#151
|
رد: أدب الرحلات
حكاية كرتونة
زبون طلبنى على المحمول من بنى سويف (مش عارف ايه حكاية بنى سويف معايا ) و دى كانت غريبة لان دقيقة المحمول وقتها كانت ب2 جنيه او ب175 قرش مش فاكر المهم طلب طلبية بحوالى 10او 12 الف جنيه وروحت محضرها له وتاكسى وطيران على محطة القاهرة وبديها للسفرى (شخص لابس رمادى فى القطارات المكيفة وظيفته ابواب القطار فى العربية المسئول عنها) ونط لى فيها مباحث المحطة عايز ايه ياعم فقال انت مسافر فقلت له لأ قال تاخد الكرتونة معاك انا / حرام عليك دى وزنها اكتر من 80 كيلو والمشوار من باب المحطة لرصيف 8 طلع عينى فقال ابدا لاممكن (قالها كده) تسافر الكرتونة دى وحدها بطلع له 5 جنيه رفضها خليتهم 10 فقال خلى بالك دى رشوة موظف حكومى/ طلع شريف) والمخ الصعيدى ركب فقلت له خلاص هسافر معاها (انا عارف انه مسئول عن رصيف المحطة ومش هيركب القطاروقلت اديها للسفرى جوه القطار وانزل الجيزة وارجع مواصلات ) وانا فى الطريق كلمت السفرى واتفقنا على كل التفاصيل وان صاحبنا هيستناه فى بنى سويف واديته الفلوس ونزلت ويادووب نزلت ولقيت واحد بينادينى يااستاذ يااستاذ انت يااستاذ بصيت لقيت صاحبنا بتاع المباحث اللى قابلته فى محطة القاهرة نعم خير فقال تعالى خد كرتونتك ياتسافر معاه انا وبغيظ /انت سبت رصيفك ليه فقال انت هتحاسبنى والا ايه هتاخد كرتونتك والا اعمل لك محضر للكرتونة دى طبعا اخدتها وانا متغااااااااااااااظ جدا ووزنها تقيييييل جدا (اكتر من 80 كيلو) وشلتها من رصيف الجيزة لحد شارع ربيع الجيزى مشوار يهد الحيل ولقيت تاكس شاورت له المنيب سااسطى فقال 5 جنيه ( طبعا بأسعار وقتها كانو كتير) فقلت ماشى وصلت الموقف ولقيت اتوبيس الوجه القبلى طالع وكلمت السواق ولسه بنتفق ولقيت مباحث الموقف اتلمو حواليا اكترمن 4 بنى آدمين (مش فاكر العدد) وكل واحد جاى عايز يعرف الكرتونة فيها ايه وبعد م فتحوها وفتشوها وقفلتاه تانى قالو 50 جنيه فقلت/ لا يفتح الله هما 10 جنيه بس ورفضو ومشيت وشلتها على قلبى لحد موقف البيجو ولم يكن الميكروباس انتشر زى اليومين دول على الخطوط دى وكلمت السواق واتفقنا على المبلغ وربطها فوق العربية ومشى ووصلت بنى سويف بالسلامة تانى يوم مستنى فلوسها فوجئت بالراجل باعتهالى وقال معلش الزبون اللى كان عايز الحاجة دى غير رأيه وهبعتهالك فى الاتوبيس ومع سواق قريبى وانا ولعت من الغيظ لانها اخدت مجهود جبااااااااااااار على م راحت المهم قلت مفيش نصيب وركبت المترو ونزلت رمسيس والسواق كلمنى قال انا مستنيك فى طلعة النفق بتاع احمد حلمى وانا رايح بعدى شارع رمسيس الاشارة فتحت ولان الشارع عريض فتحت الخطوة فجأة و ترااااااااااااااك رجلى اتلوت تحت منى ونطيت وكملت الطريق تنطيط من تقاطع عماد الدين مع شارع رمسيس وحتى احمد حلمى واخدت الكرتونة وركبت تاكسى بيها للزيتون ووصلت المحل بتاعنا ولقيت رجلى وارمة جريت على المستشفى الدكتور جبسهالى وقال تنام فى السرير شهرين ليه يادكتور فقال تمزق فى الأربطة انا / و ده محتاج شهرين فقال / أه وفعلا روحت له بعد 3 اسابيع وكشف عليا وقال 3 اسابيع كمان ونمت شهرين فى السرير بسبب كرتونة |
#152
|
رد: أدب الرحلات
من ألذ المواقف بجد
