|
#1561
30-11-2010, 03:01 PM
|
|||
|
|||
رد: أدب الرحلات
الله عليك يا عمنا موسعه من يومك ده انتا لو صاحب محطة مصر مش هتقول الكلام ده كله
ههههههههههههههههههههههههه ههههههههه
يبقي انتا اكيد في مصر يا عم خالد 
|
|
#1562
30-11-2010, 04:16 PM
|
|||
|
|||
رد: أدب الرحلات
ههههههههههههههههههههههههه هههههه حتي المتسول مسلمش منك يا عم خالد ههههههههههههههههه وبعدين في واحد بيقف دايما اودام نادي 6 اكتوبر بحلمية الزيتون يعملك ايده لتحت اكنه مشلول وصوته عامل زي ما يكون شارب فدانين حشيش وميسبش عربية تعدي من تحت ايده الا لما ياخد منها بس مش عارف بيجي لحد عندي ومبيرضاش يقولي ليه هقولكم انا ليه لاني شوفته قبل كدا بيجري ورا الاتوبيس بليل وانا كنت في المطرية في الوقت ده وبيعمل اسبرينت ميعملهوش شيكابلا في ستاد القاهره وهو منفرد بالجون قعدت اضحك ساعتها ضحك لا وسبحان الله ايده بقية عامله زي خطاف السناره علي الاتوبيس ههههههههه وبردك كنت بصلي العشا قبل كدا ولما خرجت من الجامع لقيت 2 ستات ماسكين عيل لسه مولود وحالفين ما يسيبو حد الا لما يقلبوه ويقولولك نقطة محمد لسه مولود ولازم تنقطه كنت خارج انا والامام والامام غلبان طلع البيت جابلها الفلوس ونزل ادلها ومسبتش ولا طفل ولا اي بني ادم الا لما خدت منه
|
|
#1563
30-11-2010, 04:23 PM
|
||||
|
||||
رد: أدب الرحلات
ايه ياراجل الغيبه دى وانا اللى بقول انك مشغول فى المبانى اقوم الاقيك مكتئب كفالله الشر يارب يارب يفك ضيقك وكربك ويفتح لك من واسع ودائما تذكر ان المولى عز وجل جعل لكل ضيق مخرجا يعنى ربنا لن يتركنا فى الضيق ويقفلها علينا لأ رحمته واسعه والقرآن العظيم يقول فى سورة الشرح ( فإن مع العسر يسرا * إن مع العسر يسرا ) وتأمل فى الآيتين ستجد ان العسر جاءت معرفة بالألف واللام اما اليسر فجاءت نكرة دلالة على شمول اليسر وفى تفسير ذلك يقول الرسول صلى الله عليه وسلم ( أنى لعسر أن يغلب يسرين ) يعنى العسر فى الآية رغم تكراره إلا انه عسر واحد اما اليسر عندما تكرر جاء نكرة دليل على التنوع والشمول ثم انت طلعت عارف احوال الاطباء اكتر من الاطباء انفسهم , انت عرفت كل ده منين يا راجل ان شاء الله اعملكم مداخلة عن مشروع طبيب وبعدين انا ازعل منك !!! ده انت حبيبى انا مش قلت لك قبل ذلك انا بحب الشراقوة وايه حكاية العظمة كبرت دى انت حسستنى انت عندك 70سنة مش لسه شاب فى مقتبل حياته امال لما تكبر بحد بقى هتعمل ايه كل سنة وانت طيب
__________________
د / محمد إن الله لا يصلح عمل المفسدين
|
|
#1564
30-11-2010, 08:16 PM
|
||||
|
||||
|
رد: أدب الرحلات
