رابطة ملاك ومحبى السفينه فيات 132

[Hisham.Elgazzar]

المشاركة الأصلية كتبت بواسطة sayed132 اول حاجة الفرامل ضعيفة وساعات بتحدف والدريكسيون حفيف في اتجاه اليمين وتقيل شمال واستهلاك البنزين حدث ولا حرج ٣٠٠ كيلو جوه البلد للتنك كله وغياب ملحوظ في الدوارة ولازم اقدم الكهرباء عشان اقدر ادورها وده طبعا على حساب خشونة صوت الموتور فلانشة الكردان مبتعمرش ونزلت التوفيقية جبت البيرلي الايطالي اه عمرت شوية بس في الاخر بردو اتقطعت على فكرة العربية لسة معمرة من شهرين

كده بقى مثلث الرعب اكتمل
حضرتك وأستاذ ايمن واستاذ مصطفى لازم تروحوا لإسلام عجور لإصلاح الكربراتير
ربط الكردان وكرسى النص له عامل مهم فى المحافظة على الفلانشة ، وطبعا قواعد الموتور

خشونة صوت الموتور بسبب المارش ولا الزيت وحش ولا بلية الكاتينة ولا طرنبة الميه ؟

[محمدصلاح القاضى]

ياجماعه
احنا مش عاوزين سباق لان للاسف مفيش تراكات عندنا فى مصر حتى مصممه لكدا او حتى طرق نضيفه

احنا عاوزييين نعمل مسيره لمالكى 132 & 131 بجميع انواعها

زى مثلا مالكى السيارات القديمه برا بيعملوا مسيره ولقاء ومثلا ياخدو طريق كويس
ويمشى عليه يمين وشمال ويسيبوا اللى الحاره اللى فى النص فاضيه لاى حد ويمشى يتمختطروا على سرعه 60 /70
والهدف من دا كله اننا نخلى الناس تعرف احنا اد ايه بنحب العربيات دى مش اكتر
وموضوع السباق هو مش وحش فى حد ذاته لكن محتاجين طريق فاضى ولو لمسافه كيلو
ويبقى عامل زى سباقات الدراج المشهوره
يدوب تنقل الغيارات و تحاول تسبق اللى جنبك
لان بلد المليون مطب والمليون عسكرى مرور والمليون ردار هتظبطتنا اخر تظبيط فبلاش حوارات الدائرى ولا طريق السويس عشان السباقات

[sayed132]

المشاركة الأصلية كتبت بواسطة Hisham.Elgazzar كده بقى مثلث الرعب اكتمل حضرتك وأستاذ ايمن واستاذ مصطفى لازم تروحوا لإسلام عجور لإصلاح الكربراتير ربط الكردان وكرسى النص له عامل مهم فى المحافظة على الفلانشة ، وطبعا قواعد الموتور خشونة صوت الموتور بسبب المارش ولا الزيت وحش ولا بلية الكاتينة ولا طرنبة الميه ؟

عنوانه فين بتاع الكربراتير يا استاذ هشام وبالنسبة لخشونة صوت الموتور فدي مرتبطة بتقديم كهربة العربية ولما بخرها الصوت بيكون عادي بس طبعا مع مشاكل في السحب وتنتيش وفرقعة هوا من الكرباتير

[Hisham.Elgazzar]

المشاركة الأصلية كتبت بواسطة sayed132 عنوانه فين بتاع الكربراتير يا استاذ هشام وبالنسبة لخشونة صوت الموتور فدي مرتبطة بتقديم كهربة العربية ولما بخرها الصوت بيكون عادي بس طبعا مع مشاكل في السحب وتنتيش وفرقعة هوا من الكرباتير

انت مكانك فين أبص على العربية الأول واديلك كومنتات تقيدها عشان ماحدش يعمل شغل ملوش لازمة ممكن تكون العربية محتاجة تظبط خليط وتركب بيكات اضيق شوية وتظبط اسبراتير

إسلام عجور فى الحدايق امام الحى عند المدرسة اللى ورا القسم جنب وائل بتاع الفرامل

[sayed132]

المشاركة الأصلية كتبت بواسطة Hisham.Elgazzar انت مكانك فين أبص على العربية الأول واديلك كومنتات تقيدها عشان ماحدش يعمل شغل ملوش لازمة ممكن تكون العربية محتاجة تظبط خليط وتركب بيكات اضيق شوية وتظبط اسبراتير إسلام عجور فى الحدايق امام الحى عند المدرسة اللى ورا القسم جنب وائل بتاع الفرامل

هشام باشا انا من ساكني الهرم بس عادي جدا اني اجي لحضرتك الورشة في عين شمس انا بفضل الله قريت 308 صفحة وخرجت بنتيجة مهمة جدا وهي اني قررت محدش يشتغل في العربية غيرك