هل تفضل ان تكون سيارتك غنية بالتكنولوجيا ام تكون فقيرة تكنولوجيا ؟؟؟

[sherifabden]

المشاركة الأصلية كتبت بواسطة peposupervisor انا اتمني تكون عربيتي اعلي تكنولوجيا ممكنة اعشق التكنلوجيا الجديدة في عالم السيارات

غاوي رفاهية انتا ههههههههه
والف شكر على الرد نورت الموضوع

[sherifabden]

المشاركة الأصلية كتبت بواسطة atgps أولا أشكرك على الموضوع المتميز ولكنى لا أتفق معك بالنسبة لسيارات التسعينيات الأوروبية وخصوصا الألمانية، فالتكنولوجيا التى كانت موجودة فى تلك السيارات خصوصا فى أواخر التسعينيات لم تدخل فى السيارات الكورية الا منذ أعوام قليلة.

التكنولوجيا كانت موجودة فعلا لكن مش زي دلوقتي
لكن طول عمره الالماني يتميز بالتكنولوجيا العالية وكمان التكنولوجيا مناسبة للزمن
يعني لو قارنا تكنلوجيا الالماني ايام التسعينات بالتكنولوجيا حاليا هنلاقي الفرق كبيييير جدا انما لو قارناها بتنولوجيا السيارات اللي كانت في زمنها هنلاقي انها كانت متفوقة جدا جدا
والف شكر على الرد نورت الموضوع

[sherifabden]

عايزين اراء اكتر يا رجالة

[الكردي2000]

أحب التكنولوجيا لما تنعكس علي أداء السيارة وترفع كفائتها وخصوصا مع الفتيس أو الموتور والعفشة , انما لما يهتم بالبلوتوث والملتي فانكشن ووصلة i pod و AUX كل دة علي حساب الايرباج والABS يبقي Sorry مش عايز التكنولوجيا بتعتاك , وللأسف دة حال معظم السيارات الكوري في مصر , علشان كدة لو عايز تكنولوجيا وأداء وشوية كماليات متضورش يبقي تركب ياباني أو الماني

[sherifabden]

المشاركة الأصلية كتبت بواسطة الكردي2000 أحب التكنولوجيا لما تنعكس علي أداء السيارة وترفع كفائتها وخصوصا مع الفتيس أو الموتور والعفشة , انما لما يهتم بالبلوتوث والملتي فانكشن ووصلة i pod و AUX كل دة علي حساب الايرباج والABS يبقي Sorry مش عايز التكنولوجيا بتعتاك , وللأسف دة حال معظم السيارات الكوري في مصر , علشان كدة لو عايز تكنولوجيا وأداء وشوية كماليات متضورش يبقي تركب ياباني أو الماني

في تكنولوجيا رفاهية زي تكييف والكاسيت والكلام دا
وفي تكنولوجيا الامان ودي الاهم طبعا
ورايك مضبوط
والف شكر على الرد نورت الموضوع