حد عندة تفسير للفديو دة

[aymanlaw]

المشاركة الأصلية كتبت بواسطة lost2008 كللام سيادتك مظبوط طبعا,و رفضك لاسلوب المعاملة ايضا مفهوم بصفتك من رجال القانون, انا بس نفسى يكون فيه تشريع و عقوبة رادعة لافعال البلطجة و قطع الطرق لان الاحكام الى بتصدر ضد الناس ديه " 5 سنوات او 10 سنوات" ﻻ تساوى اطلاقا مقدار الجرم و الفزع الى بيسببوة للناس.

حضرتك دى كانت مادة فى دستور 71 19 الباب الثالث:فى الحقوق والحريات والواجبات.مادة(42): كل مواطن يقبض عليه أو يحبس أو تقيد حريته بأى قيد تجب معاملته بما يحفظ عليه كرامة الأنسان، ولا يجوز إيذائه بدنيا أو معنويا، كما لا يجوز حجزه أو حبسه فى غير الأماكن الخاضعة للقوانين الصادرة بتنظيم السجون.
وكل قول يثبت أنه صدر من مواطن تحت وطئة شىء مما تقدم أو التهديد بشئ منه يهدر ولا يعود عليه.

أكد مصدر أمني مسئول بمديرية أمن الدقهلية "للدستور الأصلي" أن الشابين اللذان ظهرا في الفيديو المثير للجدل والذي يصور اعتداء الشرطة العسكرية عليهما هما مسجلين خطر وسبق ضبطهما واتهامهما في عدة قضايا .

وأضاف المصدر أن الشاب الأول ويدعى حسن حسن محمد حسنين من مواليد عام 1976 والسابق ضبطه واتهامه في 13 قضيه حيازة مخدرات وسلاح وسرقة وضرب وحيازة أسلحة نارية بدون ترخيص ومسجل شقي خطر برقم 1914 والثاني شقيقه ويدعى السيد حسن محمد حسنين مواليد عام 1986 عاطل والسابق اتهامه في عدة قضايا آخرهم القضية رقم 3870 لسنة 2008 ضرب والمتهمين مسجلين بأرشيف مصلحة الأمن العام سرقات بالإكراه واتجار وحيازة أسلحة نارية وفرض سيطرة.


وأضاف المصدر انه عقب ضبطهم بتاريخ 21 يوليو 2011 في حملة امنية واسعة بالتنسيق بين مصلحة الأمن العام ومديرية امن الدقهلية بالاشتراك مع القوات المسلحة وعقب توجه القوة لضبط المتهمين بادرا بإطلاق أعيرة نارية وتم ضبطهما وبحوزتهما 2 طبنجة حلوان و2 بندقية خرطوش و2 طبنجه عيار 9 مم تركي وخزينه سلاح آلي و62 طلقه آلي و8000 جنيه.

منقول

[فادى]

العنف أصبح ثقافة عامة متأصلة و متجذرة فى مصر, يتربى عليها حتى الاطفال, حتى الاعلام و الأفلام تروج لفكرة العنف.
و بالتالى هى ثقافة عامة و بالطبع رجال الشرطة و الجيش من هذا الشعب و ليس من فصيلة أخرى!
لكن لما المتظاهرين فى التحرير مسكو واحد على انه بلطجى و قلعوه و ربطوه على الشجرة ده مش تعذيب برضو؟ و لماذا لم تحظى هذه الحادثة باستنكار واسع مثلما حدث الان رغم ان هذا الرجل كان بائع جائل غلبان فى ميدان التحرير يدافع عن أكل عيشه و ليس مسجل خطر.
و لا هو حلال للمتظاهرين و حرام على الشرطة!

[TheSantos128]

انا شايف فى الفيديو ناس شايفه شغلها
بس

[HaMaDa-ToUBaR]

والله انا مش شايف ان الفيديو دة فية اى مشكلة ... فعلا ناس شايفة شغلها

معلش احنا كلنا ايام اللجان الشعبية اى بلطجى بيتمسك كان بيتعمل فية كدة واكتر

وبعدين يا فرحتى لما اعاملة قانونى واحبسة وبعدين يخرج يمارس نشاطة تانى

وهو بينضرب لية لانة مش بيتكلم ولا عاوز يعترف جايب السلاح منين والاشكال دى مينفعش معاها الا كدة وكل الى بيحصل فيهم حلال ولا احنا بس نعد نعيط ونقول فين الشرطة لو شفنا عيل بمطواة فى الشارع

ولما الناس تشوف شغلها نقول دة اية الظلم دة ... والله حاجة عجيبة

ياريت قبل اى كلام نقدر ان الناس دى راحت واتضرب عليها نار وبتموت فى اليوم الف مرة علشان تمسك بلطجى زى دة واحنا اعدين فى بيوتنا فياريت نقدر دة كويس

اة الشرطة فيها فساد وفيها ظلم وفيها ضرب وفيها افترى بس الى بيحصل فى الفيديو دة ولا هو ظلم ولا هو افترى

والصح ان اى بلطجى مش يتحاكم ... لا دة يتعدم فى ميدان عام

دة بلطجى يا ناس يعنى واحد بيسرقك وبيقتلك وبيعرض حياتك وحياة اسرتك كلها للخطر منتظر منه اية مثلا لما تعاملة كويس

بجد انا مبقتش فاهم احنا بنفكر ازاى