ارشيف الاستراحة 2009

[ahmed_kamel]

المشاركة الأصلية كتبت بواسطة Dr. Bolbolan يا عم ماتخافش عليه ! أنا بألعب فى الوقت الضايع ! وخلاص بقيت Expired ! مش ح يفرق معايا كهرباء غاز بيوجاز بوتاجاز ! كله محصل بعضه ! أنا حضرت السيارات اللى بالمانيفله والثلاجات اللى بالتلج والسخانات اللى بالبابور الجاز ! و حضرت أول راديو ترانسستور وأول تلفزيون وراديو سياره بالكهرباء ( كان لازم يسخن الآول ) ! و حضرت رش الشوارع بالماء بواسطة سياره بيجرها بغل و حضرت فيضان النيل لما كان بيغرق الشوارع ! المستقبل ليكم وأنا لم يعد يفرق معى شىء والحمدلله ! ومافيش حاجه مستاهله لا صراع ولا خناق ! لآن اللى ح يحصل ح يحصل واللى ح يكون ح يكون ! ولا يبقى الا العمل الصالح ! ورمضان كريم ! Dr. Bolbolan

لا لا لا يادكتور ... العمر الطويل ليك إن شاء الله ... وربنا يديك الصحه والعافيه يارب
أما بخصوص موضوع الـ EXPIRED فأحب أبلغك إن مش بالسن صدقني ... والله لو تعرف حتآمن إن الدهن في العتاقي ... والناس بتاعة السبعينات والثمانينات ماشفوش السمنه البلدي ولا الصناعي لعلمك لأننا جينا في عصر خيره كان قل والبركه فيه إتنزعت من حاجات كتير للأسف

وأديك أهه شايف الناس بتدور على البطيخ والشمام وكيزان الدره وقشر الليمون .... يعني خلاص بح حتى البترول راح في خبر كان ...بقولك مافيش بركه في الحاجه

وخد عندك على هذا المنوال في كل حاجه ... وإللي شفته في جنوب أفريقيا ده عشان لسه البركه موجوده عندهم إنما إحنا إتهرينا رش ومبيدات ومسرطنات لحد مابقى المخلل هو العنوان الرئيسي لكل حاجه ...ptmnlo123per1106

ربنا يديك طولة العمر وتشوف أحفاد أحفادك ونتصور كلنا جنبهم .. قول آمين

إنها عائلة مصر موتورز المحترمه.... يالها من ذكريات جميله ... وحنقلك فاكر يادكتور الأيام ديه

مش عارف مشاركتك ديه نقلتلي مشاعر جايه على حزايني حبتين يادكتور ... حتى مش عارف أققفل الآفيه .... ومالاقتش غير الأغنيه ديه بترن في دماغي .. أرجو أن تعجبك ... إنه أحب الأفلام لي
معلش لقطات الأغنيه من الجزء الثاني لسلسلة Godfather فمش موجود بطل العمل الرئيسي والمبدع بجد مارلون براندو

http://www.youtube.com/watch?v=5ngy0nn9yuQ

[AHMEDCAR]

فى مره كنت فى التوكيل و لقيتهم سابوا العربيه دايره ساعه بالكامل

طبعا انا روحت للمهندس بكل ادب و وقلتله هو انا بنزل كل يوم الصبح .......فى العربيه و بعد كده تمشى ده فلوس ناس يعم

تفتكروا ان ....... انه يكون بديل للبنزين

اللى عاوز يعرف ...... يعنى ايه يكلمنى

[فادى]

