شغل العفاريت فى عربيتى هيجننى

[رمضان شوقى]

الأسطى لما فك الوش مربطش كويس على المسامير

[hamdy ali]

المشاركة الأصلية كتبت بواسطة كنتوش السلام عليكم ورحمة الله وبركاته انا خلاص هتجنن العربيه دى راكبها عفريت غيرت جوان وش السلندر والزيت طحن تانى الميكانيكى قاللى هنقرط على الوش وغيرت الزيت وطحن تانى روحت مشوار حلو لميكانيكى كويس واوريله العربيه الاقى الزيت رجع زى الفل امشى كام مشوار صغيرين الاقيه طحن تانى وكل الميكانيكيه احتاروا خلاص ما بين وش عاوز يتخرط تانى او طبه من طبب الميه عاوزه تتغير او شرخ فى الموتور وانا بدات بالاخير وقولت اجيب ماده الشروخ ما لقتهاش خالص وواحد قاللى يعرف واحد بيحط حاجه على شوية بن ويحطها بطريقه معينه فى المكنه وبتمنع الحاجات دى ده اولا والموضوع ده انا لسه فيه ومش عارف اعمل ايه وخايف اخلى المكنه حقل تجارب والاقى نفسى عاوز واحده جديده الجديد بقه انى كنت ماشى اول امبارح ويا دوب دورت العربيه ومشيت كيلو مثلا والاقى صوت نقر جامد جدا جدا من المكنه من فوق وكان واحد جايب ظلطه وبيدق على الموتور وكل ما امشى يزيد ويقطع خفيف ويرجع تانى كملت حوالى 2 كيلو كمان وبطلت لوحدها دورتها وركنتها وبطلت تانى جيت ادورها ما دارتش سيبتها يوم وتانى يوم دورتها وجيبت واحد يشوفها عنده خبره لان الميكانيكى مكانش موجود المهم دارت بس كانت بترعش جامد جدا وتبطل تدور وترعش وتبطل والخبط اللى كان من فوق بقى من تحت والمكنه بتبطل لغايه ما بطلت وحلفت ما تدور تانى النهارده بقه جه الميكانيكى ومن اول لمسه دارت وزى الفل وولا فيه خبط ولا حاجه والموتور تمام !!!!! قولتله تعالى نجربها ومشينا شويه وقرصت سمعنا صوت الخبط اول ما يفتح الكبوت علشان يعرف منين الخبط يختفى نمشى تانى يرجع يفتح الكبوت يبطل ركن وفضل جنبها يزود ويقرص الصوت ييجى على خفيف وبعدين يمنع تانى وييجى ويمنع فى الاخر قاللى مش عارف بس غير الزيت يمكن يكون خف من الميه اللى كانت بتدخله بس طبعا كلام مش مقنع الزيت دلوقت مش مطحن ورجعت بالعربيه وماشى بالراحه مقرصتش خالص مفيش اى صوت ولا خبط اعمل ايه بقه اوديها لشيخ ولا اعمل ايه انا اسف جدا جدا على الاطاله واتمنى المهندس سمير يقرا الموضوع بتمعن ويفيدنى واهل الخبره وشكرا

السلام عليكم
الاخ صاحب المشكله
العيب الدى كتبت عنه ياتى من سببين
1 شرخ فى وش السلندر (وهدا الشرخ عند ارتفاع الحراره يدخل ماء فوق البستم وهدا يسبب اصوات
داخل الموتور بسبب الضغط وبالتالى تاخير فى اداره الموتور او تقطيع)
2- شروخ بجوار اماكن المسامير فى بلوك الموتور
ملاحظه يمكن تجربه ما يسمى (دواء شروخ النوع انجليزى سعره حوالى 25 ج
hamdy ali

[عصام غنايم]

طيب مبدأياٌ اكشف على طرمبة الزيت عندك اكيد مش بتقلب الزيت كويس وده عيب منتشر فى الفيات عموماٌ

ونصيحه لو الموضوع وصل لتخبيط من فوق ومن تحت

اوعى اوعى تعمر او تصلح تانى

غير المكنه على طول