ibiza 2001

[dr_3eshoo]

لو نفع تجيب تويوتا قديمه بسعرها يبقى اجدع من الاتنين
الابيزا روعه عن تجربه مع ابن عمي سوقتها و استكيفت منها ماتقلش عن اي عربيه كبيره في الجري و الثبات
السرعه القصوى معاك لحد 150 كيلو
ابعد عن الكوري لان مشاكله عفشه ثم العفشه ثم العفشه و بعدين الفرامل الفرامل الفرامل
هاتكرهك في العربيات و الي بيركبوها غير استهلاك البنزين العالي بدون داعي
لو وقعتلك تويوتا كورولا موديل قديم 97 او 95 يبقى فل قوي قوي قوي و احسن من الابيزا و السيفيا و النوبيرا

[mando_07]

التويوتا طبعاً عربية محترمة لابعد الحدود لكن المبلغ اللي معايا ميجبش ألا كورلا عيون وشكلها وحش أوي الصراحة
أنا أصلاً قربت اتجنن كل فترة تيجي في دماغي عربية وأقول هي دي وبعدين اكتشف أنها مش أوي أنا خلاص بشد في شعريptmnlo123per1146
ربنا يوفقني في الاختيار

[mohamed_fatouh]

معلش اتاخرت كتتتتتتتتتتتييييير بس العربية ال 1000 سى سى اللى دبسنى فيها محمد ابيزا قعد يقوللى و يعيد عنها والفرق بينها و بين الدايو لغاية ما اتدبست و اشتريتها وكانت المفاجاة الرهييييييبة ؟؟؟؟
العربية ممتتتتتتتتتتازة و رائعة و عمرى و الحمد لله ما ندمت انى اشتريتها معملتش معايا الحركات السخيفة بتاعت الكورى و الحمد لله خمسة وخميسة فى عين الحسود يا عم توكل على الله اشتريها بس تكون استخدام محترم علشان العربية دى الشباب بيدوسوا عليها قوى و هية صراحة بتستحمل بلاوى كتير و مبتقلش لا ---قطع غيارها موجودة بوفرة فى التوفيقية حاجتها غالية شوية بس فعلا و الله معمرة جدددددددا انا لسة عامل شوية شغل فى العفشة علشان سمعت صوت تزييق فى المطبات و فوجئت ان اللى باغيرة هى جاجة الفبريقة من 2001 و العربية عاملة 140الف كم يعنى تعيش بس انت تابع موضوع محمد ابيزا حبيب قلبى من جوة عن الصيانة الدورية و ان شاء اللع بعد الاستخاره ربنا هيوفقك و تشترى واحدة محترمة.

[mohamed_fatouh]

اه افتكرت 1000 سى سى موش مشكلة خالص انا جبت بالعربية فعلا 140كم على المحور و كانت زى الصاروخ الساعة 4 فجرا يعنى بتجرى برضة بس اتهيالى بعد ال140 يبقى افترا دى حاجة اما التكييف فعلا جميل جدا لكن بياثر على السحب على السرعات الخفيفة جوة البلد اما لما تجرى فى طريق طوالى مبتحسش باى حاجة و معلومة عامة شوارع قاهرة المعز و قاهرة الشعب المصرى لا تتحمل السيارات السريعة دا الواحد يخلص من زنقة يدخل فى التانية بلد بتاعة اشارات صحيح علشان كدة 1000سى سى ممتازة و بلاش تجرى ورا اللى بيدفعوا دم قلبهم فى البنزين يا عم دانا بافولها ب 75جنيه بنزين 92 يستمر معايا اكتر من اسبوع من اكتوبر للقطامية كل يوم توكل على الله و ان شاء الله موش هتندم

[mohamed ibiza]

المشاركة الأصلية كتبت بواسطة mohamed_fatouh معلش اتاخرت كتتتتتتتتتتتييييير بس العربية ال 1000 سى سى اللى دبسنى فيها محمد ابيزا قعد يقوللى و يعيد عنها والفرق بينها و بين الدايو لغاية ما اتدبست و اشتريتها وكانت المفاجاة الرهييييييبة ؟؟؟؟ العربية ممتتتتتتتتتتازة و رائعة و عمرى و الحمد لله ما ندمت انى اشتريتها معملتش معايا الحركات السخيفة بتاعت الكورى و الحمد لله خمسة وخميسة فى عين الحسود يا عم توكل على الله اشتريها بس تكون استخدام محترم علشان العربية دى الشباب بيدوسوا عليها قوى و هية صراحة بتستحمل بلاوى كتير و مبتقلش لا ---قطع غيارها موجودة بوفرة فى التوفيقية حاجتها غالية شوية بس فعلا و الله معمرة جدددددددا انا لسة عامل شوية شغل فى العفشة علشان سمعت صوت تزييق فى المطبات و فوجئت ان اللى باغيرة هى جاجة الفبريقة من 2001 و العربية عاملة 140الف كم يعنى تعيش بس انت تابع موضوع محمد ابيزا حبيب قلبى من جوة عن الصيانة الدورية و ان شاء اللع بعد الاستخاره ربنا هيوفقك و تشترى واحدة محترمة.

ههههههههههههههههههههههههه هههه تصدق اتخضيت في اول المشاركة هههههههه ربنا يباركلك فيها يا باشا و لما تحتاج حاجة متترددش انك تكلمني و ان شاء الله افيدك فيها