انا عايز رايكم فى عربية 128 بالله عليكم

[mr_astra]

الاتنين معايا عاوز راى ابعد عن الريجاتا حاجتها غالية اوى لانها مش موجودة اة عربية تثيلة وثابتة على الارض وشكل وتكييف بس تعور فى الاكسسوارات بتعها ثم ان لو انا معايا 23 الف تفكيرى هايختلف خالص هافكر اركب يابانى او كورى

[manooo80]

طيب يابانى وكورى زى ايه بالظبط ؟؟

[الدكتور عمرو]

المشاركة الأصلية كتبت بواسطة manooo80 السلام عليكم ورحمة الله وبركاته انا عاييز ردكم فى العربيه 128 انا دلوقتى معايا فى حدود 16500 ممكن بيهم اجيب عربية 128 كويسه انا اول مره اشترى عربيه وعايز عربيه متقرفنيش مش كل شوية عند المكانيكى وكده اركبها وادور وامشى وبس ولا انتوا متنصحوني اركب 128 اصلا بصراحه عايز نصيحة الناس اهل الخبره والناس اللى راكبين 128 ولو الفلوس دى متجبش 128 كام بالظبط يجيب 128 كويسه ؟ وربنا يكرم ويبارك للى هيرد عليا ولو باى نصيحه

أنا لي نفس المشكلة وممكن أدفع لحد 25000 وسألت أكثر من واحد وكل واحد منهم نصحني بحاجة مرة لادا موديل94 بـ 22 ألف ومرة لادا موديل 2007 بـ 27 ألف وكلاهما بحالة جيدة جدا ومرة 128 موديل 76 بـ 13 ألف ومرة ريجاتا موديل 86 بـ 23 ألف وأخيرا تويوتا كرولا82 خليجي بـ 22 ألف
وفيه واحد جاب لي مازدا 929 بس الفجاوي كلها رايحة البرومة أكلتها وفيها شوية شغل ممكن لحد ألفين جنيه وسعرها حوالي 18 ألف
وبصراحة لا زلت في مرحلة الاختيار للآن
فما رأيكم في الأنواع والأسعار دي كلها؟

بالمناسبة سمعت أن أسعار السيارات نازلة ومع ذلك مش عارف الناس معليه الأسعار الأيام دي ليه؟

[mr_astra]

المشاركة الأصلية كتبت بواسطة manooo80 طيب يابانى وكورى زى ايه بالظبط ؟؟

زى مازدا 323 عربية زى الفل ما شاء الله عليها كنت بروح بيها اخر الدنيا وارجع فى نفس اليوم فعلا اليابانى يابانى

[johnny161094]

انا برضو بقول مازدا 323 العربية قوية و حلوة اوي و انعم بكتير من ال128 و قطع غيار متوفرة لحد ما و رخيصة مش غالية و ربنا يوفققك