المشاركة الأصلية كتبت بواسطة sam ram ايوه كده .. طلع اللي جواك .. خلينا نعرف نتكلم بص يا سيدي الفاضل ... الموضوع بمنتهى البساطه مش اننا بندافع عن البدائل او متحمسين ليها او رغبه في مجرد التغيير .. بالعكس غالبا ومن شبه المؤكد ان التغيير ده حيكون ضرره بالنسبه لينا اكبر من نفعه !! لكن الفكره كلها انه واقع ملموس ... امر مفروض علينا شئنا ام ابينا يعني احنا لا مستعجلين و لا عايزين نتشعبط في الموجه و خلاص !! بالعكس .. هو مين في الاساس اللي بيفكر و بيسعى في ايجاد البدائل ؟؟!! وهل احنا عندنا القدره على منعهم ؟؟ .. و تحت أي مبرر ؟؟ مبدئيا لازم نتفق على نقطه رئيسيه :- الغرب بغض النظر عن دوافعه عنده قناعه تامه و رغبه حقيقيه في ايجاد بدائل للوقود متجدده و نظيفيه ... وحتلاقي كل يوم و التاني تطبيقات و افتكاسات و اختراعات ... لحد النهارده مفيش حاجه ظهرت تماثل محرك الاحتراق الداخلي ... لكن هل الدلائل و الشواهد تقول ان المحرك الكهربائي فشل ودخل في طريق مسدود ؟؟ مع ان الابحاث مستمره و كل يوم نسمع عن جديد !! هل معنى ان الوقود البديل قد يضر بنا و بمصالحنا في الشرق الاوسط او الدول المنتجه للبترول اننا نرفضه قلبا و قالبا و نعلن ان اي بديل للوقود الحيوي هو بديل فاشل ؟؟ (مين حيشتري مننا الكلام ده ... لو بنقوله ليهم حيضحكو علينا و لو قلناه لنفسنا يبقى بنضحك على نفسنا ) تفتكر ان الاصرار على ان الوقود البديل ملوش لازمه حاليا طالما البترول موجود هو مبرر كافي لإثناء الغرب عن التجارب و البحث و التطوير ؟؟!! تفتكر انه لو قمنا الصبح لقيناهم مخترعين وقود بديل يساوي البترول في الكفائه التشغيليه و التكلفه ان الناس تاني يوم حتمتنع عن البترول ونلاقي الاختراع الجديد ده مغرق الشوارع؟؟ كل اللي بحاول اقوله ان الواحد يشوف كل اللي حواليه .. يحط نفسه مكان الطرف الاخر .. يفهم نظريته ...دوافعه ... يرجع تاني مكانه ويتعامل مع المشكله ... انما لو قفلنا الباب على نفسنا و دفنا راسنا في الرمل يبقى ندفن بقيه الجثه بالمره .. ptmnlo123per1147 والحمد لله احنا في جميع الاحوال متظبطين .. لو البترول غلي عالميا .. حيرفعو سعر البنزين و السولار و بالتالي النقل و المواصلات و بالتالي أي حاجه سلعيه او خدميه حتغلا ولو البترول رخص حيقولك ان عصب الاقتصاد المصري انضرب في مقتل و يزود الضرايب و الاسعار علشان يعوض فرق الميزانيه لأن دايما الحلول عندنا داخليه بس !!! فمتقلقش يا ريس سواء من البترول او من البطيخ كده كده ... طول عمرنا .... بنشيل ابح ptmnlo123per1116ptmnlo123 per1106

