مساعدة عاجلة في شراء فيرنا

[TiTo Sky]

الفيرنا عربية جميلة وانا سوقتها قبل كدة بسس سوقت المانيوال منها

بسس عيبها انها واطية شوية وممكن لو ركبتي تلاتة ورة وخدتي مطب المطب هيخبط في علبة

الشكمان وبرشحلك الاوتوماتيك نظرا لظروفك والاوتوماتيك جميل ومريح

وبالنسبة للون اللون السماوي احسن طبعاا يا اما الفيراني جميل برضو

وربنا يتم شفاكي علي خير

تحياتي وتقديري

AHMED

[Tota El Masry]

المشاركة الأصلية كتبت بواسطة TiTo Sky الفيرنا عربية جميلة وانا سوقتها قبل كدة بسس سوقت المانيوال منها بسس عيبها انها واطية شوية وممكن لو ركبتي تلاتة ورة وخدتي مطب المطب هيخبط في علبة الشكمان وبرشحلك الاوتوماتيك نظرا لظروفك والاوتوماتيك جميل ومريح وبالنسبة للون اللون السماوي احسن طبعاا يا اما الفيراني جميل برضو وربنا يتم شفاكي علي خير تحياتي وتقديري AHMED

جزاكم الله خيراً ألف شكر

[esafegypt]

لالالالالالالالالا اوعى تشترى الفيرنا اوتوماتك صدقينى انا مجربها موش كويسة لو عاوزه تشترى اوتوماتك اشترى I10 أو I30 لان تقفيلهم نظيف جدا وفى فرق واسع بين الاوتوماتك فى الفرنا وفى الاوتوماتك فى I10 أو I30 او اى حاجه تقفيل خارج مصر وعاوز اقول لحضرتك كمان ان فى موديلات كتيرة تقفيل هندى موش كورى بس والله التقفيل الهندى افضل من المصرى بكتييييررر جدا
انا كنت زى حضرتك عاوز اجيب الفيرنا اوتوماتك ودفعت عربون وكنت بشتريها من موزع معتمد من غبور كمان والشخص اللى فى المبيعات قال لى لو هتدفع فلوس فى اوتوماتك متجبش الفرينا اوتو وجيب اى نوع تانى اوتو قلت له ليه ما دى كورى ودى كورى قال لى تقفيل الفيرنا سئ لكن التقفيل الهندى والكورى بلد المنشاء فى الاوتوماتك افضل بكتير وممكن اعطيكى عنوان الموزع اللى انا اشتريت منه وعموما ربنا يوفقك للى فيه الصالح

[esafegypt]

اه نسيت ارد على الجزء بتاع تعليم السواقة
حضرتك لو عاوزه تتعلمى القياده صح يبق تتعلمى على عربية مانول قديمة زى اللادا او البيجو القديم وبعد كده تسوقى براحتك اى عربية لان لما تتعلمى على عربية صعبة القياده هتتدربى كويس اوى وهتلاقى سواقة اى عربية جديده حاجه سهلة جدا وربنا يحفظك من كل شر

[Tota El Masry]

المشاركة الأصلية كتبت بواسطة esafegypt لالالالالالالالالا اوعى تشترى الفيرنا اوتوماتك صدقينى انا مجربها موش كويسة لو عاوزه تشترى اوتوماتك اشترى I10 أو I30 لان تقفيلهم نظيف جدا وفى فرق واسع بين الاوتوماتك فى الفرنا وفى الاوتوماتك فى I10 أو I30 او اى حاجه تقفيل خارج مصر وعاوز اقول لحضرتك كمان ان فى موديلات كتيرة تقفيل هندى موش كورى بس والله التقفيل الهندى افضل من المصرى بكتييييررر جدا انا كنت زى حضرتك عاوز اجيب الفيرنا اوتوماتك ودفعت عربون وكنت بشتريها من موزع معتمد من غبور كمان والشخص اللى فى المبيعات قال لى لو هتدفع فلوس فى اوتوماتك متجبش الفرينا اوتو وجيب اى نوع تانى اوتو قلت له ليه ما دى كورى ودى كورى قال لى تقفيل الفيرنا سئ لكن التقفيل الهندى والكورى بلد المنشاء فى الاوتوماتك افضل بكتير وممكن اعطيكى عنوان الموزع اللى انا اشتريت منه وعموما ربنا يوفقك للى فيه الصالح

جزاكم الله خيراً أنا أستخرت ربنا و شفت I10 رأي العين في الحلم بس قلت الفيرنا بنت حلال و ماشية في الشارع زي الفل عموماً حستخير بنا تاني و ربنا ييسر الخير لحسن والله المسألة صعبة جداً و ربي عالم ظروف العربية ده ليه فالخبطة فيها مش سهلة و أي قرار صعب مش مهم حياتي أنا المهم فلوس أخواتي أنا كده كده عايشة بقدرة ربنا و ربنا يشفي كل مريض
المهم حضرتك جبت I10 و جربتها و لا لأ و أخبارها إيه مع حضرتك؟؟؟
تحياتي