تشترى موديل 2010 ولا موديل 2011 .. للمناقشه من أجل الصالح العام

[AbOnOrA]

انا كان لى تجربة مع البرايد بتاعتى اشتريتها فى فبراير 2007 وهى موديل 2006 وكانت فعلاً متخزنة بشكل سىء لان توكيل الامل من اسوء التوكيلات بس مفيش حاجة مؤثرة فى العربيه على مدى استخدامى ليها سنين لحد دلوقتى
انا اول ما جبتها غيرت الزيوت والفلاتر والسؤائل مقابلتنيش مشاكل تخزين غير فى الكاوتش والبطارية

[Mohamed Elhasafy]

أحياناً يكون موديل السنة إتعمل له فيس ليفت و مش عاجبك فتكون مضطر تشترى موديل السنة السابقة
الكارثة بقى إنه يكون خلص!...

[kimocyc]

المشاركة الأصلية كتبت بواسطة samirayad هى دى إللى أنا عاوزها نعم كله زيرو بس مش كله ماشى ولا بنفس الكفاءه فهناك فرق فهل تستوى السياره المخزنه عام كامل بالسياره المجمعه من أسبوع مثلا هنا بأه السؤال ..........؟ وإجابته بالطبع لا .......... لأنه هناك أصول وقواعد يجب أن تتبع عند تخزين السياره لمده أكثر من ستة شهور وإلا كفاءتها بتقل فنيا ويمكن مانلاحظهاش أوى سواء من جهة المكنه أو من جهة عناصر التحميل زى رولمان البلى الموجود بالمكونات المختلفه بالسياره

طب وإيه اللي حيعرفني إنها مش 2010 ومغيريين الورق في الإفراج الجمركي ؟؟ شركات كتيييييير بتعملها..

وشكرا للموضوع يا هندسة

[markio]

رايي الشخصى بقول ان موديل 2011 احسن لكذا سبب ,, اولا اعتبر فرق السعر كده كده انك حطيت بيه بنزين او عملت بيه اى حاجه من تظبيطات زياده لان الفرق بيكون مش كبير اوى يعنى بيكون رينج معقول مش بنختلف عليه ... ثانيا بقى اللى خلى العربيه تقعد عند الوكيل سنه كامله معنى كده الاقبال عليها قليل عن توقعات الوكيل اللى هو اصلا عارف متطلبات السوق كويس جداا و مش هيجيب حاجه يخسر فيها الا غصب عنه بمعنى اصح الوكيل بيكون عايز انه يخلص من العربيه بسرعه اكتر ,, ثالثا هتفرق فالخامات اللى مصنوعه منها العربيه مع ان هى ممكن تكون نفس الخامات بس كفائتها و عمرها الافتراضى فالموديل الجديد هيكون اكتر و يعيش معاك ...
فرضا انك عايز العربيه عشان تعيش معاك فتره كبيره :: يبقى هتشترى موديل لعربيه 2011 هيفضل عايش كعمر افتراضى للعربيه كالحاله الجديده لحد 2016 و كخمس سنين تصنيع للسياره ,, انما لو عربيه موديل 2010 هيكون عمرها الافتراضى 5 سنين يعنى على 2015 ,, و هنا فى فرق سنه زياده منهم بتحس بفرق ما بين سياره 2010 و سياره 2011 ....
و طبعا لو فى حاله انك بتغير السياره كتير يبقى تشترى الموديل الجديد عشان فسعر البيع متخسرش فيه كتير ..
و بالتوفيق ان شاء الله

[Mohamed Elhasafy]

المشكلة الحقيقية إن لو مكان التخزين فى العراء يبقى الكاوتش كده ضاع
و لو فترة التخزين كبيرة ... يبقى البطارية هتسلم على الكاوتش
زى ما حصل مع أبو نورا