هل تعتقد ان الغرب جاد فعلا فى ايجاد بدائل؟
أم ان كل هذه ألاعيب للتحكم فى الدول المنتجة للنفط؟!
الغرب يعرف جيدا أن هذه البدائل لن تحل مكان البترول الا بعد نفاذه.
كل هذه البدائل مجرد وسائل سياسية للتحكم فى سعر البترول, و كلها بدأت بعد 1973, و الأمر ليس خافيا على احد.
طب دورنا ايه؟
دورنا ألا نقوم بتشجيع هذه التقنيات حتى لا تتطور بشكل يزيد من تحكم الغرب فى سعر البترول,
دول الأوبك تهدد باغراق الأسواق بالبترول الرخيص لقتل عمليات تطوير البدائل,
أما من جهة هذه البدائل نفسها, فنحن نحتاج لمعجزة كى نستطيع استبدالها بالبترول,
البترول مادة تختزن طاقة هائلة مركبة كيميائيا نتيجة لسلسلة من التفاعلات التى اختزنت الطاقة الشمسية جرت بطريقة الصدفة و فى ظروف شديدة الخصوصية.
هذه الطاقة معظمها تم اهدارها, فأى محرك احتراق داخلى لا تتعدى الكفاءة الحرارية فيه 23-30% من بنزين الى ديزل.
فهل تعتقد أننا نستطيع استغلال "بصيص" الطاقة الذى نأخذه من الشمس أو الهواء أو المواد النباتية اذا كنا لم نستغل هذه الطاقة الهائلة سهلة الاستغلال نسبيا؟
صدقنى نحن نحتاج لمعجزة كى نعيش بعد نفاذ الوقود.
برضو شوف موضوع نهاية البترول الحزينة :
http://www.masrmotors.com/vb/showthread.php?t=3547

[sam ram]

هل تعتقد ان الغرب جاد فعلا فى ايجاد بدائل؟
أينعم
أم ان كل هذه ألاعيب للتحكم فى الدول المنتجة للنفط؟!
برضو أينعم .. لا تعارض .. هما جادين في ايجاد البدائل .. و بيستغلوها في الضغط على العرب
الغرب يعرف جيدا أن هذه البدائل لن تحل مكان البترول الا بعد نفاذه.
اينعم حتى هذه اللحظه .. علشان كده بيدعبسو على بدائل
كل هذه البدائل مجرد وسائل سياسية للتحكم فى سعر البترول, و كلها بدأت بعد 1973, و الأمر ليس خافيا على احد.
كلا البته ... اقر واعترف باستخدام كل الطرق المشروعه و الغير مشروعه للسيطره على البترول و التحكم في سعره
لكن البحث عن البدائل هو بحث حقيقي ... حتى لو كان وسيله ضغط .. فهي وسيله .. وليست الغايه
ومفاهيم كتيره اتغيرت من 73 للنهارده
طب دورنا ايه؟
هو احنا لينا دور ... طول عمرنا بنتفرج .. و نشجب و ندين .. و نتخانق مع بعض و المركب بتغرق بينا ... عادي يعني
دورنا ألا نقوم بتشجيع هذه التقنيات حتى لا تتطور بشكل يزيد من تحكم الغرب فى سعر البترول,
أنا مبشجعش الا المنتخب بس
دول الأوبك تهدد باغراق الأسواق بالبترول الرخيص لقتل عمليات تطوير البدائل,
هي مش البدائل دي كده كده ميته و ملهاش لازمه و غاليه .. يقتلوها ليه .. يسيبوها تثبت فشلها و تموت لوحدها
أما من جهة هذه البدائل نفسها, فنحن نحتاج لمعجزة كى نستطيع استبدالها بالبترول,
البترول مادة تختزن طاقة هائلة مركبة كيميائيا نتيجة لسلسلة من التفاعلات التى اختزنت الطاقة الشمسية جرت بطريقة الصدفة و فى ظروف شديدة الخصوصية.
هذه الطاقة معظمها تم اهدارها, فأى محرك احتراق داخلى لا تتعدى الكفاءة الحرارية فيه 23-30% من بنزين الى ديزل.
دي حقيقه فعلا .. حتى هذه اللحظه
فهل تعتقد أننا نستطيع استغلال "بصيص" الطاقة الذى نأخذه من الشمس أو الهواء أو المواد النباتية اذا كنا لم نستغل هذه الطاقة الهائلة سهلة الاستغلال نسبيا؟
لو بطلنا نحلم ... نموت ( مش شرط في حاله الطاقه .. عموما )
صدقنى نحن نحتاج لمعجزة كى نعيش بعد نفاذ الوقود.
علشان كده هما بيحاولو يكتشفو ويطوروا بدائل من دلوقتي
اما احنا بقى ... فعندنا نظريه المؤامره مستمره من ازمه البترول ومنقدرش نفكر في أي بدائل
عموما زمن المعجزات انتهى ... فالموضوع بسيط جدا :-
عندما يأتي المساء .. قصدي عندما ينفذ البترول .. نبقى نركب حمير و جمال وخلاص ... بلا وجع دماغ
وخليهم هما يضيعو فلوسهم على التجارب و البدائل اللي ملهاش اي لازمه !!! وفاكرين نفسهم ناصحين و بيضغطو علينا ptmnlo123per1147

