قبل شراء اى سياره نيو اكسنت ارجو الدخول

[fineart607]

انا معك فعلا انها ممكن تكون فيرنا معدلة شكل جديد يعنى وممكن يكون مبالغ فى سعرها
وكل التوكيلات مش محترمة بس ممكن تروح كار تك العبور اعتقد احسن الوحشين وانا عن نفسى معى فيرنا اخر صيانة كانت 15000 وبعد كده بعمل صيانة بره والحمد لله كله تمام

[محمد بدوى]

اخوانى الكرام
السلام عليكم ورحمه الله وبركاته
اولا: العربية فوق الممتازة اداء وسحب رائع انا مشتريها من 26/9/2009 موديل 2010 وعامل بيها 21000ك تقريبا ما شاء الله كويسة جدا معايا وطبعا حصلت شوية اعطال بس التوكيل اثبت فى كل مرة انه يستحق اعمل عنده الصيانة ( ابو رواش ).
ثانيا : بالنسبة للاخوة الغير واثقين فى الموديل وبيتسائلوا ياترى دى عربية موديل السنه ام موديل قديم ؟
انا كان عندى نفس التساؤلات وبعد فحص وتدويراتبعت الاتى :
1 - الشراء من الوكيل ذاته ( ش وزارة الزراعة-الدقى )
وذلك لوجود بعض المعارض معدومى الضمير اللى بيخرجوا بالعربية فى مشاوير وذلك بعد فصل عداد الكيلو متر ( بصراحة مش عارف ازاى ) ويعلق عليها نمر تجارية ويرجعها كما كانت
2- وانت بتستلم العربية بتستلم معاها اذن الافراج الجمركى وبذلك تقدر تعرف العربية دخلت امتى بالضبط. وده مفهوش اى لعب لانه موجود فى ادارة المرور وعلى اساسه بتاخد شهاده البيانات
مثلا.. عربيتى دخلت مصر فى 26/9/2009 استلمتها فى 11/10/2009
3- موديل السنة بينزل فى شهر 5او6 علشان دخلت الصيف بمعنى ان موديل 2010 نزل فى الاسواق تقريبا فى شهر 6/2009
اتمنى انى اكون اضفت جديد وتقبلوا تحياتى

[ابن فنان]

الف الف شكر علي المجهود

[mimo_15]

انا شايف ان النيو اكسنت عربية محترمه جدا جدا
وفعلا لو اتقارنة باي عربية تاني في نفس الحدود دي هي الي هتكسب
ثبات وقوه وجري وعفشه وشكل بصراحة مفيش مقارنه بينها وبين الفيرنا نهائي
انا بفكر اجيب واحده بس الشكل الجديد السبور واللون الفيراني فيه تحفه
مش عارف العربية الكامله المانيول عامله كام النهارده

[weta]

السلام عليكم ورحمة الله وبركاتة
انا بختلف مع حضرتك فى الكلام والرأى ده علشان انا معايا هيونداى نيو اكسنت والعربية الحمد لله جيدة جدا من حيث موتور قوى واستهلاك بنزين جيد وصالون داخلى جميل ذو خامات جيدة جدا واتعاملت مع مركز الصيانة وكانوا ناس محترمة جدا وبيهتموا بكل كلامى عند استلامهم العربية لتنفيذ الصيانة