احداث رياضية لاعوام 2008 2009 2010 2011

[فادى]

أروع ما فى المباراة انو ليس السيناريو المعتاد للمفاجأة,
يعنى اتعودنا فى المبارايات المفاجئة نشوف الفريق الضعيف بيدافع و الفريق القوى بيهاجم, و من هجمة مرتدة يخطف الفريق الضعيف هدف و يحافظ عليه لأخر الماتش.
انما فى المباراة دى مصر كانت ماسكة الكورة, و هى اللى كانت بتهاجم,
و الماتش اتسرق مننا فى الأخر!
يعنى البرازيل هى اللى عملت المفاجأة بالفوز علينا.
احنا كنا الفريق الأقوى, و ده اللى يثبت انو مفيش قوى و ضعيف فى الكورة, فيه 11 لعيب ادام 11 لعيب لا أكثر و لا أقل, و اننا لسنا أقل من البرازيل و ايطاليا و غيرهم, و ان الملاييين اللى بتدفع فى كاكا و روبينيو رزق الهبل على المجانين!
بس السر الكبير فى الموضوع, هو حالة انعدام الثقة و ضعف الأمل فى الفوز قبل المباراة, كل الناس كانت تريد الخروج ب1-0 أو 2-0 على اقل تقدير و ده كان أقصى أملهم, هذا ما خفف الضغط النفسى على اللاعبين و أصبحوا يلعبون بجرأة هجومية غير معتادة و بدون ضغوط نفسية, و ده اللى خلانا نحقق هذا الأداء الرائع.
بس اللى يزعل فى الموضوع انو ديه كانت فرصة كويسة لتصدر المجموعة و ضمان التأهل للدور الثانى, بس معلش أهو لسه فيه ماتشين و أعتقد انو ايطاليا و امريكا فى خطر.

[mohamed ibiza]

والله كان ماتش اكتر من ممتع رغم اننا خسرنا 4-3 بس المنتخب المصري كان عامل اداء عالي جدا جدا جدا و فاجأ البرازيل بالاداء المتميز و احرز 3 اهداف و بهر العالم بالاداء ده و امام فرقة لا يستهان بيها في التدريبات و الخبرة

الحمد لله مبروك علينا الاداء المتميز و ده بيثبت ان العمل الجماعي الصح بيثبت نفسه ايا كان المنافس

[horas3000]

فعلا المنتخب تفوق علي نفسة و قدم عرض اكتر من طيب . الاهم ان الغرور ميخدناش كالعادة و نقدم نفس المستوي في المباريات القادمة و يا رييييييييت حسن شحاتة يشوف له حل في الدفاع و حارس المرمي اللي مبيعرفوش يتصدوا للكرات العرضية لان حرام الجوال الهبلة دي تخش فينا و في نفس الوقت ندي الهجوم راحة نفسية لتسجيل مزيد من الاهداف

[Dr. Bolbolan]

و أنا كمان سعيد جدآ بالآداء غير المتوقع لفريقنا ! بس برده ماعرفش اللعيبه عندهم حنيه ولا ايه ؟

يعنى بعد الجون التالت حدث تراخى ملحوظ ( عاده و لا ح نشتريها ) و بعدين المعلم شحاته برده ما كانش

موفق فى التغيير الآخير ! يعنى ايه ح يطلع واحد و جهز واحد للنزول ! قام الاولانى رفض النزول و علشان

مايزعلش التانى راح منزله و مطلع واحد تانى ! ( حد فهم حاجه ) ! ptmnlo123per144

و بعدين تحس كده انه واقف يتفرج و مبهور زى حالتنا و والله بأبقى خايف عليه ( بعيد الشر ) يجرى له حاجه !

و رغم كده بأحبه و لا أنسى انى شفته و هو بيلعب أيام زمان و كان حريف و ثعلب و ماعندوش يامه ارحمينى !



DR. Bolbolan ptmnlo123per1127

[Semsem999999]

مكنتش مصدق إن مصر لابسه أحمر والبرازيل أصفر ، وأصابتني الدهشه فعلا من هذا الأداء كأن اللعيبة كانوا واخدين برشام شجاعه قبل الماتش ، ومش عارف ليه كانوا نايمين في ماتش الجزائر ولا هي فعلا عقدة ؟؟؟؟؟؟؟؟؟؟؟

عامة لا أتوقع الأداء بنفس هذا الشكل أمام الطليان نظرا للنفخه الكدابة اللي اللعيبة اتنفختها بعد البرازيل وهيقعدوا يغنوا إنهم خسروا من البرازيل بفرق هدف !!!!!!!!!!!!!!!!!!!!!!!!! !!!