برضو شوف موضوع نهاية البترول الحزينة :
http://www.masrmotors.com/vb/showthread.php?t=3547]
شفته يا باشا ...
موضوع زي الفل .. بس انا عايز الكتاب ptmnlo123per1127

حبيبي يا فادي و الله
هو انا وصلي وجهه نظرك و متهيألي وجهه نظري برضو وصلت لك من زمان
بس واضح اننا مختلفين في قناعتنا الداخليه في نقاط محدده ..
خصوصا نظريه المؤامره
وجدوى السعي الحالي خلف البدائل
معتقدش ان النقاش حيخلي حد فينا يغير رأيه ..


مفيش الا حل واحد ...

اختار لك سلاح ..





ولا اقولك ...

انت الكسبان

الا صحيح ...
هي الجايزه ايه ؟؟!!ptmnlo123per1127

[vortec]

أولا السلام عليكم ورحمة الله

قد يرغب الكثير من أصحاب الضمائر الحية التوبة والرجوع الي الله بعد الاحساس بالندم علي الخطأ وهنا أطرح قضية هامة وهي الزنا الذي انتشر في مجتمعنا اليوم بشكل تشيب له الرؤوس...وحتي لا أطيل أدخل في الموضوع ...

في ساعة صفا بيني وبين أحد أصدقائي باح لي بسره وأخبرني بأنه ارتكب هذه الفعلة البشعة وهو نادم ويريد أن يتوب.. فهل له توبة؟؟؟؟

لست من النوع الذي يحب افتاء الناس بما لايعلمه فلجأت الي البحث واكتشفت الكثير من الحقائق الهامة والمتضاربة , وهي باختصارأنه في حياة الرسول كان اذا أراد أحد التوبة من الزنا كان يذهب الي الرسول فيقيم عليه الحد فتكون كفارة له في الدنيا ولايحاسب عليها في الاخرة .....

أما في عصرنا الحالي فلا أحد يطبق الحدود ولا تقام الشريعة في بلادنا.. فهل لنا من توبة اذا أخطأنا وأردنا أن نعود الي الله فعقاب الدنيا أهون بكثييييييييير من نار الاخرة وعذاب القبر .......؟؟؟؟؟؟؟؟؟؟؟

مع العلم أن الحاكم هو الوحيد المخول باقامة الحد وليست من حق أي أحد اخر , وأيضا مع العلم أن القانون المصري يبيح الزنا اذا كان عمر الطرفان 18 عام فأكثر واذا تم أيضا برضاهما مالم يطالب أحد المتضرريين كالأب أو الزوج برفع قضية زنا علي ابنته أو زوجته .

سألت هذا السؤال لكثير من المشايخ وأهل العلم وكانت الاجابات متضاربة بشكل محير حتي أنني سألت أحد المشايخ (المتعصبين) فأجابني بأنه ليس للزاني توبة الا باقامة الحد . وقال اخرون أنه يجب بأن يتوب ويستغفر ومرجعه الي الله اما أن يعذبه واما يتوب عليه ... فزادت حيرتي أكثر وأحتاج الي اجابة أكثر منطقية فلو نقلت هذه الاجابة لصديقي فلن يتوب بل انه سيتمادي في الخطأ حيث أنه سيصل الي مرحلة اليأس من أن يتوب الله عليه .... فهل هناك اجابة أكثر منطقية؟؟؟؟