ارشيف احداث عام 2009

[Dr. Bolbolan]

المشاركة الأصلية كتبت بواسطة salahabdelnabi نسمى بسم الله ونفتح الموضوع ونخليها فى شكل نقط محددة 1- حواديت الخداع ماقبل الحرب بين الحقيقة والوهم 2- معرفة اليهود بموعد الحرب على الجبهتين 3- رصد الاقمار الصناعية لتحركات الجيشين المصرى والسورى وابلاغ اليهود 4- الرئيس العربى ( العاهل ) اللى بلغ اليهود بموعد الحرب الزائف 5- حكاية الاخ العقيد مع الطيران المصرى وطياراته اثناء حرب اكتوبر 6- موقف شاه ايران مع السادات اثناء الحرب 7- حكاية الثغرة وهل هى مقصودة والا حقيقة وقع فيها الجيش المصرى 8- موقف حافظ الاسد وانسحاب سوريا من الاستمرار فى الضغط على الجبهة السورية 9- حكاية استخدام خراطيم المياه فى فتح خط بارليف بين الدراسة والبحث وبين الاكتشاف بالصدفة 10- حكاية طيارات التدريب اللى اتحولت بقدرة قادر لطيارات مقاتلة كفاية كده ونكمل باقى النقط بعد مناقشة اللى فات

صعب قوى الكلام فى كل هذه النقاط ياعم صلاح ! بس جايز انت عاوز تفيد الشباب اللى لم

يحضر أو يسمع الكلام ده ! جزاك الله خيرآ ! بس مين يقرأ اليومين دول !!

على فكره ! اذا لم تكن رأيت فيلم ( لك يوم يا ظالم ) يبقى فاتك نصف عمرك الفنى !

وهو أول فيلم من اخراج كمال الشيخ ! وهو فيلم واقعى خطير ! حاول تدور عليه !

آه ! الآلزهايمر اشتغل ! مش فاكر كمال الشيخ ولا صلاح أبوسيف ؟؟ ptmnlo123per144

معلش بأه ياصلاح أبو يوسف ! ptmnlo123per1147

Dr. Bolbolan ptmnlo123per1127

[salahabdelnabi]

ممكن يبقى صعب بس اكيد مش مستحيل
والاهم ان رأى حضرتك فى الموضوع باعتبار ان حضرتك شاهد على العصر ده بروح الشباب اللى كان ثاير على السادات وعايزه يحارب وراى الخبراء والمحللين السياسين حضرتك كنت عايشه قلبا وقالبا
لكن احنا كل المعلومات اللى عندنا كانت من حكاوى الاهالى او القرايات المتنوعة لكثير من الكتاب والمحللين العسكريين عرب واجانب
وهادور على الفيلم لو لاقيته احط الرابط بتاعه لكل اعضاء المنتدى عشان الكل يعرف نهاية كل ظالم
ومتهائلى ان فى فيلم برضه من اوائل افلام السينما المصرية اسمه ثورة الجياع

[Payoo]

هو بصراحة الواحد ماعندوش تعليق لكن عندي غممان نفس وقرف من فساد الزمم و قزارة النفوس


ربنا يسترها علينا وعلى أولادنا في البلد دي

[AbOnOrA]

والله يا زوما ويا صلاح الموضوع باختصار وبدون تكرار حقائق تاريخية معلومة للجميع
هى باختصار معركة وليست حرب او ملحمة ضحى فيها ابطال واستغلها اندال بطريقة اذا كان الدين افيون الشعوب فاكتوبر فياجرا الكرامة

وبقدرة قادر اتمطت لتصبح ملحمة ونصراً مؤزراً للنسى انها معركة فى حرب سبقتها هزيمه ونكسة ولحقت بها ثغرة وانتهت بعار التخاذل الاستسلام

ولنهلل بالنصر وكان كل شىء انتهى وبقينا مبسوطين خلاص مبنفتكرش انها معركة انتصرنا فيها مرة وانهزمنا بعدها الف مرة

حرب خدعنا فيها الصديق قبل العدو يا راجل حرب قتلنا فيها العروبة قبل ان نجرح الصهيونية
حرب وضعنا فيها على اعناقنا اطواق العبودية والعمالة مع اكاليل النصر

سيبك من الكلام المجعلص اللى يوجع القلب ده ونتكلم فى الهجايص احسن وخلينى ساكت يا عم بدل ما يقولو ابونورا بوظ الموضوع لحازم بالتعاون مع حازم برضو وبتحريض وتمويل من صلاح عبد النبى الشهير بصلاح منتيشى الجامد المبدع المتألق الروائى الفنان بين قوسين موزة

وبدعم لوجستى واستشارى من امير جماعة الموز هو الحل دكتور بلبلان الشهير بالمعظم بلبلان ابو الموز الثانى عشر

بقصد القدح فى بواعث واهداف الملحمة الكورمبيه المجيدة وتشوية صورة القوات المدمسة الكورمبية لصالح القوات القردوخنزيريه المعاديه سابقاً ptmnlo123per111
الحليفة حالياً ptmnlo123per122

[salahabdelnabi]

يا وائل باشا واحدة واحدة علينا والنبى وهاتلك واحد شاى وسيجارة مكن وتعالى نتكلم بروقان

وبدل مانتكلم من وجهة نظر اللى حصل خلينا نتكلم من وجهة نظر تانية
لو كنت موجود فى الفترة دى وبتحكم البلد كان قرارك يبقى ازاى

واكيد دكتور عبد السلام سوف يدلى بدلوه فى هذا المعين

قولى ليه ؟؟؟ اقولك
لانه عاش وشارك اكيد فى مظاهرات الطلبة عشان الحرب ؟؟؟ اوعى تنكر يا دكتور ....... الانكار مش هايفيد
ونبدأ مع بعض من البداية ........ وانا معاك للنهاية .......... لما اشوف اخرتها