اى حد محتاج اى معلومه عن رينو

[POP EL GAMED]

المشاركة الأصلية كتبت بواسطة fars2000 الف شكر يا POP الكبيير كبيير ذى ميكون قرأت أفكارى أنا نفسى فعلا فى السيمبول عشان أوتوماتيك فتسمح أن آخذ بخبرتك مع العلم أنا شاهدت العربيه أنت ذكرت أن اللوجان أوسع أنا وعندما جلست بها رأيت أنا وبعض الذين أشتروها من أصدقائى أن السيمبول أوسع ولكن أنت ذكرت أن ماتور السيمبول أفضل بالرغم من أن ماتور اللوجان 1600 وماتور السيمبول 1400 فكل الحيرة أنا بالفعل مقدم على شراء العربيه أتمنى من سيادتكم أفادتى أنت وكل خبراء هذا الموقع الكريم حيث أننى أحترم أراء جميع الآفاضل وأستاذتى الذين سبقونى فى الخبرة وماذا ترشحون لى لاننى فى حيرة والجميع يقول لى أبعد عن الرينو وتوكل على الله فى هيونداى أكسنت أوتوماتيك أفضل وأرخص ورائعة أعتذر عن اتطويل وتقبلوا فائق أحترامى لكل القائمين وجزاكم الله خير الجزاء....

باشا والله عن نفسى انا افضل السيمبول
وبالنسبه للموتور بتاع اللوجان ده 1600 (موتور الميجان 1)تصميم قديم 90 حصان
موتور السيمبول 1400 (موتور الكليو الجديد) تصميم جديد 98 حصان
يعنى موتور السيمبول هيوفر شويه فى البنزين عن اللوجان وهيديك باور اعلى
وبالنسبه لللاكسنت هى عربيه كويسه بس انا افضل السيمبول غير كده فيه فرق توكيل
وبرضه حضرتك تقدر تشوف العربيتين واللى ترتاحلها اكتر ربنا يوفقك فيها

[sherifman20]

السلام عليكم ورحمة الله وبركاته

انا اتفرجت على عربيه رينبو وبرضه لاقيت فيها نفس مشكله السحب العربيه مبتسحبش جامد ولازم انقل الغيارات بسرعه علشان صوت الموتور ميعلاش وللأسف برضه صاحبة العربيه دكتورة.

استفسارى بقى عن امكانية تظبيط الموتور ومشكلة السحب دى هيبقى ازاى واعمل ايه

واسف جداً للاطاله

[POP EL GAMED]

المشاركة الأصلية كتبت بواسطة sherifman20 السلام عليكم ورحمة الله وبركاته انا اتفرجت على عربيه رينبو وبرضه لاقيت فيها نفس مشكله السحب العربيه مبتسحبش جامد ولازم انقل الغيارات بسرعه علشان صوت الموتور ميعلاش وللأسف برضه صاحبة العربيه دكتورة. استفسارى بقى عن امكانية تظبيط الموتور ومشكلة السحب دى هيبقى ازاى واعمل ايه واسف جداً للاطاله

بص يا باشا موضوع ان العربيه مبتسحبش ده ليه كذا سبب:
1-الموتور مكتوم(محتاج يتفتح على سرعات عاليه)
2-البوجيهات مش كويسه
3-الكاربيراتير عايز يتنضف
4-اسطوانه الدبرياج تعبت
5-فلتر هوا وفلتر زيت محتاجين تغيير
كل الاسباب دى بتخلى المكنه مكتومه ومتسحبش
لكن لو انت بتحسب موضوع الصوت العربيه دى بعد ال3000 RPM بتدخل فى المود الرياضى والمود الرياضى بيديك احسن عزم واعلى قوه وبيزود استهلاك الوقود وطبيعى ان الصوت بيعلى
ارجو انى اكون افدتك ولو حضرتك تحب انا ممكن اجيلك ونشوفها ونوديها لميكانيكى محترم جدا يكشف عليها ويقولك هى محتاجه ايه
تحياتى يا باشا وبعتذرلك عن التأخير

[factorialx]

عايز أحجز لوجان من التوكيل

فين أماكن توكيل رينو و لو هحجز دلوقتي ممكن انتظر 6 شهور مثلا ptmnlo123per172

و لا أجيب من محمد زكي

[mostafa2000]

بص يا باشا انا عايز اعرف الرينبو ممكن اركب لها جنوط 14 بدل ال 13
واية مقاس الكاوتش المناسب