محتار بين عربيتين زيرو او مستعمل ومش عارف تجيب ايه ادخل وانا هقرنلك مبينهم مقارنه شامله صور واسعار ومواصفات ورايي الشخصى

[timoozx]

السلام عليكم
أول حاجة الف شكر بجد على المجهود الكبير ده

انا محتار ما بين عربيتين زيرو
الأولى فورد فوكس 2012 أول موديل أوتوماتيك اللى هيا تريند

والتانية هى نيسان تيدا هاتشبك أول موديل أوتوماتيك بردو

طبعا أنا عارف ان فى فرق سعر 25 الف جنيه تقريبا لصالح الفوكاس (الأولى ب 155 الف والتانية 128)
والأولى أمريكى صناعة المانى والتانية يابانى
بس طبعا فى مميزات تانية كتير لصالح التيدا ان قطغ غيارها أرخص ومنتشرة أكتر

فهل فرق السعر لصالح الفوكاس يستحق فعلا مع العلم ان الموديل ده الزجاج الأمامى بس اللى أوتوماتيك والورا لأ..بس طبعا فيها مميزات كتير تانية

ولا خلينا فى النيسان وخلاص
شكرا مقدما

[waelsalah]

السلام عليكم ورحمة الله
ممكن اعرف ايه افضل سيارة عمليه تصلح لتاكسي بالمنصورة باذن الله تعالى
من 70-80 الف ج
(سهلة الصيانة - اعطال قليله - عاليه عن الارض - كويسه مع الغاز - قطع غيار متوفره خارج التوكيل وداخله )
وشكرا جزيلا

[beshay]

اولا مشكور على الموضوع الجميل دا
بس انا قدامى عربية ودى المواصفات وارجو منك التقدير لسعرها
ماركة السيارة - هيونداى
طراز السيارة - النترا 2004
موديل السيارة 2004
سعة المحرك ال سي سي 1600
حالة الدهان الداخلي والاساسيات والدواخل - فابريقة
حالة الدهان الخارجي - راشه عدا السقف
عداد الكيلومتر 147000
كماليات السيارة - كامله
حالة الموتور والميكانيكا - جيد جدا
حالة الصالون - فبريكة
حالة الكاوتش و الزجاج - 90%
الحالة العامة للسيارة - محتاجة تغير رفرف شمال قدام مسمكر وعليه معجون

[ابو يمني]

المشاركة الأصلية كتبت بواسطة waelsalah السلام عليكم ورحمة الله ممكن اعرف ايه افضل سيارة عمليه تصلح لتاكسي بالمنصورة باذن الله تعالى من 70-80 الف ج (سهلة الصيانة - اعطال قليله - عاليه عن الارض - كويسه مع الغاز - قطع غيار متوفره خارج التوكيل وداخله ) وشكرا جزيلا

انا شايف الافيو او ال بي واي دي دول افضل اختيارين ليك كتاكسي

[essam160]

ياريت تنصحنى بايه اوكتافيا فانتازيا او نيسان قشقاى من حيث مصاريف الصيانه والمتانه ومراكز الخدمه ولك جزيل الشكر