الحقوني ناقص انتحر

المشاركة الأصلية كتبت بواسطة the uniqe الف شكر علي سرعة الرد يا رجالة وخاصة للعلامة كارز ادمير بس معلش توضيح اني قاشط الوش وفوق ده كله مجرح جامد بس انا حاطط جوانين فى الحالة دى بنركب جوان واحد تخين يكون محمل !! ومركبهم صح والطلمبة جديدة والطبة جديدة برضة والرادياتير داخل في سنتين ممكن يكون كبس الموتور بيدخل عالمية بس مفيش طحينة خالص وهل الجندي بيظبط الوش والطلمبة والطبب وكده يعني هطلع من غير معاناة الكبس تاني ولا هو بيملاه فقط ؟شكررا جدا

الجندي بيظبط الوش والطلمبة والطبب و يعني هتطلع من غير معاناة الكبس تاني !!
لو خراطيم التكييف السخن فى طلمبة المياه ملغين من صدر العربية نافدهم على بعض من طلمبة
الماء !!!
الردياتير 3 ماسورة كامل جديد اسبانى او تركى عند ميشيل عازر جنب بنزينة موبيل ميدان الجيزة !
ب 400 جنيه
فك وركب علطول لو انت عايز!

[hotbird2271980]

أخى الكريم .. هل جربت تخلى الميكانيكى يقرطلك على مسامير وش السلندر .. جرب و شوف .. و ربنا يهديلك الحال .

[Hisham.Elgazzar]

هتفك وش السلندر وتوديه للخراط يتاخد أشط وتركب جوان جديد وتظبط العربية وتغير الزيت وتغير غطاء الردياتير بواحد أصلى

او متجريش بالعربية و اتأكد الأول انه مفيش كوعه مياة مسدودة أو الردياتير مسدود لأن السدد فى الردياتير هو سبب رئيسى ان جوان وش السلندر يبوظ

يبقى من الأول كده الخلاصة:
1- هتكشف على الردياتير وكوعات المياه وتجيب غطاء ردياتير أصلى جديد

2- تجرى بالعربية وتشوف بتنفخ ولا لأ
3- لو لسه بتنفخ تروح للميكانيكى يفك وش السلندر وتاخده لخراط الوش يوضبه
4- ترجع على الميكانيكى بالوش عشان يقفل وبالمرة تغير الزيت وتدور العربية ومتجريش بيها جامد
5- بعد يومين كده بإذن الله تروح للميكانيكى يقرط على الوش ويظبط الموتور لو فيه حاجة محتاجها

تقبلوا مرورى وآسف للإطالة

Mo7amed Elnimr, tonsy1979
: CONGRA~238:FL ASHCar

[walidelmorsi]

لى سؤال انت مغير الرداتير دة قبل كدة وهل هو بتناسب مع سعة وقوة الماتور