#16
|
|||
|
|||
رد: بلاغ عن سيارة 128 مسروقة
شكراً لكم جميعاً... على دعواتكم الكريمة ... يارب ترجع ... ربنا اللى يعلم بس فلوسها أتجمعت أزاى وبعد قد ايه ...صدقونى شاريها فى شهر 4 اللى فات ب 19 من السوق وصرفت عليها حوالى 2000 تانى يعنىحوالى 21 ألف وشوية وكانت عربية فعلاً جميلة وقوية
ملحوظة : الاخ هشام بيهرج ولابيتكلم جد برضه هاسيب المفاتيح فيها |
#17
|
||||
|
||||
رد: بلاغ عن سيارة 128 مسروقة
لا اله الا الله يعنى الناس اللى بتسرق ديه حسبى الله ونعم الوكيل فيها
على العموم انا هسعدك باللى هقدر عليه انا مره قريت موضوع من فترة فى المنتدى ده او منتدى تانى الله اعلم المهم اللى انا فهمته ان فى ناس معينه هى اللى بتسرق العربيات ديه وعلشان ترجع العربيه بتروح لهم وبتسالهم عن العربيه وبيوروك العربيات اللى سرقينها لو عربيتاك بتدفع لهم فلوس مقابل انهم يدوك عربيتاك وياريت تدور على الموضوع ده لو لاقيته هبقى اقولك عليه وحسبى الله ونعم الوكيل فيهم وياريت تقول فعلا اتسرقت ازاى علشان نعرف لو فيه اسباب اننا نتفاداها اخوك فى الله سيد وان شاء الله عربيتك هترجعلك باذن الله |
#18
|
||||
|
||||
رد: بلاغ عن سيارة 128 مسروقة
بص الموضوع ده معمول فى منتدى اسمه شبه منتدانا شوية و مكتوب فى نفس اليوم باين اللى اتسرقت فيه عربيتك اقرا كده ولو انا لاقيتلك تانى هجبلك الموضوع اللى قولت ليك عليه ان شاء الله
بسم الله الرحمن الرحيم السلام عليكم ورحمة الله وبركاته رجالة ****موتورز كل عام وأنتم بخير بالمختصر كده كنت بسمع عن حوادث سرقة العربيات فالفترة إللي فات كتيرة جدآآآآ وطرق السرقة مختلفة إللي يثبت الواحد برشاش وإللي يخطف الشخص بعربيته ويرميه ف حتة مقطوعة وإللي يخلي الغلبان يمضي علي وصولات وهكذا بالصدفة كده وأنا بتابع أخبار الناس علي تويتر فيه ناس بتقول إنهم فيه ناس أرشدتهم لمكان عربياتهم "لطريق الحرامية إللي سرقوها يعني" ف مناطق كتير وناس بتدفع مبلغ معين وتاخد عربيتها تاني أسلوب بلطجة من الآخر يعني أنا عرفت شوية مناطق فيها العربيات المسروقة ومستني لو فيه جديد أبلغكم إن شاء الله 1- منطقة إسمها وادي الملاك فالإسماعيلية "معرفهاش صراحة مع إني كنت عايش فالإسماعيلية 5 سنين علشان الدراسة بس واضح إنها تبع العرب والبدو" وهناك فيه ناس إتعرض عليهم جيب شروكي ب 5 الأف جند من غير نمر ولا رخص " 2-فيه ناس إتثبتت فالشرقية بعدها ناس دلوهم علي عربياتهم ف سيناء 3- الناس تخللي بالها عند جراج جسر السويس العربيات بتتشال علي عربيات تانية 4- فيه ناس لقت عربياتها عند حرامية فالخانكة والجبل الأصفر "محدش يسألني فين لأني للأسف أنا مجرد ناقل خبر" 5-فيه ناس لقت عربياتها ف سرياقوس وكفر حمزة تقريبآ دي مناطق ريفية والناس بتقول الحرامية هناك منتشرين جدآآآآ "عصابات بمعني أصح" 6-فيه مناطق فالقليوبية إسمها كوم اسمن والقناطر بردو فيه ناس لقت عربياتها هناك أنا صراحة لسه بحاول أسأل الناس أجيب منهم العناوين بالتفصيل وعلي فكرة أي حد هيروح يبلغ المباحث حتي لو قولتلهم العنوان محدش فيهم هيعمل حاجة الإ الشريف منهم كلهم بيقولوا ملناش دعوة وإتصرفوا إنتوا معاهم أتمني أكون ساعدت بحاجة علي قدي وإن شاء الله أي خبر أو حاجة جديدة عن الموضوع ده متابع معاكم بإذن الله التعديل الأخير تم بواسطة Saif eldien ; 18-08-2011 الساعة 03:38 PM سبب آخر: حذف اسم منتدى للمعاملة بالمثل |
#19
|
|||
|
|||
رد: بلاغ عن سيارة 128 مسروقة
أستاذ سيد أولاً جزيل الشكر لحضرتك للأهتمام بمصيبتى ... ثانياً انا حاسس من سعاتها أنى هاموت مرةأحس بدوخةوأرتفاع فى الضغط ومرة بتنميل فى دراعى الشمال ومش عارف أعمل أيه ... البوليس بقى نايم والبلطجة بتزيد... ربنا يسترها ثالثاَ ناس فعلاً قالتلى على الخانكة والجبل الأصفر وبلبيس والشرقية وغنيمة والسلام والنهضة وناس قالت الاسماعيلية ...هى أتسرقت من مدينة العبور من قدام العمارة اللى ساكن فيها ما بين 4 و6 الصبح يوم الثلاثاء 9/8/2011 رابعاً لحد دلوقت كله قالى دورعليهابنفسك ... وصلت لواحد ليه علاقة بالمواضيع ده .... قالى هادور فى الاماكن اللى ذكرتها... قلت له اللى تأمر بيه ... وسيبتله 50 جنيه بنزين من 4 أيام وماردش عليا مش عارف ده نصب ولا أيه ربنا يستر .... على العموم ألف شكر لكل الرضوض ... وعندوكوا بيانات العربية اللى يوصل لأى حاجة ياريت يكلمنى وبرضه هارضيه ....شكراً جزيلاً
|
#20
|
||||
|
||||
رد: بلاغ عن سيارة 128 مسروقة
لا شكر على واجب بس لو حضرتك تلاحظ انا اول مره ارد على موضوع كان على موضوع حضرتك وده لسبب انى لسه شارى بردو 128 من شهرين وفعلا لو حصل كده انا مش عارف هعمل ايه .. المهم حضرتك غلطان علشان اديت للراجل ده فلوس الا لو انت تعرفه والله اعلم بنيته وممكن على اعتقادى لو ليك واحد صحبك امين شرطه كده يعنى هما اللى بيعرفوا الحجات ديه وممكن يجبهالك وانا عموما ان شاء الله هعمل مفاتيح فصل او هجيب جنزير واربط العربيه فى الشجرة اللى جنبها بس والله مفيش حاجه مضمونه
وانت بس استعين بالله وصلى كده ركعتين لله وقله يارب نورلى بصيرتى ورجعلى ضالتى وان شاء الله ربنا مش هيخذلك ابدا واسالنى بجد ربنا مش بيخيب ظن حد وان شاء الله عربيتك هترجعلك باذن الله اخوك فى الله سيد |
|
|