تجربتي مع قيادة اللوجان و الاوبشنز الي عرفتها

[hossamhussein0]

المشاركة الأصلية كتبت بواسطة waleed_es للأسف هى لمبة واحدة بس، ونفسى حد يقولى أيه السبب ؟؟؟؟؟؟؟؟؟؟؟؟؟؟؟؟

هيه طول عمرها لمبة واحدة بس ناحية اليمين و الناحية الاخري فيها لمبة الشابورة الخلفية.

بس انا كان عندي استفسار ،،، كنت سامع ان موديل 2011 هيخلوا الكلاكس في الطارة و زراير الزجاج في الابواب فهل ده صح و لا لسه زي ما هيه؟؟؟


و الف ألف مبروك علي العربية و عقبال المرسيدس باذن الله

و اهلا بك عضو معنا في عصابة الرينو ههههههههههه

[akerima]

المشاركة الأصلية كتبت بواسطة gadix السلام عليكم الحمد لله استلمت العربية امبارح بالليل الساعة 8 من التوكيل هي رينو لوجان فول اوبشنز مانوال و سوقتها نص سساعة بس لحد البيت و اهي مركونة في الجراج من ساعتها و مستني الفرج عشان اعلق النمر ان شاء الله المهم انا هقولكم علي شوية ملاحظات و اتمني من الملاك القدامي الرد علي انا بصراحة حاولت ادور علي المنتدي عن موضوع لتجربة قيادة اللوجان ملقتش فارجو من المشرف لو فيه موضوع سابق يدمج موضوعي معاه انا استلمت العربية من التوكيل و هي عاملة 9 كيلو بس و ده شيء كويس استلمت من شركة "عربيات" الي في المهندسين قدام الحامدية الشاذلية و بصراحة الناس هناك محترمين اوي خلاصة تقييمي للسيارة انها ممتازة جدا من حيث المبلغ المدفوع مقابل الامكانيات التي تحصل عليها (بغض النظر عن ان اسعار جميع السيارات في مصر مبالغ فيها اصلا و بغض النظر عن ان المفروض لوجان تتباع اقل من كدة بكتير بافتراض ان مفيش عليها جمارك) أولا: الموتور انطباعي الشخصي ان صوته مش عالي خالص زي ما قريت قبل كدة ولسة باذن الله حيخف صوتة جدا بعد التليين يعني بعد 3000ك تقريبا ثانيا: العفشة العفشة ناعمة جدااااااااااااااااا مقارنة بالعربياات الي ركبتها قبل كدة كتاكسي مثلا (فيرنا - اسبيرانزا - لادا - لانوس) او كعربيات تانية سوقتها (أوبل فيكترا B 1997) ثالثا: التابلوة و الصالون الخامات جيدة جدا سواء خامات التابلوة او الفرش رابعا: امكانيات لم اكن اعلم بوجودها قبل شراء السيارة 1- ايموبيليزر طبعا انا كنت مرعوب اني اركن العربية في الجراج او تحت البيت لانها من غير نمر و ممكن اي حد يطمع يسرقها الحمد لله عرفت من التوكيل ثم الكاتالوج ان فيها نظام ايموبيليزر و ده معناه ان الموتور لا يمكن يدور من غير المفتاح الاصلي لان المفتاح مشفر الله ينور عليك معظم الناس اللي راكبة العربية متعرفش ان فيها الوبشن دا وخلي بالك لو قريت الكتالوج كويس حتلاقي ان المفرض تستني اللمبة الحمرا اللي في العدادات تتطفي الاول قبل ما تبدا عملية التدوير عشان الجهاز يقدر يقرا الكزد اللي في المفتاح 2- مراية الصالون فيها تعتيم بالصدفة غيرت وضعية مراية الصالون و لقيت انها معتمة و الحمد لله و دي ريحتني من كم ميكروباص غبي كانوا رافعين العالي في وشي علي الرغم من ان العربية باين جدا انها لسة خارجة من التوكيل و ان طبيعي الي سايقها لسة مش متعود عليها و ممكن يرتكب اخطاء كتير و هو سايق وبعد كده حتحس ان انت مش محتاج تعتيم المرايا عشان الشنطة عليا وحتلاقي اللي يلزق في ظهرك ونورو عالي هوا اللي خسران خامسا: ملاحظات اثناء القيادة 1- الدواسات كلها خفيفة جدا - يعني لازم تدوس بالشعرة علي البنزين لان اي زيادة هتلاقي العربية بتجري او ال RPM علي معاك جدا - الدبرياج لازم تدوس عليه للاخر - الفرامل كنت بسمع صوت زي خبطة او رزعة لما ادوس عليها و مش عارف اذا كان ده مشكلة او عيب و لا ده طبيعي بس الفرامل بتكلبش العربية في مكانها

دا بمنتهي البساطة محتاج تربيط عفشة روح التوكيل او استني معاد اول صيانة وباذن الله حيخلولك العربية تمام (المشكلة دي كانت عندي)

[akerima]

المشاركة الأصلية كتبت بواسطة gadix بالنسبة للكتالوج بتاعها بتاع المستخدم شارح كل جزئية شرح وافي و من اهم الملاحظات فيه ان اول الف كيلو متر يجب الا تتعدي السرعة 130كم/ساعة و الا يزيد ال RPM عن 3 او 3 و نص من الكتالوج عرفت ان في موديلات بتنزل بمواتير ديزل بس ده اكيد برة بس و ان في ايرباج للمسافر بجوار السائق و ده مش موجود في الفول اوبشن الي في مصر الي انا متغاظ منه جدا الكتيب بتاع الضمان مكتوب بالفرنسية و الرومانية اشمعني ده لم يترجم؟ يا تري عشان ما نفهمش هو مكتوب فيه ايه؟ ولا ايه بظبط؟ انا نزلت دلوقتي اركنها قريب من مدخل الجراج عشان اروح بيها بكرة للمرور ان شاء الله اكتشفت حاجة زعلتني اوي و مش عارف اعمل ايه لقيت اللمبة الشمال بتاعت المارشدير مش شغالة

هي لمبة واحدة يا كبير والتانية شبورة

[akerima]

المشاركة الأصلية كتبت بواسطة hossamhussein0 هيه طول عمرها لمبة واحدة بس ناحية اليمين و الناحية الاخري فيها لمبة الشابورة الخلفية. بس انا كان عندي استفسار ،،، كنت سامع ان موديل 2011 هيخلوا الكلاكس في الطارة و زراير الزجاج في الابواب فهل ده صح و لا لسه زي ما هيه؟؟؟ و الف ألف مبروك علي العربية و عقبال المرسيدس باذن الله و اهلا بك عضو معنا في عصابة الرينو ههههههههههه

الموضوع ده موجود فعلا من موديل 2009 بس بينزل في دول جنوب امريكا بس مش عندنا

[miam0502788391]

الف مبروك ربنا يديلك خيرها ويكفيك شرها وان شاء الله عن قريب تدينا التقرير الكامل الشامل