مشروع طبيب أول الامر الواحد يخلف يقوم لما الناس تساله انت عاوز تتطلع ابنك ايه يقولك عاوزه يبقى دكتور ان شاء الله وبعدين الواد يكبر ويدخل المدرسة يقوم المدرس يسأل التلاميذ نفس السؤال انت عاوز تطلع ايه يا حبيبى دكتور يا استاذ ويفضل الواد مبترمج على انه خلاص خلق لأن يكون طبيبا وكأن مفيش مهن اخرى المفروض الواحد يطلعها وبرضه مش عارف ايه حب الاولاد الصغار انهم يبقوا دكانرة لما يكبروا على الرغم اننا كلنا واحنا صغيرين لم نكن نحب مشوار الدكتور ولا الدوا والحقن اللى بيوصفها وبعدين الواد يكبر ويدخل ثانوى ويعرف ان علشان يبقى دكتور لازم يدخل كلية الطب وعلشان يدخل الطب لازم يجيب مجموع كبيييييييير يقوم اهله يعطوا له دروس خصوصية فى كل المواد ويطلع عين ............ فى المذاكرة وياكل الكتب اكل ويعمل بيات صيفى وشتوى وينكب على الكتب علشان يحفظ اللى فيها كلمة كلمة وتطلع النتيجة ويجيب المجموع الكبير ويروح يجيب ورق التنسيق ويحرص الاهل انهم يلزقوا معاه طوابع كليات الطب كلها ويقعدوا يستنوا وهما بيدعوا من كل قلبهم ان ابنهم يدخل الطب وفجأة يظهر التنسيق ويطلع ان المحروس دخل كلية الطب والاهل يخرون ساجدين شاكرين للمولى عز وجل انه استجاب لدعوتهم ويطلبوا منه ان يمد فى عمرهم الى ان يروا ابنهم دكتور وان شاء الله ان شاء الله بعد سبع سنين اشغال شاقة هيبقى دكتور نونو صغير اول حاجة لما ما يدخل كلية الطب خصوا اوا ايام الدراسة يصطدم بواقع الجامعة وايه الدنيا الواسعة دى وايه العالم اللى عايشة دى وهو منين يودى على فين يدخل المدرج يحضر المحاضرات يلاقى الجو غير ايام المدرسة الثانوى خالص وكم معلومات كثيير وكله بالإنجليزى ومصطلحات علمية اول مرة يسمع عنها ويقعد بالليل يمسك القاموس ويترجم علشان يفهم فيلاقى نفسه بيضع وقت كبيير والمحصلة قليلة وبعد ما كان بيذاكر المادة ايام الثانوى يجى 20 مرة ويراجعها مراجعة اولية ومراجعه نهائية ومراجعه قبل الامتحان ومراجعة ليلة الامتحان ومراجعة يوم الامتحان يدوب دلوقتى يقرأ المادة مرتين او تلاته قبل الامتحان ده غير طبعا السكاشن وشغل العملى وامتحان العملى والشفوى اللى بعد التحريرى وكان كتير من زملائنا يتعقدوا من الدراسة ويقوموا يحولوا اوراقهم الى كلية اخرى لأن الدراسة فى الطب فعلا صعبة وكم كتيير من المعلومات اول سنتين فى الطب دراسة عن الانسان الطبيعى يعنى التشريح الطبيعى والعمليات الحيوية الطبيعية فى الجسم وتركيب الجسم على مستوى الخلية بدون التطرق الى الامراض او التشخيص السنة الثالثة دراسة اكاديمية للأمراض من ناحية الباثولوجى (علم مراض الانسجة) ودراسة للأدوية والبكتريا والفيروسات والطفيليات يتخلل السنة الاولى والثانية والسنة الثانية والثالة اجازة صيفية عادية زى كل الجامعات لكن من اول السنة الرابعة الدراسة متواصلة وانسى الاجازات يا عم الدكتور خلاص بح ومن اول سنة رابعة يبدأ طالب الطب يدرس الامراض الإكلينيكية ويبقى فيه راوند (ROUND) فى المستشفى لدراسة لامرض على حالات (مرضى يعنى) فى سنة رابعة يتم دراسة امراض العيون والانف والاذن والطب الشرعى والسموم وطب المجتمع ومدة الدراسة حوالى 11شهر شاملة الدراسة والامتحانات من اول شهر سبتمير الى شهر يوليو او اغسطس السنة الخامسة على طول تبدى بعد امتحانات سنة رابعه فى اول شهر سبتمبر تمتد اكثر من 13شهر (حوالى13.5 -14 شهر ) السنة السادسه تبدىء فى شهر نوفمبر وتمدد برضه اكتر من 14 شهر علشان يخلص الطالب يخلص سنة سادسه مع الامتحانات فى شهر يناير