر على رئيس القطار مفيش وطبعا هو جوه القطار اومال هيروح فين ولقيت كابينة مقفولة وبصراحة فتحتها بغباء وقام مخضوض وقال فى ايه فقلت عربية 8 متلجة فقال هبعت لك مسئول التكييف دلوقت ومشيت وبعد ساعة مفيش حد جه روحت رايح له تانى وراح مسك موظف التكييف ونزل فى زعيق وخناق وانا بتفرج وبعدين قلت ياعم احنا هنموت وانتو مش هتخلصو حساب المهم الواد حب ينتقم مننا راح مشغل التكييف سخن وخلا ه اعلى درجة فى السخن شوية واحنا كلنا ولعنا ووداننا احمرت وصفرت والعرق ناااااااااازل انهار وجريت جبت رئيس القطار وكنا وصلنا اسيوط وهو هينزل روحت رايح لرئيس القطار اللى هيستلم من اسيوط للاقصر وخوفته وقلت له القطار ده فيه مشكلة والراجل ده صدرها لك والتانى رفض يمضى على استلام القطار فيييييييين لولا م ظبطو التكييف لولا م اتحرك القطار شوية والواد زعبوللا (انا سميته كده) بتاع التكييف شايلها لنا واستنى لما القطار طلع من الاقصر واستلم التالت اللى هيوصل بيه اسوان وراح مولعها تانى المرة دى مروحتش لرئيس القطار اخدت 2 من الركاب وسخنتهم عليه تسخينة سودة وبعيد عنكم الصعايدة لما يقومو ف شرهم ومسكو الواد عجنوه عجنة سودة والقطار وقف فى كوم امبو والمباحث طلعت ومواااااال ويدورو عليا محدش لاقينى كنت فييييييييييين نزلت من القطار لان هيحصل موال وتعدى على موظف عام اثناء تأدية عمله وقصة طويلة وفعلا القطار اتاخر شوية لكن اتحلت بسرعة واول م القطار ابتدا يتحرك جريت ركبت وسالونى كنت فين فقلت انتو اللى كنتو فين فقالو / كنا بنضرب الواد بس اخد حتة علقة على كيفك هههههههههه وقعدو يحكو على البطولة اللى عملوها ونسيو موضوع زوغانى منهم علشان تعرفو ان الصعايدة غلابة وطيبين بس |
#197
|
رد: أدب الرحلات
نكمل
كان عندى شغل كتير جدا فى بنى سويف واتاخرت جدا واول قطار جاى بعد ساعتين روحت رايح على الميكروباس وهناك كنت اخر زبون وركبت ومشينا ولقيت السواق حاطط على التابلوه اكتر من 10 زجاجات توسيفان (دوا كحة نازل جدول وممنوع تداوله الا بروشتة) وكل 5 دقايق يعمل نفسه بيكح وياخد شفطتين قلت أااااااااه ه ه ه ه كتاكيتو بنى على رأى زينات صدقى ربنا يستر ونروح النهاردة الأسوأ بقى ان البيه اللى بيلم الأجرة لاحظت انه نايم من اول الطريق ولما صاحبنا صحاه عند البدرشين كده علشان يلم الأجرة اتااريه كان مبرشم متفهمش والا سكران المهم كانت الاجرة 4 ونص و الر كاب م صدقو واحد زى ده يلم الأجرة واحد يديله جنيه ويقول له هات الباقى فيديله باقى 10 وواحد يديله 5 جنيه ويقول له 2 فيحطها ف جيبه ويديله جنيه كل حاجة عنده 10 جنيه طبعا انا مسكتتش فقلت لهم استنو حرام كده فقالو حرام ايه ده هيموتنا فقلت يعنى تموتو مزوغين من الاجرة ده كلام فضحكو واخدت منه كل الفلوس ولميت الأجرة واديتهاله الغريبة لما وصلنا مصر السواق عد الفلوس ييجى 10 مرات بقول له فى ايه فى الأول مرضيش يقول لكن بعدين قال وبصراحة ضحكنى قال انا ب اعد الفلوس جوه العربية تبقى بالزيادة انزل من العربية الاقيها ناقصه قلت له خلاص متطلعش من العربية هههههههههههههههه وسبته ومشيت |
#198
|
||||
|
||||
المهم التكييف اشتغل ساقع ولا سخن؟؟؟؟؟؟؟؟
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 03-11-2010 الساعة 04:48 PM |
