#1521
|
|||
|
|||
رد: أدب الرحلات
ههههههههههههههههههههههههه هههههههههههههه خلاص يا حج قرموطي هنجيلك خلاص بس خلي الصبي عندك يظبط الترابيزات بدل ما هي مليانه شحم
ههههههههههههههههههههههههه ههههههههههههه اهم حاجه الخيار يكون كويس مش مرشوش ههههههههههههههههههه |
#1522
|
||||
|
||||
رد: أدب الرحلات
حتحبسنا حتحبسنا
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
#1523
|
||||
|
||||
رد: أدب الرحلات
عذاب مشوار السفر ( تابع ذكريات مطروح)
قبل ما اسافر مطروح كان ابعد مشوار سفر لى القاهرة وده كان حوالى 150 كيلو من محل سكنى لكن مشوار مطروح بقى كان حوالى 550 كيلو ومن محل سكنى الى الضبعة حوالى 420 كيلو مشوار الضبعة كان بياخد حوالى 6.5 الى 8 ساعات حسب المواصلات والطريق الذهاب : كنت دايما اطلع من البيت بعد المغرب او العشاء واركب من بلقاس للمنصورة ومن موقف الأسكندرية اللى فى طلخا ( دلوقتى اتنقل بره البلد) اركب اى عربية بيجو 504 مسافرة اسكندرية والمسافة من المنصورة للأسكندرية حوالى 220 كيلو ومعظم السواقين كانوا بيأخذوها فى حوالى ساعتين ونص مرة واحد من غير ما يريح فى استراحات لكن فى العودة كنا بنريح فى طنطا اوصل اسكندريه على 11 باليل لو كنا فى الشتا وطالع بدرى شويه او اوصل الساعة 2 ص لو كنا فى الصيف طالع من البيت متأخر , العربية تنزلنى فى موقف مصر اللى فى محرم بيك الاقى اتوبيس غرب الدلتا اللى رايح السلوم لو كنا الساعة 11م او اتوبيس اللى رايح سيوة لو كنا الساعة 2ص الأتوبيس يطلع من الموقف ويفضل ماشى لحد ما يوصل قبل الضبعة بحوالى 4 كيلو يقوم مريح فى استراحة هناك ( كان اسمها استراحة أوسة) واوسة ده اسم راجل مش ست ويقعد فيه نص ساعة وانا عاوز انزل الضبعة وبينى وبينها 5 دقائق طيب ياعم ما توصلنى وبعدين ارجع ريح زى ما انت عاوز المهم يتحرك الاتوبيس وعند الضبعة انزل واوصل المستشفى على 2 ص لو كنت راكب اتوبيس السلوم او 4 ص لو كنت راكب اتوبيس سيوة ده كان مشوار الذهاب العودة بقى كنت امشى الساعة 9 او 10ص واركب من الضبعة اى ميكلروباس رايح اسكندرية ومن اسكندرية على المنصورة على بلقاس على بيتنا فضلت على كده طول مدة تكليفى هناك ومكنتش احب ارتبط بمواعيد اتوبيسات او قطارات اخرج فى أى وقت واركب اى مواصلة متوفرة علشان اوصل بدرى كنت لما ارجع من كل اجازة واضطر مثلا اسافر القاهرة احس انى رايح البلد اللى جنبنا وراجع بالمقارنة بمشوار الضبعة العلقة اللى كان بياخد فى المتوسط 7 ساعات
__________________
د / محمد إن الله لا يصلح عمل المفسدين
|
#1524
|
||||
|
||||
رد: أدب الرحلات
حوادث الطريق الساحلى
المسافة من الاسكندرية لمطروح حوالى 300 كيلو ومن العلمين لمطروح حوالى 200 كيلو وكان معظم مرتادى الطريق الساحلى اللى بيصيفوا فى مطروح فئتين فئة جايه عن طريق الاسكندرية ودول اللى جايين من الاسكندريه نفسها اوهيفوت على الأسكندرية يعنى جاى عن طريق مصر اسكندرية الصحراوى او جاى من محافظات الوجه البحرى الفئة الثانية ودول جايين عن طريق القاهرة - وادى النطرون - العلمين ويكمل بعد كده على مطروح ولأن الضبعة كانت فى المنتصف تقريبا بين الأسكندرية ومطروح فكانت ملتقى لاستقبال حوادث الطرق يعنى اللى مسافر مطروح وعمل حادثة بعد العلمين اقرب مستشفى له الضبعة والعكس اللى راجع من مطروح اقرب مسشتفى له الضبعة كان معدل الحوادث كتيير فى الصيف خصوصا مع ساعات الصبح المبكرة وكان لا يفوت اسبوع الا لما يحصل على الأقل 3 حوادث والاصابات متنوعة من خدوش ورضوض بسيطة الى الوفاة لا قدر الله اهم ملاحظة لاحظتها على حوادث الطريق الساحلى فى الصيف ان كان معظمها (ان لم يكن كلها) حوادث سيارات ملاكى لمصطافين مش متعودين على الطريق يعنى نادرا لما كان ييجى حادثة سببها ميكروباس او عربية بيجو اجرة , ولما تسافر على الطريق تعرف السبب الطريق الساحلى واسع وممتد وتبقى كاشف مسافة كافية جدا امامك (عدة كيلو مترات) وده كان يغرى كتير من المصطافين بزيادة السرعة بطريقة غير مدروسة لملفات الطريق او الاماكن السيئة منه وفى الصباح كان فى الغالب تلاقى شبورة فده يزود معدل الحوادث الاخوة سواقين الاجرة والميكروباس كانوا حافظين الطريق وعارفينه حته حته فلا يغتروا بيه حتى لو زود السرعة يبقى بصورة مدروسة اذكر فى مرة سيارة مرسيدس عيون انقلبت وتوفى راكب وتم ادخاله المشرحة لحين تصريح الدفن ييجى من النيابة وأهل المتوفى يستلموه , كل شوية عربية من اقارب المتوفى تيجى المستشفى مرة عربية مرسيدس عيون مرة جيب جراند شيروكى واقل عربية كانت الباسات يعنى دى كانت العربية الشعبية عندهم وقانا الله وايكم شر الطريق وأذكركم واذكر نفسى بدعاء السفر قبل التحرك بالسيارة
__________________
د / محمد إن الله لا يصلح عمل المفسدين
|
#1525
|
|||
|
|||
رد: أدب الرحلات
فعلا مشوار علقة الله يكون في عونك يا دكتور ربنا يسترها علينا فعلا ده طريق الموت لانه مغري جدا في الجري |
|
|