|
#1606
05-12-2010, 11:12 PM
|
||||
|
||||
رد: أدب الرحلات
بس انا مش انهزامي انا اتكسرت 50 مرة بس مبقتش عارف اقوم الدور والباقي عليكو انتو يا شباب والزعيم خالد خليفه ربنا يعوضك خير ياعم خالد وان شاء الله يحسب لك عند الخالق في الدنيا والأخرة اما عن سلمي فمن خلق ابيها قادر على حمايتها ودعمها
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة sad-bird ; 05-12-2010 الساعة 11:21 PM 
|
|
#1607
06-12-2010, 04:41 AM
|
||||
|
||||
|
رد: أدب الرحلات
أبو موسى فى حفلة زفاف
يوم الجمعة ومريح جسمى وناااااااااااااايم فى حالة استرخاااااااااء رهييييييييييب حتى العيال عمر وسلمى اصدرت فرمان بعدم احداث اى صوت ومنع اللعب فى البيت لحين استيقاظى وفجأأأأأأأأأأأأأأأأأأأأأأ ة رن جرس الأختراع الجديد (الموبايل ) وفوجئت انه هادم اللذات الجديد أبو موسى بصراحة طنشته لانى عايز انام وهيدبسنى فى عزومة لكن وبأصرار عجيب طلبنى اكتر من 16 مرة وبصراحة دوشنى لان الموبايلات زمان اول م جات مصر مكانش ينفع تعمل التليفون صامت مكانش فيها الاوبشن (الوظيفة ) ده وفجأأأة سكت التليفون وأخدت نفس عمييييييييييييييييق ولسه هنام رن التليفون تانى ....رقم غريب رديت الووووووو ايوه ياخلووووود ازيك ياجمال ياعم مش بترد على ابو موسى ليه ؟؟؟؟ اصله هيحلف اليمين بتاعه ده ويعزمنى وانا بصراحة تعبان وعايز انااااااااااام ههههههههههههههه حد يزوغ من عزومة زى دى ياراجل ؟؟؟؟؟؟؟ ياعم مش عايز هيا الدنيا أكل وبس ؟؟؟ لأ طبعا .... الدنيا أكل وسواقة ......هههههههههههههه واللى معندوش تاكسى يسوق ازاى ؟؟؟ يسوق فيها ..............ههههههههههه هههههههههههه طيب ممكن انام دلوقت ..... علشان انت سايق فيها ومصحينى ابو موسى عزمنا على فرح ابن اخوه الجمعة الجاية وانا وافـقـت خلاص تروح وتيجى بالسلامة ده عزمنا احنا الاثنين ايوه بس انت وافـقـت وانا لسه موافـقـتـش..... يبقى روح انت ياعم م تكبرش الموضوع ....أدينا هنقضى يوم حلو قصدك يوم دسم ....هو انت وراك غير الأكل هههههههههههههه ....والله م انت كاسـفـنى هـفـكر متـفـكرش .... القـعـدة مش هيبقى لها طعم من غيرك المهم بعد محاولات طوييييلة ..........وافـقـت وبصراحة كنت عايز اخلص من جمال علشان انام...وقلت ابقى اقول له أى حجة لكن يوم الجمعة اللى وراه جه بسرعة وكنت ناسى وبعد الصلاة فوجئت بجمال تحت البيت وبينادى خلودة (كنت ساكن اول دور) ياخالد ....ياخالد ....ياخالد خرجت له فى البلكونة ياعم ايه الهيصة دى ؟؟؟ اطلع نشرب الشاى ياعم شاى مين ؟؟؟ هنتأخر هنتأخر على أيه ؟؟؟ الفرح .... انت نسيت ؟؟؟؟ اه والله نسيت طيب البس بسرعة وانا مستنيك ياعم روح انت بزعل / والله لايمكن... ولو م جيت مهكلمك تانى ماشى 10 دقايق ونازل ماشى واحنا فى الطريق جمال / انت مش بترد علي أبو موسى ليه ؟؟؟ ياعم انا ببقى تعبان وهو كل شوية يطلبنى ههههههههه أصل هو ميعرفش حد معاه موبايلات غيرك انت وواحد تانى هو مبـيـحبوش وشايل الموبايل طول النهار ومبيعملش بيه حاجة وبيدفع فواتير على الفاضى (مكانش نظام الكارت موجود ) ههههههههه يقوم يقرفنى انا ؟؟؟؟ اومال هيكلم مين ؟؟؟؟ ماشى ياعم خلينا فى الطريق ووصلنا عند أبو موسى كالعادة لازم يخرج بـأ ى مـنـظـر (طبعا هو لايقصد بس بتيجى معاه كده ) خارج لنا لابس جلابية جديد ة وعمة(مفرد عمم / بكسر العين ) جد يدة والبندقية معلقها على كتفه وأول م شافنا راح موجه البندقية ناحية جمال قلت / أأأأأأأأ ه ه ه ..... أبتدينا وجمال اتـخـض وصاحبنا راح رافعها لفوق وطاخ ...طاخ ....طاخ طبعا... بيضرب نار لتحية ضيوف الفرح جمال موجها كلامه لأبو موسى / ياعم أيه اللعبة اللى انت شايلها على كتفك دى ؟؟؟ أبو موسى بعصبية / لعبة ؟؟؟ ع تجول لعبة ؟؟؟ طب اتسدج (تصدق ) ياشيخ ؟؟؟ طلاج تلاتة بالله العظيم ل موريك اللعبة دى شكلها أيه دلوك (دلوقت ) ولسه هيرفع البندقية وانا لحقته خلاااااص ياعم ... هو انتو عاملين زى ناقر ونـقـير؟؟؟؟ اسكـتو شوية جمال / هو اللى غلطان ... اذا كان ..... قاطعه أبو موسى / غلطان يابهيمة ياللى م عتفهمش واطول من نخلة مرت ابوى (مرات ابويا ) ياللى ناجص (ناقص ) لك شوية بلح يدلدلو من دماغك والعيال يحدفوك بالطوب جمال / ياعم انت شايل بندقية اطول منك وبتجر منك فى الأرض انت ......... قاطعه كالعادة انا البندجية اطول منى انا ياموصخ ؟؟؟(يامعـفـن ) انا / استووووووووووووب هاف تايم (مكانتش كلمة فاصل ونواصل طلعت ) أبو موسى متحدثا لى / أيه اللى جلته (قلته ) ده انا / دول كلمتين انجليزى على جنب متاخدش ف بالك جمال مفوتهاش / أيش فهمك انت ياجاهل فى الانجليزى أبو موسى / انا جاهل ياموصخ ....ده انا دماغى توزن بلدين زيك جمال ناظرا الى دماغه / هيا فعلا كلها لحمة توزن لها يـيـجى 2 كيلو ثائرا / طلاج تلاتة بالله ال........ انا مقاطعا / انتو هتقلبوها ضلمة ؟؟ انتو ناسيين اننا فى فرح ؟؟؟؟ أبو موسى بعد ان هدأ قليلا صحيح أنسيت (نسيت ) اتفضلو ............واجفين (واقفين ) ليه ع الباب جمال / يعنى احنا شفنا راجل يدخلنا ووقـفـنا على الباب ؟؟؟ انا / اسكت ياجيمى ماااااااااااشى شوية و جاء أبوموسى جومو (قومو ) الأكل جاهز جمال مصفـقـا بيديه وبصوت عالى / أحب النبى ى ى ى ى....... ياللا ياخلودة ثم قمنا للغداء وكالعادة أكل جمال حتى كاد ان ينفجر ثم جاء العريس وانطلق ضرب النار من كل مكان ثم بدأ الحفل وبدأ المزمار البلدى ثم أمسك أبو موسى بالميكروفون وخلفه شخص يردد كلامه كعادة الأفراح الشعبية العريس العريس والعروسة والعروسة والحاج خالد والحاج خالد ونخلة مرات أبويا سكت شوية من يردد وراؤوه .... لكن أبو موسى شخط فيه جول (قول ) حاضر نخلة مرات أبويا نخلة مرات ابويا المنيا المنيا اسيوط اسيوط البلايزة البلايزة الريحة الحلوة الريحة الحلوة ثم أشار الى جمال والريحة