مش طايق العربية وشكلى هستغنى عنها

[AMMI]

المشاركة الأصلية كتبت بواسطة momen_bondok انا خلاااااااااااص مش طايق العربيات وعاوز ابيع عربيتى كل مكان لازم تدفع فلوس علشان تركن هو مش بخل على فكرة بس مش بحب الاستغلال يعنى عند البيت ممكن الف نصف ساعة او اكثر علشان الاقى مكان فاضى قولت اشوف الجراج اللى عند البيت قال 180 عند مكان العمل ممكن والله الف اكثر من ساعة علشان الاقى مكان اركن وفى الاخر بركن فى شارع واحد مسئول عنة بي خمسة جنية وبياخذ تقريبا 100 فى الشهر دة الواصلات ارخص بيكثير دة غير اشتراك الانترنت ........الخ خلاص بقى المرتب قرب يخلص دة غير الحفر اللى العربية بتتهبد فيها وانا ماشى هو انا كل شوية اغير مساعدين ولو فكرت بس تقف لراجل كبير او واحده معاها اطفال كل اللى وراك شغالين كلاكسات وفلاشر وكمال يبقى الطريق واقف ولو اتحرك متر واحد لازم تدخل المتر دة يا اما سواق اتوبيس او ميكروباص تحس انة هيخبط العربية بجد والله مش طايق ومبقتش اروح الشغل بالعربية اهى مركونة وخلاص معلش طولت عليكو بس فعلا مخنوق

كلامك وكلام الاخ ابو نورا وانا كمان يدل على ان معظم الناس من الجيران ( الا من رحم ربى ) لا يحبون الخير لبعضهم البعض. تلاقى كل واحد عنده بيت او ساكن فى الدور الارضى مش عاوز حد يركن قدامه كأنه اشترى الشقه بالشارع وكم من مشاجرات تحدث بسبب ركن السيارات.

اسباب ذلك نتيجة ان مفيش شرطه (سواء دلوقتى او قبل كده) تتحرك قبل حدوث مشكله وتبقى الناس عندها احترام للقانون بمعنى ان اللى يعترض على ركن عربيه يبقى عارف ان فى ثانيه لو اتعمله محضر فى الشرطه هيتاخد عليه تعهد وهكذا.

بالنسبه للسياس لو انت رايح الشغل الساعه 6 الصبح تلاقى الشارع فاضى كله بس حجزينه بالطوب وانهم بيركنوا عربيه بالطول ويوسعوا المسافه بين العربيات.

والحل المؤقت انك تركن العربيه فى اى شارع رئيسى قريب من البيت وتغطيها ومتعملش فيها لا سمكره ولا دوكو غير كل 3 سنين ساعة الفحص. بس مشكلة الـ 128 ان الكبوت سهل فتحه وسرقة البطاريه وده حصل معايا قبل كده.

الحل الدائم ان يبقى فيه احترام للقانون من الجميع وان الناس تتعامل مع بعضها بما يحبه الله ويرضاه.

[mesho70]

- انا ركنت العربية فى جراج فى شارع فرعى بشارع عماد الدين ناحية رمسيس
- كانت حوالى 6 ساعات ولما رحت احاسب كان
- 38 جنية تخيل !!!
- واخذ 40 جنية وقلى مش معاة فكة !!!

بس الكلام دة لو المواصلات رايقة وهادية
المواصلات عندنا اهانة كبيرة لاادمية المواطن المصري حاول اركب المترو كدة وقت الزروة او وقت خروج الموظفين
مسخرة بمعني الكلمة واللة
عمومآ مشكلتك دية كل مصر بتعاني منها
بل وحتي الدول المتقدمة اصبحت تعاني من مشكلة الركن والمواصلات والهيصة دي كلها
الحل انك تجيب سيارة صغيرة مهكعة علشان تقتصد في البنزين وقطع الغيار وتلاقي مكان تركن
وكمان متزعلش لو اتخدشت
ادعوك لزيارة هذة الرابط لانه لي علاقة بموضوعك
وهو أسلوب الحياة الحديثة المتحضرة؟
http://www.baytalhaq.com/index.php?artid=3125

[nktis]

ايه ده يا جماعه....

[mesho70]

- انجليزى دة يا مرسى ؟!!!!!!!!!!!