هل فيرنا استار افضل ام اللانوس

توكل علي الله وهات الفيرنا استار اتوماتيك لانك اول مره تسوق فخليك في الاتوماتيك هيريحك جامد جدا ومش هتشغل بالك بالفتيس وهتركز اكتر في الطريق وهي عاملة 76000 جنيه جميع الكماليات اتوماتيك واللي زاد فيها عن الفيرنا العادية سبويلر وعتب رياضية وشبكة امامية رياضية وعربية ثابتة نفسها التعديل اللي فيها مش جوهري اوي اد ما هوه مانظر بس ارحم من الانوس اللي يوم ما فكرو يعدلو فيها شالو علامة الانوس وحطو علامة الشيفورليه ودمتم وكمان هتسوق وانتا مرتاح لانك شايف ابعاد العربية بوضوح لكن الانوس هتلاقي نفسك مخنوق ومش عارف تظبط الابعاد بتاعتها

[luckyman]

المشاركة الأصلية كتبت بواسطة lol64 اولا تحيه للاستاذ luckyman بصراحه تقرير جميل منك ومقارنه رائعه هاستاذنك بس فى حكايه الانوس والرؤيه الغير واضحه انا هاتكلم عن الدايو لانوس مش شيفروليه لانوس يمكن يكون فيه اختلاف الدايو لانوس كانت الرؤيه كويسه معايا وشايف كل حاجه من الكبوت مافيش مشاكل لكن اللى انت وصفته عن ان العجل مش فى اطراف الرفارف كلام مضبوط وكنت باتجنن منه اول ماركبتها شكرا ليك يااستاذ luckyman

اشكرك على مداخلتك المفيدة لكن لازالت اللانوس تمتلك زوايا ميتة وهذا كل السيارات الحديثة ناتج عن تصاميم السيارات ونسبة انسيابتها ولا يعيب السيارة فى شىء الا فى بلد كمصر الزحمة كبيرة وعالية جدا بشكل خرافى لدرجة اننا بنسوق وبنعمل مناورات فى حدود عدة سنتيترات لركن السيارة وتغير المسارات فى الطرقات الخ لكن جرب الفيرنا تلاقى نفسك بتسوق السيارة مش بالسنتيميتر لا بالمملى ممكن تتحكم فيها كمان دقة توجية الفيرنا محسوسة غير اللانوس التى فيها بعض التاخير والكسل لكن طبعا يمكن انا بتكلم على بعض انواع قادة السيارات اللى بيفرق معاهم الكلام دة لكن من ناحية اخرى فى ناس كتير مش بتفرق معاهم الكلام دة لانهم اساسا مش بيحسوا بية طبعا دة فى احوال كتير بيرجع لامكانيات ومهارات السائق الخ وتقبل منى خالص شكرى واحترامى

[samn2010]

التعديلات اللى فى استار مساعدتش فى تثبيت العربية على الطريق شويه ولا ملهاش لازمة
والجنوت متغيرتش ولا اتغيرت
والاتوماتك مغيرش فى الاوبشن
وشكرا على الردود

[luckyman]

المشاركة الأصلية كتبت بواسطة samn2010 التعديلات اللى فى استار مساعدتش فى تثبيت العربية على الطريق شويه ولا ملهاش لازمة والجنوت متغيرتش ولا اتغيرت والاتوماتك مغيرش فى الاوبشن وشكرا على الردود

فعلا كل اللى اتغير يعتبر ديكور لاتأثير له على اداء السيارة لكن ربما نفسيا يؤثر على شريحة لا بأس بها لكن الجنوط فعلا اتغيرت الى جنوط المنيوم يعنى اخف وزنا مش عارف مقياس الاطار وابعادة اتغير ولاه لا لكن فى كل الاحوال اداء الفيرنا جيد واعتقد ان الشركة مش ممكن تعرض الاطارات او تغير ابعادة بهدف تغير او تحسين اداء السيارة لانة فى المقابل يؤثر على استهلاك السيارة للوقود والتسارع والسرعة القصوى والسيارات الفئة دى المتوسطة الصغيرة مش الاداء العالى لكن اداء متوسط اقتصادى وحط تحت اقتصادى الف خط ولك منى فائق الشكر والاحترام

[samn2010]

الاتوماتك مغيرش فى الاوبشن
يعنى هى خفت عن الاول
تثبت على الطريق كام كيلو