اى حد محتاج اى معلومه عن رينو

[POP EL GAMED]

المشاركة الأصلية كتبت بواسطة mostafa2000 بص يا باشا انا عايز اعرف الرينبو ممكن اركب لها جنوط 14 بدل ال 13 واية مقاس الكاوتش المناسب

اكيد يا باشا ممكن تركب جنوط 14
وبالنسبه لل14 المقاس المعتمد 14 175/65ptmnlo123per122

[eygptphoto]

هايل يا اسلام انتا تفوقت على نفسك فى الموضوع ده ... جهد دائم ... اغلب الموديلات ... معلومات ماشاء الله كويسة جدا ..... شكر دائم من اصحاب الاستفسارات

أستمر ربنا معاك يا... ( رأفت )

[sheekoo]

توكيل رينو موجود فى اول مدخل مدينة العبور على الشمال
والاخر على طريق الاوستراد امام القلعة
طبعا دة غير الوكلة الموجودين فى كل مكان مثل السبع فى شارع عمر بن الخطاب فى السبع عماير
وتوكيل اخر فى شارع المطار(شارع جوزيف بروت تيتو )يبقا المطار على شمالك

[محمد شهاب]

انا مشروع رينوهاوى
وبعد اذنك يا بوب انا كنت بافكر فى الرينبو
بعد كل الكلام اللى انت كتبته عنها فى موضوع تانى
وعندى بعض استفسارات
هو اخر موديل نزل منها كان سنة كام
هو كل المواتير لها نفس السعة 1300 واللا فيه سعات ليترية اخرى
يا ترى فيه منها اوتوماتيك ؟؟؟؟ لان كل اللى شفتهم فتيس مانيوال
حضرتك بتقول عندك 19 شمادا طيب دى تفرق ايه
وشكرا مقدما





تحياتى للجميع

[POP EL GAMED]

المشاركة الأصلية كتبت بواسطة محمد شهاب انا مشروع رينوهاوى وبعد اذنك يا بوب انا كنت بافكر فى الرينبو بعد كل الكلام اللى انت كتبته عنها فى موضوع تانى وعندى بعض استفسارات هو اخر موديل نزل منها كان سنة كام هو كل المواتير لها نفس السعة 1300 واللا فيه سعات ليترية اخرى يا ترى فيه منها اوتوماتيك ؟؟؟؟ لان كل اللى شفتهم فتيس مانيوال حضرتك بتقول عندك 19 شمادا طيب دى تفرق ايه وشكرا مقدما تحياتى للجميع

اخر موديل نزل من الرينبو 2000
الرينبو التركى مواتيرها الاستاندر 1300 كاربيراتير(طبعا انا بتكلم على اللى كانت بتنزل مصر)
فيه اوتوماتيك بس منزلتش مصر انت لو لقيت هتبقى اما متعدله او عربيه حد منزلها
ال19 الشمادا دى نفس موتور ال19 اللى هى الشكل القديم وفى نفس الوقت هى الشكل الجديد(شبه الرينبو مع اختلاف الاكصدامات)نازله بموتور 1400 (اسمه رينو اينرجى)79 حصان
وياريت تنضملنا فى حزب الرينو