السيارات الجديده في مصر

[claymore_2013]

المشاركة الأصلية كتبت بواسطة pro mada بص يا باشا النيو اكسنت المحرك 121 حصان علي جسم خفيف يعني العربيه بتطير من علي الارض مما يعني فرامل مش كويسه فمينفعش تجري بيها خالص و خلي بالك ( رينا يستر علينا جميعا ) تاني حاجه السحب هيبقي مش كويس في الاوتوماتيك و خصوصا في الكوري و طبعا حرق بنزين ارجو ان اكون قد افدتك و لا تنسي صلاه الاستخاره

أولا شكرا جدا جدا جدا علي المجهود الجبار دة ما شاء الله

ثانيا النيو أكسنت 121 ام 112 حصان ولا في منها كذا موديل لان في ناس كتير بتقول 112

ثالثا لو فيها غلاسة شوية ممكن الموضوع دة يتثبت لأن ناس كتير متابعاه او يتثبت بأسم تاني " اسأل ومصر موتورز عندها الاجابة " مثلا .....

[pro mada]

المشاركة الأصلية كتبت بواسطة ahmed77505 أشكرك على ردك السريع عليا والله ياأخي انا اعمل بالامارات واريد ان اشتري سيارة ولكن محتار مابين ان اشتري مستعمل أمشي بيه حالي وأشتري جديد في مصر أو أشتري من عندي جديد وبعد كده ممكن انزلها مصر بعد كام سنة ان شاء الله انا محتار بين الأمرين فأنه الأفضل وياريت شرح نظام جمرك السيارات وهل يتم حساب الجمرك على سعر السيارة بمصر ولا بالامارات ياريت الاقي عند حضرتك رأي ينفعني وأسف على الاطالة وأشكركم جميعا

بص يا سيدي
لو المستعمل سعره رخيص و حالات فبريكه عندكو في الامارات و مش هتخسر كتير في بيعها
اشتري مستعمل مشي بيه حالك و بعدين جيب جديد لما تستقر في مصر ان شاء الله

لو ناوي تشتري جديد مره واحده هتبقي الضريبه و الجمارك كالتالي:

عربيه من 1 سي سي الي 1600 سي سي هتبقي الجمارك و كله ب 61 % من تمنها و لو هتشتري مستعمل ( برضه من 1 سي سي الي 1600 سي سي ) هيبقي في خصم استعمال 10 % علي اول سنه و باقي السنين 5 % وخليك في فئه العربيات دي عشان دي اقل جمارك عليها

اكتر من 1600 سي سي الي 2000 سي سي الجمارك و كله هيبقي 205.5 % من تمنها ( حراااااااااااااام تشتري عربيه امتر من 1600 سي سي ) و المستعمل نفس نظام خصم الاستعمال بتاع ال 1600 سي سي

اكتر من 2000 سي سي الي ما شاء الله
الجمارك بسلاطتها ببابا غنوجها ( حته من بتوع احمد مكي ) ب 247.5 % من تمن العربيه و المستعمل نفس نظام خصم الاستعمال ال 1600 سي سي

ده كل اللي اعرفه و متاكد منه وحضرتك اللي تقرر بس حاول تنفذ الاختيار الاولاني
اشتري مستعمل مشي بيه حالك و بعدين جيب جديد لما تستقر في مصر ان شاء الله
و لا تنسي صلاه الاستخاره

[pro mada]

المشاركة الأصلية كتبت بواسطة joophy السلام عليكم والله يا اخى انا عضو جديد وباشتغل فى الامارات برضه بس ناوى ارجع مصر خلال كام شهر. بادور على عربية تقسيط تكون كويسة وتوصلت للفولكس بولو سيدان الجديدة (تقريبا استقريت عليها) بس كنت عاوز نصيحتك خصوصا ان تقريبا محدش سأل عليها ولو مبترشحهاش ايه البديل وايه رأيك لو اجيبها من هنا ؟ شؤال اخير معلش هيا فعلا بتنزل فول اوبشن بس مانيوال بس ولا فيه منها اوتوماتيك وبكام؟ شكرا ليك

العربيه دي تقفيل صيني و معرفش انا ايه نظام التقفيل ده
في حاجه تانيه العربيه دي ملهاش قطع غيار بره التوكيل اصلا و جوه التوكيل مش متوافره برضه و لو اتلاقتلها حاجه هتبقي بالغلي و الكوي طب علي ايه ؟؟؟؟؟؟؟؟؟؟
ده غير موضوع الصيانه اللي ملوش معالم الصراحه يعني

مفيش منها اوتوماتيك و هي 1400 سي سي ب 85000 جنيه

نصيحتي اشتري ديهاتسو سيريون ال 1300 سي سي اوتوماتيك ب 90000 جنيه
و ارجو ان اكون قد افدتك و لا تنسي صلاه الاستخاره

[pro mada]

المشاركة الأصلية كتبت بواسطة claymore_2013 أولا شكرا جدا جدا جدا علي المجهود الجبار دة ما شاء الله ثانيا النيو أكسنت 121 ام 112 حصان ولا في منها كذا موديل لان في ناس كتير بتقول 112 ثالثا لو فيها غلاسة شوية ممكن الموضوع دة يتثبت لأن ناس كتير متابعاه او يتثبت بأسم تاني " اسأل ومصر موتورز عندها الاجابة " مثلا .....

لا شكر علي واجب و ده اقل من اللي مفروض اقدمه للمنتدي الجميل ده

النيو اكسنت 121 حصان ( نفس محرك الالنترا )

موضوع التثبيت
طلبت من ابو نورا انه يثبت الموضوع بس قالي مش هينفع عشان في مواضيع متثبته كتير في قسم السيارات العام و هو معاه حق بصراحه و لكن اقول الحمد لله علي كل شيئ الموضوع بتكلم عن نفسه و اعتقد ان مفيش موضوع زيه كده في المنتدي ( مش تكبير في نفسي و الله ) و ربنا يباركلنا في عربيتنا كلنا قولو ااااااااااااااااااااامييي ييييييييييييييييييييييييي يين

[dola_mix]

انا عندي النترا خليجي اوتوماتيك
بصراحة عربية غير تقليدية - متانة - متعة القيادة - سريعة بشكل ان الكل وارها - جامدة جدا جدا جدا وانا لو لم اكن امتلكها كنت اشتريت واحدة تانية من حبي فيها