فى السنة بعد الجاية يعنى مثلا دخل سنة سادسه فى نوفمبر 2010 يبقى هيخلص فى يناير 2012 وده طبعا اذا لم يضطر انه يؤجل مادة اويؤجل الامتحان كله او لا ينجح لا قدر الله السنة الخامسة والسادسة يتم فيها دراسة كل الامراض الباطنية والاطفال والنساء والولادة والجراحات كلها النتيجة تطلح والحمد لله بعد الست سنوات صاحبنا نجح وبقى معاه بكالوريوس الطب والجراحة بس لسه فيه خطوة مهمة الا وهى سنة الامتياز سنة الامتياز تبدى بعد الامتحان بحوالى شهرين وبالتحديد فى اول شهر مارس لمدة 12 شهر كاملين , والخريج يتم توزيعه على اقسام المستشفى بمعدل شهرين لكل قسم حتى يصبح عنده الخبرة العملية اللازمة للتشخيص وكتابة الأدوية للمرضى كان كثير من زملائنا بيكرهوا سنة الامتياز لأنه لا حصل طبيب ولا هو فضل طالب حتى طبيب الامتياز اسمه HOUSE OFFICER بالانجليزى يعنى مش دكتور لسه وكل اللى بيعمله اطباء الامتياز فى المستشفيات من كشف على المرضى و خياطة جروح وحتى كتابة ادويه مخالف للقانون لأنه لا يحمل ترخيص مزوالة المهنة الا بعد قضاء سنة الامتياز كاملة ووظيفة طبيب الامتياز الحقيقية انه يقف مع الاخصائين والنواب يتعلم فقط واذا عمل اى حاجة فتحت اشرافهم يعنى مش من نفسه بعد قضاء سنة الامتياز الطبيب يكون قضى سبع سنوات ونص وهنا يقدر يستلم شهادة التخرج ونقوله مبروك بقيت دكتور نونو صغير ولسه يا حلو امامك مشوار عذاب اكترمن اللى قطعته يتبع
__________________
د / محمد إن الله لا يصلح عمل المفسدين
|
|
#1565
01-12-2010, 05:09 AM
|
||||
|
||||
|
رد: أدب الرحلات
أبو موسى ومواهب اولاده
انا مش عارف ليه كل م اجى اكتب الموضوع ده تحصل حاجة وبقى لى يومين كل م اكتبه تحصل حاجة مرة المنتدى وقع ومرة النور قطع ومرة المنتدى وقع من شوية مش عارف فى ايه ؟؟؟ يارب يكمل المرة دى والأن الى الموضوع كنا فى الفيوم وراجعين بدرى فقلت لجمال / ايه رأيك نعدى على أبو موسى نشرب معاه الشاى اهو فى سكـتـنـا واحنا مروحين بدرى و.....رد بسرعة وهو فرحان جدا / هيييييييه قشطة ياخلودة طبعا نعدى عليه وترك الدركسيون وصفق بيديه ثم اكمل قائلا / واهو نتغدى بالمرة ياطفس ضحك وقال / طفس طفس المهم اتغدى عند أبو موسى ده بيجيب اكل كتير اوى ياعم انت ارحمنى ..... احنا هنوصل 8 بالليل يعنى هترسى على كوباية الشاى واتلم متنكـشوش فى أكل هههههههههه .........حاااااااااااااضر ووصلنا عند أبو موسى ودقينا الجرس ونادينا عليه بصوت عااااااالى جدا لاننا سمعناه بيزعق يا ابو موووووووووووووووووووووووو سى ى ى ى ى بعد فترة من النداء المتواصل مع الجرس المتواصل خرج أبو موسى فى منظر يهلك من الضحك متحـفــز ومادد شفايفه ادامه بطريقة تدل على الغضب ولابس سديرى (اللى بـيـلبـسوه الصعايدة تحت الجلابية ) ولابس كلسون وحافى وعصا غليظة فى يده جمال / أيه اللى انت عامله ف نفسك ده ؟؟؟؟ روح استر نفسك .....هههههههه أبو موسى / أستر نفسى كيف (ازاى ) شايفنى عريان ؟؟؟؟ انا / ياعم دخلنا البيت والا هنقف فى الشارع واحنا .......... مقاطعا كالعادة / خلاص ادخلو....