الحكاية من البداية برجاء عاوز متخصص يفيدنى وله الدعاء والشكر

[mr_astra]

ممكن تسمعنى لغاية الاخر بحكم ان معايا 128 وانا 16 سنة
عاوز ابدا الموضوع من اولة موضوع الدخنة السودة من الشكمان وصوت الطقطقة اما بتدوس دبرياج دى مشاكل ممكن تكون عادية ولا تستدعى تغيير الموتور ( دخنة سودة من الشكمان تظبيط كربراتير ) صوت طقطقة مع الدبرياج ( دسك - اسطوانة - بلية - واير دبرياج )
اما لو مصمم على تغيير الموتور سيدتك تسايس العربية لغاية بور سعيد وتشيل موتورك هناك وتركب موتور استيراد وتبيع القديم وتكمل الفرق
انواع المواتير اللى ممكن تركب كتير من الناحية الفنية اما من الناحية الادارية فادامك اى حاجة فيات وعلى فكرة الزيستافا هى فيات مش حاجة تانية بس هاتش باك عندك بقى موتور 128 1110 سي سي او 1300 سي سي
موتور ريتمو اللى هو اسمة لانشا 1300 سي سي دة فوق الممتاز بس بيحتاج شوية تعديلات بسيطة فى الحوض وفية منة 1500 سي سي بتكييف طبعا دة بعيد عن تفكرنا شوية عندك مواتير الريجاتا 1500 سي سي
بس المهم الشغل كلة يتعمل هناك فى بور سعيد عشان تضمن ان لو فى مشاكل تحلها وانت هناك مثلا لو هتركب ماتور ريتمو 1300 سي سي بالفتيس بتاعة لازم يتقطع من الفتيس حتة صغيرة عشان يركب وعند عصايا الفتيس هاتشيل جزء من الفبرة اللبلاستيك اللى بتخلى المارش دير سوستة وانت راجع بالسلامة هات ورق الافراج الجمركى من اللى هاتشترى منة ومش يديك الكشف المجمع لا ورقة واحدة للموتور بتاعك واتاكد من الرقم وطابقة باللى مكتوب عشان ما يحصلش مشاكل فى المرور

[sad-bird]

لو العربية 128 وتتحمل فعلا فيه موضوع معمول عن ظبط 128 مع الوضع في الاعتبار كلام اساذ وائل والمهندس سمير
المواتير اللي تتسقط على 128 كثيرة لكن المهم هل العربية تتحمل الماتور ده والا لأ
اول حاجة لازم تشوف شاسية العربية فيه مشاكل والا لأ لو فيه مشاكل يبقى لا ينصح ابدا باي ماتور اقور من الموجود عندك يبقى انت تجيب نفس المتور 1100 او 1300 فيات بالكثير
لو الشاسية تمام ومش فيه مشاكل يبقى هتعمل تقويات في الشاسية تصب رصاص او المونيوم خاصة علب الشاسية وتركب بارات قدام وفي الشنطة وفي النص تحت العربية وتظبط العفشة كويس ( ممكن تظبط العفشة يوصل معاك مبلغ وقدرة علشان تقدر تتحمل الجديد )
بعد كده تبدأ خيارات التسقيط مش عاجبك ماتور 1100 يبقى هتدور في الاعلى منه
مواتير فيات
ماتور 1100 55 حصان
ماتور 1290 62 حصان
ماتور 1300 65 حصان
طبعا فيه حاجات تانية غير دي بس لازم تعملها تعديل في قواعت الماتور علشان تبقى مرتاحه وطبعا لا ينصح بالتعديل خصوصا ان فرق المواتير من بعضها بيعمل في حدود 20 حصان فرق لان العربية اصلا 55 حصان ماتور زي الريجاتا 1500 80 حصان طبعا هنا ينطبق كلام مهندس سمير واحد
وطبعا اي تعديل في الماتور بيقابله تعديل في العفشة ماتور قوي = سرعة اقوي = فرامل اقوي
يبقى خيار التسقيط هنا اصبح ملازم له خيارات تعديل في العربية ككل
يبقى التكاليف بقت اعلى
يبقى افضل انك تبيعها خالص وتجيب واحده تانيه نضيفة لو اني مش مع الخيار ده اصلي من الناس اللي مش تحب تفرط في حاجة عاشت معاها حتى لو استهلكت تماما
واولا واخيرا لك مطلق الحرية في القرار ويفيدك في الموضوع اكثر مني خبراء المنتدي

[madoo_103]

