تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق

[aymanlaw]

عربية جميلة وسابقه عصرها وهذه السيارات هى عائلية يعنى مينفعش نهينها فى سرعات عالية على طرق غير صالحة للأستخدام الأدمى,مبروك عليكم الألنترا وربنا يكفيكم شرالطريق:0101 04~171:

[kbarema]

المشاركة الأصلية كتبت بواسطة esam_ayad ياباشا ماانتا ممكن تروح للتوكيل وتركب حساسات خلفيه علشان تركن لورا براحتك ومعلش انا مش فاهم يعني ايه تاكيهات ؟ بس لو قصدك ان الماتور بيطلع صوت زي التكتكه علي طول ومسموعه فأنا سألت فيه بتوع التوكيل هنا في الكويت وقالولي ده صوت عادي جدا لأن الماتور من الألومنيوم مش من الحديد زي زمان

ربنا يطمن قلبك فعلا قصدى صوت التكتكة ده كنت خايف اوى منه اما عن تركيب الحساسات فعلا اتصلت بيهم وممكن اركبهم في التوكيل بس انت ايه رايك في العربية

[nasser2000]

يعنى اصوت التكتكة دة مستمر على طول ولا بعد التلين بيخف واخبار العزل اية؟

[esam_ayad]

المشاركة الأصلية كتبت بواسطة kbarema ربنا يطمن قلبك فعلا قصدى صوت التكتكة ده كنت خايف اوى منه اما عن تركيب الحساسات فعلا اتصلت بيهم وممكن اركبهم في التوكيل بس انت ايه رايك في العربية

الله يخليك يا باشا
علي فكره انا مااشتريتش العربيه الرائعه دي لسه لأن المواصفات اللي انا عايزها مش موجوده في التوكيل هنا في الكويت من حوالي شهرين اللي هي الفئة التانيه (اللي فيها جنط الومنيوم 16 وفرامل مانعه للإنغلاق وفتحة سقف ومصابيح ضباب وحساسات خلفيه وإضائة داخليه امام السائق واتنين ايرباج) بحوالي 100 الف جنيه (4700 دينار كويتي)
لكن رأيي في العربيه انها عربيه تستاهل فلوسها وانا معجب بيها جدا والا ماكنتش سألت عن حاجات فيها وانا اصلا مااشتريتهاش.

[almostakble]

السلام عليكم رحلة طويلة حتى الالنترا 2012 كنت بخلص فى اللوجان وخلاص هه بعدين قلت هات نيسان صنى وخلاص هه قلت اشوف اللانسر وخلاص عربنت العربية واخد قلى شوف التيدا شفت التيدا وخلاص حشترى رجعت فى كلامى شفت الالنترا الجديدة الاول كنت مستبعدها لان الناس بتقول كورى ومش كورى قلت لية لا الالنترا وخلاص اخيرا اشتريتها فعلا وهيا معايا عاملة 200 كيلو عربية من الاخر تحفة شياكة فخامة راحة متعة فى القيادة استهلاك بنزين مافيش مع الرغم لسة فى التليين واخدة نص صفيحة فى 200 كيلو اللى مشيتهم تقريبا ولا فية صوت طقطقة ولا اى حاجة فى الطابلوة من اى اتجاة سمعت فعلا اصوات غريبة بس لما شلت اكياس الفابريكة راح كل حاجة مسموعة العربية عزل جيد جدا التكيف تلاجة الثبات ممتاز وعلى فكرة ماحكتش فى اى مطب مع انى من الشرقية ومافيش كيلوا واحد من غير جسور فى الطريق مش مطبات بس الشىء الوحيد حتى الان اللى مش عاجبنى وياريت اهل الخبرة يفيدونى هما اولا صوت الأطارات مسموع هل احط نيتروجين ولا اعمل ايه وايه انسب ضغط ليهم ثانيا مؤشر عداد الحرارة دايما على النص مع انى ماشى بالراحة وار بى اقل من 3000 على طول مش عارف كل عربيات العيونادى كلها كدة ولا ايه وبحس ان العربية لما برفع الكبوت الدنيا سخنة وتقبلو تحياتى وياريت اللى معاة فلوسها يشتريها عربية ممتازة