رابطة ملاك ومحبى السفينه فيات 132

[محمدصلاح القاضى]

انا طالع عينى
مع ام العربيه
ظبطت الكربراتير النهارده وحطيت
بكات 110/115
وظبطت هوا وبنزين
وأول مره فى حياتى اظبط كهربا للعربيه واخلى الامبليه يرن من اول الدوسه للاخر
وفولت التانك وجارى حساب الاستهلاك داخل المدينه الا اذا اتى مشوار سفر

باقى لى الفرامل وعاوز اظبط عفشه تانى واربط عليها واركب موتور مساحات وقربة مياه
لرابع مره المارش يحتاج يتفك عشان الزفت الاتوماتيك بيبوظ
رغم ان اول مره يتفك بعد شرا العربيه بحوالى 4 سنين
وتم تغير الاتوماتيك بواحد بولاندى وللاسف سنه واتفك تانى وجبت واحد استعمال مريلى واهو عاوز يتغيير
ومش عارف اجيب ايه المره دى ؟؟؟
غير دا ودا اسأل اى كهربائى عن فك مارش 132 حاجه قرف نص يوم فك وتركيب وللاسف لو ركب وطلع بايظ الواحد وقتها يقول مش مهم لسه هفك تانى
عندى عاوز ادهن العربيه بتومين من تحت كلها عشان الشتا والامان
عندى طبة مياه تحت الفرن فى البلوك بتسرب مياه عاوزه تتغير
دا كله غير بقى ليله تغيير الديسك والاسطوانه وبليه الدبرياج واحتمال الفرش يتغير بالمره فدى بقا
الليله الكبرى زى ما بيقولوا

ادعوا لى انا طالع عينى وربنا يكرم

[أيمن الروبي]

المشاركة الأصلية كتبت بواسطة محمدصلاح القاضى انا طالع عينى مع ام العربيه ظبطت الكربراتير النهارده وحطيت بكات 110/115 وظبطت هوا وبنزين وأول مره فى حياتى اظبط كهربا للعربيه واخلى الامبليه يرن من اول الدوسه للاخر وفولت التانك وجارى حساب الاستهلاك داخل المدينه الا اذا اتى مشوار سفر باقى لى الفرامل وعاوز اظبط عفشه تانى واربط عليها واركب موتور مساحات وقربة مياه لرابع مره المارش يحتاج يتفك عشان الزفت الاتوماتيك بيبوظ رغم ان اول مره يتفك بعد شرا العربيه بحوالى 4 سنين وتم تغير الاتوماتيك بواحد بولاندى وللاسف سنه واتفك تانى وجبت واحد استعمال مريلى واهو عاوز يتغيير ومش عارف اجيب ايه المره دى ؟؟؟ غير دا ودا اسأل اى كهربائى عن فك مارش 132 حاجه قرف نص يوم فك وتركيب وللاسف لو ركب وطلع بايظ الواحد وقتها يقول مش مهم لسه هفك تانى عندى عاوز ادهن العربيه بتومين من تحت كلها عشان الشتا والامان عندى طبة مياه تحت الفرن فى البلوك بتسرب مياه عاوزه تتغير دا كله غير بقى ليله تغيير الديسك والاسطوانه وبليه الدبرياج واحتمال الفرش يتغير بالمره فدى بقا الليله الكبرى زى ما بيقولوا ادعوا لى انا طالع عينى وربنا يكرم

ربنا يقويك علي عربيتك يا قاضي انت ومصطفي
ما تتخيلش والدي هيبوس ايديا اروح اودي العربيه للكهربائي علشان يعملي الاوتوماتيك بتاع المارش والجلب وخصوصا ان المارش من فتره قريبه بدأ يلف علي الفاضي يعني الترس
بس خايف افوكو الاقي نفسي عامل ابونيه عند الكهربائي مع انه صنايعي محترف ومحنك
وعلي رأي اسطورة ال 132 حازم خضر (dont touch any working machine)

[hal71]

المشاركة الأصلية كتبت بواسطة محمدصلاح القاضى انا طالع عينى مع ام العربيه ظبطت الكربراتير النهارده وحطيت بكات 110/115 وظبطت هوا وبنزين وأول مره فى حياتى اظبط كهربا للعربيه واخلى الامبليه يرن من اول الدوسه للاخر وفولت التانك وجارى حساب الاستهلاك داخل المدينه الا اذا اتى مشوار سفر باقى لى الفرامل وعاوز اظبط عفشه تانى واربط عليها واركب موتور مساحات وقربة مياه لرابع مره المارش يحتاج يتفك عشان الزفت الاتوماتيك بيبوظ رغم ان اول مره يتفك بعد شرا العربيه بحوالى 4 سنين وتم تغير الاتوماتيك بواحد بولاندى وللاسف سنه واتفك تانى وجبت واحد استعمال مريلى واهو عاوز يتغيير ومش عارف اجيب ايه المره دى ؟؟؟ غير دا ودا اسأل اى كهربائى عن فك مارش 132 حاجه قرف نص يوم فك وتركيب وللاسف لو ركب وطلع بايظ الواحد وقتها يقول مش مهم لسه هفك تانى عندى عاوز ادهن العربيه بتومين من تحت كلها عشان الشتا والامان عندى طبة مياه تحت الفرن فى البلوك بتسرب مياه عاوزه تتغير دا كله غير بقى ليله تغيير الديسك والاسطوانه وبليه الدبرياج واحتمال الفرش يتغير بالمره فدى بقا الليله الكبرى زى ما بيقولوا ادعوا لى انا طالع عينى وربنا يكرم