ماشى ياخونا ربنا يخليكو ويكرمكو بس خليكو معايا للاخر اصلى مش فاهم فى الحوار اوى وبرضه عاوز ابقى مطمن مليون المية بالنسبة للناس اللى بتتكلم فى موتور عالى زى 1500 والكلام ده انا مش بفكر كده خالص انا لقصى حاجة عاوز 1300 بس يبقى موتور نضيف يعنى مفهوش مشاكل السخونية الزيادة بتاعت الزستافا والاعطال المتكررة ليه فالناس اللى اقترحت عليا موتور الريتمو 1300 سى سى لو الموتور ده مناسب ومش هيبقى تقيل على العربية يبقى نتوكل على الله ثانيا موضوع الناس اللى قالتلى قانون المرور الجديد وكده هل هيبقى فى تعارض ولا ايه لو حد عندو معلومة واضحة ياريت يفيدنى يعنى هل هيرضو يرخصولى ولا لا عشان مجبش الموتور وبعدين ميرضوش يرخصولى ثالثا لازم اروح بورسعيد مفى ناس هنا كتير بتجيبو واخد معايا الميكانيكى يجربو على الارض موضوع بورسعيد ده لو ليه حكمة ياريت تقولولى اخر حاجة لو حد عنده فكره برضه اسعار موتور الريتمو ده وال128 العادى(يعنى الموضوع كله لو متخمتش ممكن يتكلف كام) وبالنسبة للاخ اللى بيقولى الدخنة والحاجات ده انا مش مشكلتى فى كده انا مشكلتى ياباشا ان فى ميكانيكى قالى ان الكرنك لما بدوس ديبرياش فيخبط حديد فى بعضو جوه والكرنك بيتحرك من مكانه فقله ده عاوز عمرة قفلت اصستقرب المسافة معلش ياخونا انا عارف انى طولت عليكو بس بجد منكم نستفيد ولكم الشكر بس ياريت حد يجاوبنى يعنى بشكل شامل ويدينى الكلمة النهائية عشان اتوكل على الله مش رد على جزئيات اه وجزئيات لا عشان متهوش بينكم تانى والف شكر

[sad-bird]

السلام عليكم
اخي الكريم
حضرتك الناس لما قالت الاقتراحات قلنا على اساس انك عاوز تغير الماتور خالص اما عن المشكلة من البداية وخطوات الحل
1. تشوف ميكانيكي كويس يعمل العمرة ده لو عاوز توفر وتلم الدور وتعمل عمرة وتمشي بيها بماتورها بس خلي بالك لو المياكنيكي مبيفهمش يبقى هتتكلف اكتر ما هتسقط ماتور جديد
2. تشوف الرادياتير وتكشف عليه وتسلكه ولو صغير ممكن تزوده بواحد اكبر 3 ماسورة الماني ده في حال ان القديم مكتوم او مش مظبوط
3. لو السخونية سببها حاجة في الماتور المفروض ان الميكانيكي هيعرفها لو بيفهم
4. لو عاوز تريح دماغك من القرف وتخلص خالص وتسقط ماتور يبقى خيار من اثنين يا تجيبه من اي حد بتاع استيراد في محل اقامتك علشان السفر والبهدله يا اما تنزل بورسعيد وده اقتراح الاخوة الافاضل والحكمة منه ان بورسعيد مليانه تعديل سيارات وفيها جميع المواتير لطبيعتها الاقتصادية من ايام الجمارك وفيه هناك كل حاجة من الابرة للصاروخ وكمان فيه ورش كويسة واعتقد الصديق حسام البورسعيدي يقدر يفيك اكتر مننا في موضوع الورش ده وفي نفس الوقت تقدر تبيع الماتور القديم هناك وتدخل ثمنه في الجديد
5. الماتور اللي هيتسقط عندك ايا كان نوعه من الافضل يجي بالفتيس بتاعه علشان نسب السرعات الا لو هتجيب الماتور نفس اللي عندك بالضبط يبقى مش محتاج تغيير الفتيس الا لو فيه مشكلة في القديم
6. بما ان العربية حوضها زي 128 يبقى ينفع يتسقط عليها كل المواتير اللي تنفع تتسقط على 128
7 . اي ماتور من ماركة فيات ينفع يتسقط على عربيتك ويترخص في المرور بس قبل ما تروح تشتري اوصل مشوار للمرور اسأل هناك علشان تبقى رايح وانت مطمن ومتنساش وانت بتجيب الماتور من اي مكان تجيب معاه الافراج الجمركي بتاعه علشان الترخيص في المرور )
8. اقتراحات المواتير اللي قلنالك عليها قلناها على اساس انك تقرر براحتك عاوز تعمل ايه لان ممكن تكون عاوز تعلى الاداء والسرعة وفي الحالة دي هتتطلب تعمل الحاجات الي قلنا عليها لو اني من راي مهندس سمير ان بلاش تعديل كتير ويكفي التقويات للشاسية تحسبا للتهالك بتاعه بسبب الزمن
9. لما حد يقولك على اختيارات عالية زي ريجاتا 1500 او 1600 انجكشن ده بيكون لان المواتير دي ينفع يركبها تكييف وبالتالي لو في يوم قررت انك تركب تكييف للعربية يبقى تغير التابلوة وتركب تكييف لكن المشكلة ان الماتور نفسه هيبقى عاوز تدعيم للشاسية ودي نقطة انت مش حاببها ( وانا كمان ) يبقى تخلينا في مواتير فيات وريتمو 1300 والفرق بينهم وبين ماتورك مش كتير خصوصا ان محدش عارف اذا كان 1100 او 1300 ( مع ان المفروض الكلام ده مثبت في الرخصة )
10 حدد انت في أي مكان بالضبط علشان اللي يدخل وعاوز يدلك على حاجة يقدر يقولك لو يعرف سواء مياكينكي او قطع غيار
11 انا تحت امرك في اي استشارة (في حدود علمي ) طبعا فيه ناس متخصصة اكتر مني في المنتدي تقدر تقول رأيهم افضل مني بكثير ويقولولك على الخلاصة

[Tarekyusry]

ماشى الحال وينفع

طالما بنفس القدره والسعه اللتريه وأبعاد قواعد موتور عربيتك __________________