دليل الاعطال و الاصلاحات للفيرنا

[AHMEDCAR]

المشاركة الأصلية كتبت بواسطة dodohany أسف في السؤال والأكصدام هيرجع ذي ما كان يعني أنا بأشوف في عربيات كتير فكت الأكصدام ومرجعش ذي ما كان ويقولوا أن الكلبسات بتنكسر ولو رأيك أنة هيرجع زي ما كان أفكه ،،، وشكراً

فكه ياباشا و ماتقاقش و لو عاوزنى اجى افكهولك علشان تتطمن اجيلك والله

[AHMEDCAR]

المشاركة الأصلية كتبت بواسطة drift الفيرنا من راءي انها سيارة فاشلة بكل المقايس انا ليا واحد صاحبي عندة فيرنا 2007 1600سي سي في عيوب كثيرة في تقفيل السيارة مثلا المحرك هو قوي وعزمة عالي مقولناش حاجة بس الاهم مش القوة والعزم لازم يكون في تحمل لان محرك الفينا لما بيسخن بيهرب زيت ودي دايماااا موجودة في الفيرنا ومشهورة جداا في تسريب الزيت من المحرك وثانيا العفشة الورق لا يوجد تحمل في عفشة السيارة نهائيااا والعفشة ادئها غير مجدي علي السرعات من اول120مش بيبقي في ثبات نهائي بسبب قلة التحكم ووزنها خفيف للغاية بحس ان وانا راكبها اني بسوق سيارة لعبة ملهاش رهبتها وثباتها علي الطرق اللي عايز يركب فيرنا ميزودش عن سرعة 120 وميمشيش بيها كتير لانها بتضعف بسرعة دة غير عيوب شكل التابلوة التابلوة شكلة قديم جدااا وكلاسيك للغاية ومفهوش اوبشن وفرامل العربية مش ABSدي احد عوامل ضعف السلامة بالسيارةانا جربت السيارة كتير ومش عجبني فيها الا الكراسي فقط لا غير لكنها سيارة فاشلة بكل المقايس والدايو الانوس احسن منها بمراحل

on comment
كلامك ده اكبر دليل على انك يتسمع من الناس و مش بتجرب لو عاوز تتناقش معايا افتح توبك جديد و سيب التوبك ده للاصحابه

[dodohany]

يا أستاذ أحمد منحرمش من زوقك واخلاقك لو أحتجت حضرتك أكيد هزورك وأسف لتعبك معايا وسيبك من كلام الناس اللي مش مجربه الفيرنا أن مجرب العربية بقالي سنة ونصف زي الفل وبجري بيها علي 160 و 180 ومغيرتش فيها حاجة من ساعة ما أستلمتها غير أن موتورها قوي ومفرة في البنزين يا ريت يا جماعة محدش يقول رأي مش مبني علي تجربة ................. شكراً

[lifa2000]

أنا ليست لدي خبرة كبيرة يالسيارات وكل خيرتي مبنية علي السمع الذي يفتقد الي الإثبات العملي والعلمي وكل ما تكلم واحد يقول لك أنا عندي واحد صحبي متبهل مع الفيرنا ويقولك نفس العيوب الشائعة المحفوظة من الأخرين وأغرب ما في الأمر إنك عمرك ما تمشي في أي مكان لأكثر من خمس دقائق إلا وتقابلك عربية فيرنا ودة بقة تجربه عملية لي شخصيا هل كل الناس ده ما تفهمش ولا بتحب تصيف وتشتي في مراكز خدمة هيونداي علي طول أنا تابعت النقاش من أول صفحة لحد أخر صفحة والله أنا حسيت إني قاعد في مدرسة تفاعلية رائعة أشكركم ياإخواني جزيل الشكر وربنا يكرمك ويحفظك ويجعله في ميزان حسناتك وصدقاتك الجارية يا أخ / أحمد كار
أخوك ياسر فهمي

[lifa2000]

يإخواني محتاج ردكم فوررررااا أيهم أفضل فيات بونتو كلاسيك خصوصا بعد السعر الجديد والتخفيض الجامد لسعرها ولا أشتري الفيرنا وبمنتهي الصدق والموضوعية التي إعتدنا عليها في هذا المنتدي ( أريد رد عاجل وقاطع)