ربنا يقويك و تخلصها بس فعلاً كما قال الزميل اللي فوق علطول ما تقربش ناحية حاجة شغالة و بالذات في عربياتنا القديمة

[emadwady]

اخوانى الاعزاء
بعد التحية
انا فى ورطة وماليش فيها بعد ربنا غيركم عاوز مشورتكم اعمل اية
كان معايا بولونيز موديل 89 عليها موتور 132 1600
المهم ربنا كرمنى بقرشين قلت ابيعها واكمل عليها واشترى حاجة زيرو قسط
المهم بعت العربية وكملت على الفلوس ودفعتها مقدمة اسبرانزا m11 والاستلام هيبقى اول السنة
الموضوع لغاية دلوقت المفروض انة انتهى لكن ....
يجي الراجل اللى اشترى بعد البيع بأسبوعين يقولى العمة بتاعة الكربراتير بتخبط فى السيرفو راح لميكانيكى يعملها لة قالة العربية فيها حادثة قديمة واللى عمل الحوض مش ظبطة علشان كدا الموضوع بتاع التخبيط دا
وداة لسمكرى وكلة عاوز يعمل شغل قالة نحل الموتور ونعمل زرجينة ونغير رفرف .... الخ
الراجل طبعا" اتجنن وافتكر انى نصبت علية
اقولة ميت يمين انى انا اول مرة اسمع عن الموضوع دا يقولى ابدا" لازم تعملى الشغل دا على حسابك يا إما ارجع العربية واخد فلوسى
ياعم ماكينة ال132 كبيرة مش زى ماكينة البولونيز ولازم تجيب عمة صغيرة ونعملها قاعدة عند الخراط يقولى ماليش دعوة حل لى المشكلة دى
الموضوع كل مادا بيوسع وعاوز احل المشكلة دى بصراحة مابنمش الليل من التفكير فى الحل اغيثونى : cry2W9:

[أيمن الروبي]

المشاركة الأصلية كتبت بواسطة emadwady اخوانى الاعزاء بعد التحية انا فى ورطة وماليش فيها بعد ربنا غيركم عاوز مشورتكم اعمل اية كان معايا بولونيز موديل 89 عليها موتور 132 1600 المهم ربنا كرمنى بقرشين قلت ابيعها واكمل عليها واشترى حاجة زيرو قسط المهم بعت العربية وكملت على الفلوس ودفعتها مقدمة اسبرانزا m11 والاستلام هيبقى اول السنة الموضوع لغاية دلوقت المفروض انة انتهى لكن .... يجي الراجل اللى اشترى بعد البيع بأسبوعين يقولى العمة بتاعة الكربراتير بتخبط فى السيرفو راح لميكانيكى يعملها لة قالة العربية فيها حادثة قديمة واللى عمل الحوض مش ظبطة علشان كدا الموضوع بتاع التخبيط دا وداة لسمكرى وكلة عاوز يعمل شغل قالة نحل الموتور ونعمل زرجينة ونغير رفرف .... الخ الراجل طبعا" اتجنن وافتكر انى نصبت علية اقولة ميت يمين انى انا اول مرة اسمع عن الموضوع دا يقولى ابدا" لازم تعملى الشغل دا على حسابك يا إما ارجع العربية واخد فلوسى ياعم ماكينة ال132 كبيرة مش زى ماكينة البولونيز ولازم تجيب عمة صغيرة ونعملها قاعدة عند الخراط يقولى ماليش دعوة حل لى المشكلة دى الموضوع كل مادا بيوسع وعاوز احل المشكلة دى بصراحة مابنمش الليل من التفكير فى الحل اغيثونى : cry2W9:

بصراحه انا اول مره اسمع موضوع العمه ده بس لو علي العمه متهيألي الموضوع بسيط وافضل انك تنتظر رأي استاذ هشام الجزار علشان عندو خبره كبيره جدا في البلونيز واكيد هيفيدك ان شاء الله وطالما انت بعتها وخلصتلو الورق ملوش حاجه عندك وطالما ان العربيه مش عامله حادثه وانت مكدبتش عليه
واسمع ان اللي بيركب مواتير 132 علي بلونيز بيحتاج يعدل حاجات بسيطه
وننتظر رأي استاذ هشام الجزار
وياريت لو عندك صوره قديمه للحوض بتاع البلونيز وراكب عليه موتور ال 132 ارفعهالنا