انت مع من؟ البلطجية, ام ضباط الشرطة للمرحلة القادمة؟

[koashraf]

انا مع القانون ..والانضباط...
يعنى لو كل واحد اخد حقه بايده حتبقى غابه والضعيف حيروح فى الرجلين والحق كمان حيضيع... والبلد حتبقى فوضى.

لابد ان يحترم الجميع القانون الحكام والمحكومين.

[hazem_khidr]

لا طبعا أنا مع الإنسان المحترم والمظلوم ايا كان وضعه وطبعا مفيش بلطجى أو ظابط محترم _لا أقصد التعميم لان هناك بعض الشرفاء فى الفئتين_ فأنا مش مع أى منهما إلا لو كان أحدهما مظلوم

ازاي يا مهند الكلام دا
يعني ايه بلطجي و شريف؟؟!!!!!!!!

[حازم شاهين]

إحنا مع القانون و الحق و الكرامة
بمعنى إنه مش علشان البلطجى شخص فاسد و عدو للمجتمع يبقى يتعامل بأسلوب فيه إمتهان لكرامته و يتعذب جسديا ، لكن يتعامل بموجب الضمانات إللى كفلها القانون و الدستور و حقوق اﻹنسان مهما كان الجرم إللى إرتكبه

أم الشرطة فالموضوع هياخد وقت لغاية ما تتعدل النظرة المتعالية و التفكير الفوقى للظباط باعتبارهم أوصياء على الشعب

[hima elgmal]

المشاركة الأصلية كتبت بواسطة corsair والله انا من راي ان اللي بيدي فرصه للبلطجي انه يبقي بلطجي يبقي يستاهل اللي يجراله وبعدين اللي خلي البلطجية ينتشروا في البلد بالشكل ده هما الشرطه وخليهم يشربوا بقا

المشكله ياباشا ان مش الشرطه لوحدها الى هتشرب الشعب كمان هيشرب من نفس الكاس بس بدون ذنب ولاحظ حاجه بسيطه مع اقتناعنا التام بعدم معامله المتهمين بطريقه سيئه وعدم التعدى على اى متهم ايا كانت تهمته الا بالقانون فى الجان الشعبيه لما كانت بتمسك حرامى كانت بتعمل فيه ايه؟؟ وشكرا

[sam ram]

مبدئيا اللي حصل ده تهريج و حتى لو كان ظابط الشرطه غلطان لو فرضنا كل الاحتمالات ..
مش معقوله حنطبق قانون الغاب و حقي بدراعي و القصاص الفوري .. نلغي القوانين بقى والبقاء للاقوى

المشكله جذورها عميقه وقديمه
لو كانت الشرطه بتتعامل مع سواقين الميكروباص من الاول بطريقه قانونيه مكنش حصل اللي حصل
المفروض الشرطه تفرض النظام على الشارع .. وساعتها مكناش حنشوف اسلوب البلطجه ده .. لكن للاسف الشرطه بتتعامل مع البلطجي باسلوبه مش باسلوبها هي !!!

المفروض القانون يتطبق .. لكن مش لازم يكون في ضرب و شتيمه و قله ادب ...
عربيات ميكروباص كتير اصحابها من جهاز الشرطه و اللي شغالين عليها بلطجيه
والسواق اللي ملوش ضهر كان بينضرب على قفاه
هما السواقين عايزين دلوقتي ينتقموا من الشرطه من خلال اي ظابط يقابلهم ....
المشكله دلوقتي ... ازاي نخلي السواقين يحترموا القانون ويتعاملو مع الناس باسلوب كويس ..
وفي نفس الوقت ازاي الشرطه تتطبق القانون من غير ما تعرض رجالتها للمهانه و التطاول

مشكله وعليهم حلها ... و لازم مسانده الجيش لفتره