الوحشه سكت الراجل شخط فيه الريحة الوحشة الريحة الوحشة تجار العطور أه تجار العطور أه سواقين التاكسى لأ سواقين التاكسى لأ ورجصنى (رقصنى ) ياجدع تارات تاراتتتا ....... بعد ربع ساعة بدأت عادة صعيدى سيئة وقميئة وهى توزيع السجاير على كل المدعوين وتجد اكتر من 10 وممكن يكونو واقفين طابور ورا بعض وبيفرقو سجاير على الناس (اختفت الآن وحل محلها الحشيش ) وجمال فرحان اوووووووووى وقال / الحق ياخلود ....دول بيوزعو سجاير بس فرط مش علب هههههههههههه انت أول مرة تشوف العادة دى؟؟؟؟؟ آه آديك شـفـت انا هلم كل السجاير.... لم معايا الله يخليك الم أيه ياجيمى ...انت مجنون ؟؟؟؟ خلاص ياعم متـزقـش ويومها جمال جمع اكتر من 6 علب سجاير لوحده وكل شوية يختـفـى ويروح على التاكسى يرمى فيه العلب ويرجع بتعمل أيه ياجمال احسن يرجعو ف كلامهم ويلمو مننا السجاير ههههههههههههه متخافش مش هيرجعو ف كلامهم بعد شوية جاء أبو موسى انت ياطويل يااهبل انت جمال ضاحكا / عايز أيه ياقصير ياقزعة انت جوم ارجص جدامى (قوم ارقص قدامى ) ع المسرح جمال / ليه خير ؟؟؟ هو انتو ناويين توفرو ....اجرة الرقاصة رجاصة مين اللى نوفر فلوسها وشخط فيه / جوم ياموصخ وقام جمال لكن منظرهم كان تـحفـة على المسرح فجمال طويييييييييييل وأبو موسى قصير نسبيا وبدأ جمال يتمايل كالنخلة التى تلعب بها الريح وابو موسى هاااااص وضرب نار ولقيت جمال وقع على الأرض قـعدنا نفوق فيه ....شوية ...... وقام فاق جمال وسألته / مالك بعصبية مشيرا ألى أبو موسى / رجل الكنبة ده كل شوية يضرب نار جنبى وانا بخاف بعصبية / انا رجل كنبة ياعمود نورمصدى و ناجص له لمبة .....طب طلاج تلاتة بالله العظيم لانا ضارب نار تانى وأمر رجاله كلهم بضرب النار عندا فى جمال اضربو يارجالة طاخ ... طاخ ...طاخ .................... ضرب نار من كل حتة انا / خلااااااااص الراجل قطع الخلف خلاص أبو موسى / ههههههههههههههههههه اصله مش مرباى (مش متربى ) جلت أربـيه جمال / انا ناقص تربية ياناقـص وزن وطول ومفيكش حاجة طويلة غير لسانك طب طلاج تلاتة بالله العظيم ...لمبندجك (ضاربك بالبندقية ) انا / ياعم أسكت شوية ... أيه ده ..... انتو مبتبطلوش ؟؟؟ ثم التـفـتـنـا فوجدنا الناس كلها تـتـفرج علينا والفرح ساكت انا / جرى أيه يااخواننا ....ساكتين ليه؟؟؟؟؟؟؟؟ أحدهم (ابن أخو أبو موسى وأخو العريس ) / مستـنيين عمى هيعمل أيه مع الجدع الطويل ده ياعم هيا خناقة افرحو وهيصو... هما واخدين على كده واشتغل الطبل والمزمار البلدى وجلست بعيدا وشايف جمال و أبو موسى نازلين خناق مع بعض لكن الهيصة والطبلة والمزمار كانو مغطيـيـن عليهم لكن المنظر باين طبعا جمال يستفز أبو موسى ويجرى أبو موسى وراء جمال وجمال يضحك والأخر عصبى وثائر وفجأ ة وجدت جمال يحمل أبو موسى ببندقيته على كتـفـه وجاى بيه ناحيتى أيه ياجمال فى ايه ؟؟؟؟ ياعم هاوسنى وعامل لى كاللو (ورم غالبا يكون فى أصابع القدم ) ف نافوخى وانا زهقت منه وهرمية فى المصرف اللى هناك ده وأبو موسى يصرخ / أنا كا للو ؟؟؟ياعمارة من غير اساسات ههههههههههههههههههههههههه هه ومشينا بعد يوم جميل واحنا ماشيين جمال / مفيش قفص فاكهة ؟؟؟ انا / أيه اللى بتهببه ده ياجمال أبو موسى / عامل حسابك يادنى (دنىء ) جايبلك جفصين مش جفص واحد جمال / طب والحاج خالد ؟؟؟ انا / مش عايز وملكش دعوة بيا أبو موسى / ياسلاااااااااااام مين جال أكده (كده ) لما ده ياخد يـبـجى تاخد انت ونصين كمان شكرا مش عايز طيب طلاج تلاتة .............. خلاص يا ابو موسى .... اسكت شوية ولقيته جايب قفصين زيهم ثم احضر لنا شنطة كبيرة مليان لحمة لكل واحد....... قال أيه..... دى تحية العريس انا / ايه ده ؟؟؟ كل دى لحمة ؟؟؟ هو انت فاكرنا كلاب ؟؟؟ جمال / لأ ... أسود (جمع أسد ) هههههههههههههه أبو موسى / بس يابجرة انت (بقرة ) ...........دى دبيحة دبحناها وعنفرجو (بنفرق) لحمتها ....علشان دى تحية العريس ومشينا ومحدش كان بيبقى فرحان من زيارتنا لأبو موسى غير جمال والعيال وأمهم جمال لانه طفس وبيحب الأكل جدا وأم عمر لانها هتقعد اسبوع متنزلش السوق ههههههههههههههههههه
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 06-12-2010 الساعة 05:08 AM
|
|
#1608
06-12-2010, 11:38 AM
|
|||
|
|||
|
رد: أدب الرحلات
ههههههههههههههههههههههههه ههههههههههههههههههههههههه هه
انا خلاص مش قادر امسك نفسي من الضحك ايو كدا يا عم خالد ده انتا بتفكرني بالافلام العربي لازم يدخلو شوية نكد في الفيلم الكوميدي مينفعش يبقي كوميدي لنهاية الفيلم بردك في عزا جدي ابو والدي الله يرحمه في اخر رمضان اللي فات لاقيت كل اعمامي جايبين علاب سجاير وهما اساسا مبيشربوش ونازلين يوزعوا سجاير علي كل اللي جي العزا وانا مكنتش عارف اضحك ولا احزن ولا ايه حسيت ان في حاجه غلط
|
|
#1609
08-12-2010, 03:27 PM
|
||||
|
||||
رد: أدب الرحلات
اعتذر على التأخر فى الرد نظرا لظروف المرض الذى اقعدنى اربعة ايام فى السرير والحمد لله على الشفاء الواحد فعلا لا يعرف الصحة الا لما بيمرض انا تخصصى اشعة تشخيصية وماجستير من 2005 مرتبات الاطباء تم بالفعل زيادتها فى الآونة الاخيرة وبالتحديد السنتين الاخريين يعنى طبييب التكليف اللى كان بيروح المناطق النائية وبياخد 250% حوافز اليوم اصبحت حوالى 400% وممكن تزيد على حسب المنطقة وبعدها لكن للأسف النسبة دى خاضعة لتقييم السيد المدير اللى بيرأس الطبيب يعنى لو سيادته شايف ان الدكتور مبيشتغلش (مجرد شايف بس) ممكن يخفض الحوافز له للنص ويمكن اكتر
__________________
د / محمد إن الله لا يصلح عمل المفسدين
|
|
#1610
08-12-2010, 03:44 PM
|
||||
|
||||
رد: أدب الرحلات
انا جى القاهرة الاحد القادم اتصرف وشوف جمال دة فين عايز اشوفة
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
 |
|
|
