بالمستندات.. تفاصيل خطة العادلى لتفجير كنيسة القديسين

[ayman goda]

الاعدام لحبيب العادلى فى حضور اهالى
جميع شهداء الثوره وشهداء الوطن

[lol64]

المفروض كان يبقى اسمه كريه العادلى مش حبيب العادلى
تفكير شيطانى بصراحه

[MIDO-SPICY]

المشاركة الأصلية كتبت بواسطة elmanahry mido-spicy منذ فترة اقرا كل مشاراكات سيادتك واعجب بها جدا لدرجة واستعجب لحالة السكتة الكتابية التى تنتابنى بسبب ان سيادتك تبهرنى لدرجة عالية تفقدنى القدرة على الكتابة مشاراكاتك بها كم هائل من المنطق والمفاجاة والطرافة احيانا والاسبقية فى الخبر احيانا اخرى احتجت فترة فى ان اكون فكرة عن شخصية سيادتك بالقرائة والمراقبة ووجدت ان سيادتك اديب بمعنى الكلمة وراقى جدا فى موضوعاتك وعالى الثقافة اشكرك جدا جدا

أ/ المناهرى
فى البدايه انا عايز اقول لحضرتك ان دى سابع مره اقرا فيه تعليق حضرتك الاكثر من رائع واللى كان كل مره بقراه فيها بيصيبنى انا كمان بسكته كتابيه من كتر ابهارى انا الاخر بتعليق حضرتك
حضرتك اديتنى اكثر من حقى بكتيـــــــــــــــــــــ ـــــــــــــــــــر
الموضوع بالنسبالى انى براعى ربنا وضميرى وارتياحى الشخصى وفلسفتى الشخصيه للامور وعدم انصياعى ورا رأى حد دون اقتناع فى تحليل الامور اللى كنا بنتناقش فيها
وان كنت اشعر فى بعض الاحيان ان تقديرى للامور ممكن يكون صح ففيه بعض الامور اللى تحليلى فيها كان خطا
وكمان فيه ناس كتير غيرى فى المنتدى تستحق هذا الكلام الاكثر من رائع واللى اعتقد انى اول مره اقراه فى المنتدى من ساعه ما اشتركت فيه
استاذى العزيز .. كلام حضرتك وسام على صدرى ورأى احترمه واقدره كثيرا
والحقيقه مش عارف ازاى ممكن ارد كلام حضرتك بشكر منى والذى لن ينتهى ما حييت

مش عارف اقول ايه
عموما فى النهايه .. نورت الموضوع وتشرفت بلقاء حضرتك واتمنى تعليق حضرتك الدائم على مواضيعى وتعليقاتى النقديه قبل الامتداحيه
بشكر حضرتك للمره الثانيه

[mainz]

الف شكر على الموضوع يا ميدو باشا .
انا مش هنتقض الموضوع علشان انا عاوز انتقض وبس !!! لكن انا هنتقض الموضوع بالادله المنطقيه .....
اولا ممكن ومش بعيد على حبيب العادلى انه يتورط فى جريمه زى ديه !
لكن يستفز بيها البابا شنوده!!!! ده من رابع المستحيلات وكلنا عارفين السبب !! ممكن يستفز المسلمين ويستفز اى جماعه اسلاميه وممكن يستفز شيخ الازهر نفسه وممكن يعتقل كل المسلمين وكل شيوخ الازهر تحت اى زريعه او اى سبب لكن حبيب العادلى ما يقدرش انه يستفز البابا شنوده لانه هيبقى عارف مصيره فيين ... النظام السابق الظالم بقياده حسنى مبارك ومن ضمنهم حبيب العاددلى زات نفسه كان بيسبح بحمد البابا شنوده كل يوم والعياز بالله فى امكانهم انهم يعملوا اى شئ فى ارضاء الاقباط والبابا شنوده والاسلوب ده من صفات الظالميين .
ثانيا بعد الحادثه مباشرتا ولفتره لم يستهان بيها طلع الاقباط كلهم الى الشارع وضربوا الشرطه وكسروا العربيات فى الشوارع وضربوا الشرطه بطريقه عنيفه لدرجه ان عدد كبير من الشرطه اصيب والى منهم توفى واستفزوا النظام والحكومه وعملوا ضغط كبير على الحكومه واحرجوها وكلنا عارفين ده . وبالرغم من زلك لم يتحرك حبيب العادلى لاستفزاز البابا شنوده وكسر جناح الاقباط كما يدعى المقال بل بالعكس كل النظام طلع جرى على الكنيسه والبابا شنوده يتلمسوا السماح والغفران منه والاسراع فى التودد للكنيسه فى مصيبتها . ولم تخمد ثوره الاقباط والكنيسه بسبب الحادث وهزا يدل على ان العادلى لم يستفز البابا شنوده ولم بهدد البابا شنوده بالفضيحه .
ثالثا حبيب العادلى متورط فى الحادثه ديه علشان يستفز كل الجماعات الاسلاميه فى مصر وعلى راسها الاخوان المسلمين واى جماعات اسلاميه خارج مصر فى فلسطين مثلا وهوا ده الى حصل بالفعل ولفق التهمه الى جماعه اسلاميه فى فلسطين !!طيب يستفز بالعمل الاجرامى ده الجماعات الاسلاميه فى مصر ليه ؟ علشان يكون فيه سبب لاعتقال القيادات والنشطاء فى كل الجماعات الاسلاميه وعلى راسها الاخوان المسلمين حتى يخلى الجو والبلد من المعارضه الحقيقيه ويفسح المجال لجمال مبارك لحكم مصر بدون معارضه حقيقه من الجماعات الاسلاميه والنشطاء الاسلاميين فى الانتخابات الرئاسيه فى عام 2011 لان حسنى مبارك كان مظبط حاله انه هينقل السلطه فى 2011 الى ابنه بدعوى انه مريض ولا يستطيع ممارسه العمل السياسى وبالتالى تنقل السلطه الى ابنه جمال فى غياب قيادات المعارضه من الجماعات الاسلاميه المعتقليين بحجه الارهاب ومكافحه الارهاب والتسبب فى احداث الكنيسه !!
وانا اسف على الاطاله

[Mohamed Elhasafy]

كلام معقول برضه