الحمد لله إشتريت لانسر بومة 2007 وهذه تجربتى

[Devill Blood]

المشاركة الأصلية كتبت بواسطة hamada_amg اولا مبروك عليك يا فندم العربيه الجديده و ربنا يارب يكفيك شرها و يديلك خيرها ان شاء الله سبب ردي عليك انى كنت من حوالى 3 سنين محتار زيك كده فممكن افيدك فى شويه حاجات و هى : بص اولا تطلع على مكانيكي يكون مضمون و تكون شفت ناس معاها لانسر شكرت فيه و اهم حاجه تحس انه بيفهم مش بيقول اى كلام و خلاص تروحله تقوله انا شاري جديد و عايز ابص على الماكنه و سيبه يجرب و يقولك ايه الكلام برده عشان تختبره و تعمل كلاتى 1- تغير البوجيهات و بيركب ليها دينسون 3 شمعه او NJK 3 شمعه برده و الدينسون هو النوع اللى بينزل فيها اصلا 2- تطلع فلتر الهوا و تبص عليه لو مش نضيف انفخه هوا و نضفه هوا بس اوعى تغسله و لو عايز يتغير الاصلى بتاعها بيعمل 180 جنيه تقريبا 3- عندك 2 سير فى العربيه مهمين اولهم الكاتينه و تانيهم الدينمو و طالما العربيه ماشيه كتير لازم ولابد تبص عليهم سير الكاتينه لو لقيته معلم من الضهر غيره على طول حتى لو قالك مش لازم يتغير برده غيره و بيعمل حوالى 120 جنيه و لو غيرته على طول تغير سير الدينامو معاه و هو رخيص مش غالى بس مش فاكر بكام بالظبط 4- تغير زيت الماكنه و تعاير زيت الفتيس و لو ناقص زوده 5- تبص على التيل بتاع الفرامل الادمانى مليان و لا فاضي لو فاضي الاصلي بتاعها بيعمل 320 جنيه و ترجلش التيل اللى ورا لانه فى الغالب هيكون لسه سليم كده تبقى خلصت عمو الميكانيكي و قبل طبعا ما تحاسبه تطلع تركب عربيتك و تعمل كالاتى بالظبط تدور و تقف على n و تقفل الازاز و تشغل التكييف و تشوف العربيه بتتهز و لا ثابته و بعدها تطلع على الD و تشوف برده ايه الكلام و بعدين تقفل التكييف و تجرب سحب العربيه مش السرعه يعني فى الطلعه من 0 الى 60 عامله ازاى ناعمه و لا لا ؟ بتسحب و لا لا ؟ و لو فى اى حاجه غريبه هتحس بيها و تفرمل و تشوف فراملك تمام و لا عجله بتمسك قبل عجله و لا بتزحف و لا ايه لو تمام ترجع تحاسب عمو الميكانيكي و تمشي ندخل على العفشه بقى برده تسال عن حداد كويس و مضمون و تقوم جاي فى شارع مدغدغ و مطبات عاليه وواطيه و تقفل الازاز خالص و تمشي بالراحه و تحاول تسمع اى صوت غير طبيعي زي مثلا خبطه فى الدواسه او زنه او خشانه ملقتش تجري شويه اسرع و تشوف ملقتش اى صوت يبقى تنسى العفشجى و تفكك منه لو لقيت بقى تروحله تقوله انا بسمع صوت كذا فى السرعه كذا ضيعه و قبلها ابقى قولى لو سمعت صوت و انا اقولك ده من ايه و كده يبقى انت تمام و زي الفل و العربيه تمام ولو عايز نصيحتى خد يا عم اولا تحافظ على غيار الزيت بمواعيده بالظبط يعني ماتمشيش كيلوات اكتر على الزيت بالعكس غيره قبل ما يخلص روح اليابانى زيت و كاوتش حاول بقدر الامكان ان تكون كل حاجه فى الماكنه او العفشه هى الحاجه الاصلى حتى لو لقيتها غاليه شويه مش مهم لان تمنها فيها و هتعمر اكتر من اى نوع تانى و ربنا يباركلك فيها يارب و يكفيك شرها و اي سؤال انا موجود ان شاء الله

كفيت ووفيت شكرا لك اخى العزيز بالنسبة لأسنهلاك البنزين هى إتوماتيك مثلا أنا أخدتها من المنصورة لرأس البر ومن رأس البر للمنصورة مع اللف الداخلى فى كلا البلدان عملت معايا صفيحة فهل ده كويس هو الطريق رايح 69 كيلو وجاى 69 كيلو يعنى يعنى نقول حوالى 150 كيلو ونصف الطريق تكييف على 4

العربية ناعمة جدا لكن بحس لما بمشى على أرض وعره يعنى بايظة خالص بصوت تحت العربية كأنها تقطيم بس صوت مش يتسمع خالص بل يتحس هو بسيط خالص

أنا أتصلت بصاحب العربية وقلت له على السيور قالى إنه غير كل السيور فى صيانة ال80 ألف وهى دلوقتى 100 ألف كيلو وبفلتر البنزين بعدها بشوية

بس برضه أنا عايز أروح مركز صيانة معتمد ومش يكون بعيد عنى أوى مش عارف بقى فى الدقهلية ولا لا ومش عايز أروح لصنايعى عكاك وكل الصنايعية عندنا حمير حتى ال128 بيخربوها

[mkotp2009]

مبروك و ربنا يبارك لك فيها. لا أعتقد أن فيها ABS لأن لو فيها هتنور لمبة في التابلوه لما تدور العربية و أعتقد إن ِABS بتنزل في 1600 الفول أوبشن بس
و يا ريت تغير زيت الجير لإنه مهم جدا جدا للحفاظ علي الجير الأوتوماتيك و هات الأصلي من التوكيل جركن أزرق ماركة ميتسوبيشي ياباني غالي شوية بس يستاهل لإنه بيتغير كل فترة طويلة و زي ما قلت العربية ماشية كتير

[mahranahm]

مبروك يت برنس وعقبالنا ربنا يباركلك فيها ويكفيك شرها

[Devill Blood]

المشاركة الأصلية كتبت بواسطة mkotp2009 مبروك و ربنا يبارك لك فيها. لا أعتقد أن فيها ABS لأن لو فيها هتنور لمبة في التابلوه لما تدور العربية و أعتقد إن ِABS بتنزل في 1600 الفول أوبشن بس و يا ريت تغير زيت الجير لإنه مهم جدا جدا للحفاظ علي الجير الأوتوماتيك و هات الأصلي من التوكيل جركن أزرق ماركة ميتسوبيشي ياباني غالي شوية بس يستاهل لإنه بيتغير كل فترة طويلة و زي ما قلت العربية ماشية كتير

طيب مش ممكن ألاقيه بره التوكيل لأنى من المنصورة ده مشوار سخن جدا
وسوؤال تانى تنصحنى بأى نوع من زيوت المحركات
وسؤال تانى متى يتم تغيير فلتر البنزين الراجل مغيره من حوالى 20 ألف
وهل فيه أنواع تانية موجودة بره التوكيل هل الفكرة مش الفلوس هى الفكرة المشوار المعقد ده

[dr_youssifomar]

الا حضرتك اشتريتها بكام انا محتار ما بين لانسر وياريس اوتوماتك