كنا فى بلد اسمها السمطا مركز دشنا (بكسر الدال) محافظة قنا عند واحد قريبى وقاعدين فى البلكونة بنفطر وسمعت ضرب نار فانا متحركتش وهو واخواته وامه دخلو الشقة جرى و زى افلام توم وجيرى زى م تقول افتكرنى وفرامل من بتاعة توم وجيرى ورجع جرى شدنى من قفايا ( من الجلابية حكم انا فى البيت اعز الجلابية جدا) جرجرنى على الارض زى توم وجيرى بقول له فى ايه فقال السمطا بيتخانقو وممكن عيار (طلقة) طايش ييجى فيك يعورك انا/ هما كده بيتخانقو ؟ اومال لو هيحاربو هيحصل ايه فقال انت بتتريق دى قامت خناقة بين عيلتين خلصها الجيش لان الشرطة مقدرتش عليهم وظبطو عندهم ( م / ط) انا / ايه ( م /ط ) فقال ده مدفع مضاد للطائرات كانو بيضربو بيه بعض بينى وبينكم مصدقتش لان عارف ان دى عادة صعيدى او مصرى يعنى لما يكون فى جماعة اشرار جدا تلاقى الحكاية قصادها 10 بتألفها الناس فقلت/ ليه هما هنا بيطيرو فقال / انت بتتريق بكرة تشوف المهم بعد يومين راكب الميكروباس اللى شبه بوكس الشرطة بس لونه برتقالى وحصلت مشكلة مع واحد وروحنا القسم وهناك وانا قاعد قالولى البيه المأمور عايزك روحت له خير ياباشا فقال /انت غريب ومش عارف قوانين الناس دى دول عايشين فى القرون الماضية وقال / انا بكلمك كأخ كبير انا ممكن اعمل لك المحضر و ده حقك وهنحطه فى الحجز لكن اهله ممكن يقرفوك وهما مستنيينك اكيد بره دلوقت فأنا هصالحكو على بعض وهما جدعان وفى منتهى الشهامة وممكن بعد المشكلة دى يعزمك على الغدا كمان وقال / احنا هنا بنشوف عجايب ولسه مكملهاش ودخل واحد منكوش وحالته بالبلا و هدومه مطينه وقال اعجب جملة ممكن تسمعها فى قسم شرطة قال بالحرف يابيه انا اتخانجت(اتخانقت) انا وفلان وجتلته(قتلته) ورميت الجثة فى الرياح الجبلى (القبلى) (فرع من النيل) وجيت انجول لك (اقول لك) علشان متزعلش سلام عليكم ومشى والمأمور عمل ايه رد السلام وقال وعليكم السلام بقول له / ايه ده انت سبته يمشى فقال لو قبضت عليه وحولته للنيابة اهله هييجو يهدو القسم على دماغنا وهما تسليحهم اقوى مننا وانا عارف وبرضه اهل القتيل هياخدو بتاره واحنا بنسيبهم ياكلو بعض فاتنازلت عن المحضر ومشيت تفتكرو محضرى هيبقى لازمته ايه وعجبى |
#153
|
||||
|
||||
رد: أدب الرحلات
هههههههههههههه, أخر قصة دى مالهاش حل جامدة موت, لسه متابع معاك, ده المفروض ينزلك شريط حكاوى قبل النوم.
__________________
|
#154
|
|||||||
|
|||||||
ربنا يكون فى عونهم مستحملين حاجات فوق طاقة البشر
بجد حلوة اللى مايبهوش اهلة يربية الحج خالد خليفة وفارة العجيب
تعيش وتاكل غيرها معلش ياعم خالد
مستنى الباقى يارحالة المنتدى
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 03-11-2010 الساعة 04:23 PM |
#155
|
|||||
|
|||||
يا عم كنت سيبه يقتله ههههههههههههههههههههههههه هه
انا لو شوفت الموضوع ده اانا كن ممكن انط من القطر واخلص من المنظر ده اللي هيكون معلق في دماغي دانيا وبعدين انتا جي عند المركز اللي عيلتنا كلها فيه ويحصل كدا اصل حبيبك من مغاغه
انتا شكلك مبتحرمش اكيد ده تاني واحد يعمل فيك الفصل ده انتا ايه حكايتك يا عم خالد التعديل الأخير تم بواسطة hazem_khidr ; 03-11-2010 الساعة 04:28 PM |
|
|