المشاركة الأصلية كتبت بواسطة mmffor
عاوز تموت شهيد
يا تركب قطار ، يا تركب عبارة ، يا تركب طيارة
عاوز تموت م الجوع
يا تشترى شقة بالقسط ، ياتشترى عربية بالقسط ، يا تدخل عيالك مدرسة خاصة
عاوز تموت م الحسرة
يا تتفرج ع الفاترينات فى ستى ستارز ، يا تروح زيارة لمارينا
عاوز تموت م الغيظ
ياتتفرج ع القنوات المحليه ، ياتتفرج ع النشره الجويه
عاوز تموت م الزهق
يا تستنى الإشارة لما تفتح ، ياتستنى دورك فى التأمين الصحى يا تستنى دورك فى الفرن
عاوز تموت م الهبل
يا تسمع تصريحات المسئولين بعد كل كارثة ، يا تتفرج على برامج المسابقات
عاوز تموت مخنوق
يا تروح مصلحة حكومية ، يا تقرا الجريدة اليومية
عاوز تموت م الخضة
يا تركب ميكروباص ، يا تعدى الشارع على رجليك
عاوز تموت مفروس
ياتقف تستنى تاكسى ، ياتركب الترام
عاوز تموت مرعوب
يا تستنى نتيجة الثانوية العامة ، يا تستنى نتيجة التحاليل عند الدكتور
عاوز تموت مشهور
يا تتجوز رقاصة ، يا تنصب على بنك
عاوز تموت مليونير
يا تعمل فيديو كليب ، يا تلعب كورة
عاوز تموت ورا الشمس
يا تشغل مخك ، يا تفتح بؤكعاوز تموت م الحزن
يا تحط الحكومة ف بالك ، يا تشجع الزمالك
عاوز تموت م الضحك
يا تسمع تصريحات وزارة الصحة والتعليم ، يا تروح تتطعم من أنفلوانزا الخنازير
عاوز تموت ف حالك
إعمل نفسك دايماً .... مش واخد بالك
وعجبي
|
اسمحلى اعقم من هذا المزنق على نقطتين
خصوصو انى لو عايز اموت من الحسره اتفرج على محلات سيتى ستارز ..
انا بشتغل فى سيتى ستارز واقسملك بالله ان فيه محل كل يوم بعدى عليه وانا رايح شغلى جوه المول بتاع جزم ... اقسملك بالله مره تانيه ان اقل جزمه عنده ب 1600 جنيه (فقط وقدره : الف وسته مائه جنيها مصريا فقط لا غير )
اما بخصوص انك لو عايز تموت مشهور ممكن تزود عليهم انك تكون احد اعضاء الحزب الوطنى