اعمل لك ايه .... م انت اللى مصدر لى ف وشى نخلة مرات ابويا جمال / ابقى اقف على الكرسى لما تسمع صوتى و تيجى تفتح البا ب بغضب / طلاج تلاتة بالله العظيم .......... انا مقاطعا / يوووووووووه ياعم دخلنا واللا نمشى ؟؟؟ بنفس العصبية / ليه اومال ؟؟؟ هو دخول الحمام زى خروجه طالما جيت اهنه (هنا ) متجدرش (متقدرش ) ترجع هيا سايبه اتفضلو ودخلنا البيت وياللهول وجدنا ه مذنب (من التذنـيـب /مكدرهم / معاقبهم ) 2 من عياله انا / مالهم دول ؟؟؟؟ أبو موسى / م عيسمعوش الكلام جمال مداعبا أبو موسى / هو انت كلامك يتسمع من اصله ؟؟؟؟؟؟؟؟؟ أبو موسى / اسكت يابهـيـم ضحكنا احنا الاثنين .....مهو احنا عارفين لسانه الطويل اللى ميقصدش بيه الشتيمة وانما للاسف دى طريقة كلام قلت له / حرام عليك العيال كفاية عليهم كده أبدا دول جلالات الادب (جمع قلة الادب ) ياعم دى عيال ولازم يناكفوك بشموخ يحسد عليه / ميجدروش هو انا هـفية طيب مشيهم وقل لى مالهم بعد عدة محاولات ومحايلات قرر العفو عنهم جمال / فين الغدا الله يسامحك ياطفس انا / غدا ايه والدنيا ليلت كده (الليل دخل ) احنا هنشرب شاى بس ابو موسى / شاى بس ليه ؟؟؟؟ جاعدين على جهوة (قهوة ) انتو ف بيت طب طلاج تلاتة ......... انا مقاطعا له / خلااااااااااااص قل لى بقى نعم العيال دى مالها اجول لك قول جعدت مع نفسى انفكر (افكر )لجيت (لقيت ) اللى عيكسب (بيكسب ) فى البلد دى بتوع الكورة والمغنواتية وبعدين ولا جبلين (قبلين ) جبت عيل من عيالى شعره ناعم وقررت انه يغنى جمال / ههههههههههههههههههه هو علشان شعره ناعم يبقى مغنى بس ياحمار انت .......... انت فاهم حاجة هو فى مطرب شعره مش ناعم جمال / محمد منير اصلا ....... قاطعه كالعادة / محمد منير مش مطرب اومال ايه ؟؟؟؟؟؟ منير ده وسطه مخلوع ولولا جزمته الملونة مكانش حد عبره ههههههههههههههههههههههه ضحكنا احنا ال2 انا / يعنى الناس بتسمع منير بسبب وسطه وجزمته؟؟؟؟؟؟؟؟ ابو موسى / ياراجل ده بيتحرك ويرجص (يرقص ) زى الراجل الوطواط بتاع زمان (كان فى مجلة اسمها الرجل الوطواط ( بات مان ) كنا نقرأها فى السبعينات ثم توقف صدورها ) جمال / وابنك بقى حنجرته فى شعره؟؟؟؟؟؟؟ بس ياحمار انت .... ده هيطلع ولا عبد الحليم حافظ فى زمانه جمال / عبد الحليم كمان ؟؟؟؟ بثقة / أيوه و...نادى على ابنه وأمره بالغناء فغنى الولد وللحق صوته كان سيئا جمال / ده فعلا صوته زى صوت جزمة محمد منير ههههههههههههههههههه أبو موسى جرى الى الداخل وجريت وراه أمسكت به انا فهمت انه داخل يجيب البندقية ابو موسى / هملنى (سيبنى / اتركنى )لازم ابطله المجلتة (التريقة ) دى ياعم خلاص حقك عليا انا جمال / م انت جايب لى عيل صوته زى انبوبة البوتاجاز المنفــسة وعايزه يغـنى أبو موسى / انا ولدى تجول عليه انبوبة منـفـسة .؟؟؟؟ طب طلاج تلاتة ........ مقاطعا له / خلاص ياابو موسى انا اللى غلطان والتفتت الى جمال وقلت /اسكت شوية ياجمال هههههههههههه حاضر ثم غنى الولد ومشى بعد انا انتهى من وصلته وامره والده بالمغادرة مع التنبيه على بداية طبخ الطعام ابو موسى لجما ل / مش عاجبك صوته ؟؟؟ جمال / لأ بغيظ / هخليه يغنى شيعبى (شعبى ) جمال / مش هينفع برضه انا / اسكت شوية واكملت حديثى طب والتانى مذنبه ليه؟؟؟؟؟؟؟ أبو موسى / انا لجيت (لقيت ) الواد ده رجليه عوجة (معووجة ) فجلت ينفع يلعب فى الزمالك انا / اشمعنى الزمالك أبو موسى /اصلهم واخدين على المركز التانى فمش هيطلبومنه بطولة واهو الواد يتدارى فيهم واحسن لعيب فيهم رجليه عوجة (وقتها كان هناك لاعب اسمه حمادة عبد اللطيف فى الزمالك وكان شهيرا بالحاوى وكان احسن لاعب فى الزمالك فعلا وكانت رجليه مقوسة ) جمال / وانت فاكر ان الزمالك بسهولة هياخد ابنك ابو رجل معووجة ده ؟؟؟؟؟ بعصبية / مياخدوهوش ليه ؟؟؟؟ ده انا ابندجهم كلهم من اول رئيس النادى لحد الغفير (يقصد امن النادى ) جمال / هههههههههههههههه انت هتروح تطخ كمال درويش ؟؟؟(كان رئيس النادى وقتها ) انت مجنون ؟؟؟؟ أبو موسى / انا مجنون ؟؟؟ طيب اتسدج (تصدق ) بالله انا غلطان اللى سكتت عليك من الأول انا / ياعم خلااااااااااااااااص ..... اسكت ياجمال ..... خنقتونى انتو ال2 المهم جه الأكل واكلنا والحمد لله وبنشرب فى الشاى وجمال لازم ينكش أبو موسى هات الواد ابو شعر ناعم يغنى لنا شوية من شعره........ ثم لما هتحلقو له شعره هيغنى ازاى؟؟؟؟؟؟؟ وأحس أبو موسى انها سخرية ثـقـيـلة وسخيفـة فقال / والله يانخلة مرات ابويا انت لو مجعدتش ساكت هبندجك المهم بعد محاورات ومهاترات طويلة اقنعناه وبالعافية بان الغناء والكورة لابالشعر الناعم ولا بالرجل المعووجة ولكنها مواهب من الله واكيد اولاده عندهم مواهب ..... بس فى مجالات تانية ولما كلنا نلعب كورة ونغنى مين يزرع؟؟ ومين يصنع ؟؟ومين يبنى ؟؟؟ وفييييييييييييييييييييييي ييييييييييييييييييييييييي يييييييييييييييييييييين على م اقنعنا أبو موسى لكنه أصر يعاقب جمال لسخريته من اولاده وقوله علي احدهم انه صوته شبه صوت جزمة محمد منير والانبوبة المنـفـسـة وطلب من جمال ان يغنى وجمال أخد الموضوع بهزار لكن أبو موسى بيتكلم جد ودخل غرفته وخرج ومعه البندقية ورفعها فى وجه جمال وقال / طلاج تلاتة بالله العظيم لو م غنيت لاكون امبندجك دلوك (دلوقت ) وانا فطست على روحى من الضحك وجمال خاااااااااف جداااااا واضطر للغناء وردد اغنية لمطرب عجوز قديم اسمه زكريا احمد وهو ملحن معظم اغانى ام كلثوم وغنتها اسمهان تقريبا كلماتها تقول الورد جميل ......جميل الورد قاطعه أبو موسى / ياراجل ملجيتش غير الراجل الكبير ده اللى تغنى له واخطأ جمال خطأ عمره فقد ردد اغنية لعبد الحليم وطبعا الفرق بين صوته وبين صوت عبد الحليم واااااااااااااااااااااااا ااااااااااااااااااااااااا اااسع وظل أبو موسى يضحك حتى وقع على الارض وقال / بجى ابنى صوته زى جزمة محمد منير ........ده انت صوتك شبة مكنة المية اللى عنزجى (بسقى / يسقى ) بيها الزرع والله يافرطوس انت تنفع تشتغل عندى لما مكنة المية تبوظ ههههههههههههههههههههههههه ههههههههههههههه التعديل الأخير تم بواسطة خالدخليفة ; 01-12-2010 الساعة 05:29 AM
|
 |
|
|