#199
|
||||
|
||||
رد: أدب الرحلات
ههههههههههههههههههههههههه ههههههه
انا قريت ال 38 صفحه ورا بعض موضوع جامد جدااا استمررررررررررر |
#200
|
رد: أدب الرحلات
ده موقف عجيب جدا
روحت لزبون فى بنى سويف وكان معايا ابنى عمر (رحمة الله عليه) واول م وصلت مكتب الزبون رحب بيا جدا لانه صديق شخصى بعيد عن الشغل ودخلنى قعدت على كرسى مكتبه وجاب كرسى لعمر (5 سنوات وقتها) وكان فى 2 موجودين على الكرسيين اللى قصاد المكتب المهم صاحب المكان جاب حاجة ساقعة لينا علشان الحر وتعب السفر وخصوصا لما عرف اننا جايين بالميكروباس مش بالقطار وكان ايامها عندى مصنع عطور(قبل غلقه) وفوجئت بصاحب المكان سأل ال2 الموجودين سؤال خبيث لم اتوقعه فقال فى واحد اسمه خالد خليفة بيعمل شغل احسن وانضف من شغلكم وارخص منه ليـــــــه؟ فيهم واحد فيلسوف كان بيدخن اخد نفس عميق من السيجارة وقال / أأأأأأأأأأأه ه ه ه ه خالدخليفة ده اللى مكتبه فى مصر الجديد ة فصاحب المكان ارتبك وحس انه ممكن يعك فقال / ايوه هو قال له / ده حرامى فصاحب المكان اندهش وسأله /انت تعرفه ؟؟؟ قال / عز المعرفة فصاحبنا اتغاظ وسأله / شفته قبل كده فقال / ده صديق شخصى بس الشغل شغل وانت طلبت منى كلمة حق فصاحبنا اتغاظ اكتر منين تعرفه وهو قاعد ادامك بينك وبينه ترابيزة المكتب ومقلتلوش ازيك فسأله / وهو حرامى ازاى بقى فقال جملة عجيبة جدا قال ده واخد حوالى 31 مليون جنيه (شوف الدقـة جاب المبلغ بالظبط) من البنوك وهارب مش بيسددهم فلوس جاية من الهوا طبيعى يديك بضاعة رخيصة وحلوة وهنا صاحبنا ولع من الغيظ لان الحكاية واضح انها متألفة لانى بسافر بالقطار او الميكروباس ومش باين عليا اى مظاهر ثراء فاحش فأخدنى على جنب وقال / أيه رأيك ؟ نقـفـل عليه المحل ونضربه ؟ فقلت / ده عيل سيبك منه ومديره صديقى وانا هشتكيه طبعا ابنى مش فاهم مين خالدخليفة لانه ميعرفش ان ده اسم شهرتى لانه عارف ان اسم خالد محمود خليفة فقال ببراءة / مين خالد خليفة ده يابابا فقلت واحد صاحبى وسبحان الله لقيته بيقول / طالما صاحبك يبقى كويس ضحكت وسكتت المهم بعد مندو ب المبيعات ده م مشى سالنى صاحب المكتب / مخلتنيش اضربه ليه فقلت / ملوش لازمة وانا هشتكيه لمديره وبقينا نهزر ويقول لى بقى تسرق 31 مليون وتيجى فى الميكروباس ههههههههههههه طب هاتلك عربية سيات 133 ب3000 جنيه (معرفش بكام دلوقت ) ايه البخل ده وقعدنا نضحك ونهزر تانى يوم اتصلت بمديره وقلت له / مندوب قبلى عندك حصل منه كذا كذا كذا و دى مش اصول المنافسة وعيب لما تبقى استاذهم اللى بيعلمهم وتعدى عليك دى فاستغرب جدا وقال مين قال لك الحكاية دى قلت له محدش قال لى انا كنت قاعد بينى وبينه ترابيزة مكتب وقال / بالذمة كنت قاعد قدامه فقلت /اه والله مش مصدق كلم فلان (الزبون اللى كنا عنده) ولقيته بيضحك يضحك يضحك بطريقة هستيريه وقال /هشوف الموضوع ده وانا اسف وبعتذر بعدها بأسبوع اتصل بيا وهو ميت على روحه من الضحك وبيقول / الواد اياه مسكته فى الاجتماع الاسبوعى قدام زمايله ومسخرته وقال / لوشفت منظر المكتب كله بعد م عرفو انك كنت قاعد قدامه كان عبارة عن مسرحية شغالة كله بيضحك وهروه تريقة الله يسامحك ياعم خالد بوظت لنا الاجتماع الاسبوعى |
|
|