احصائية تهم الجميع عن البنزين

[harani]

المشاركة الأصلية كتبت بواسطة Devill Blood كلام سليم جدا يعنى لو معايا عربية 1300 سى سى كفاية 80؟ وياريت تقولى سعر البنزين 90 يعنى أنا بروح افول التنك ب 30 جنية 80 طيب لو 90 يبقى كام؟

مع احترامي لك كلامك مش مضبوط
بدليل الانسر 1300 سي سي مينفعش 80 و البيجو 504 سعة موتورها 2000 سي سي ينفع 80
معنى كدة انه مش تبع السي سي نحدد نوع البنزين

[احمد على 1999]

رقم الاوكتان octane no دلالة على قدرة تحمل الوقود للضغط و الحرارة قبل ان ينفجر من تلقاء نفسه فى ظاهرة تسمى ال pre ignition
و كل ماتور حسب تصميمه له نسبة انضغاط
يعنى مثلا لما المكبس يشفط الهواء من الجو المحيط (الضغط = 1 بار) و بعدين يكبسه يوصله ل 9 بار يبقى نسبة الانضغاط هى 9:1 و طبعا حترتفع درجة الحرارة ايضا نتيجة لزيادة الضغط و نتيجة لسخونة المحرك الطبيعية الموجودة اصلا
فلو كان البنزين 80 و لم يتحمل هذا الضغط و الحرارة و انفجر قبل عمل البوجيه (طبعا باجزاء من الثانية) فستتولد موجة انفجارية و بعدها بجزء من الثانية يعمل البوجيه فيولد موجة انجارية ( الى هى طبيعية) فتتقابل الموجتين مسببة صوت قوى (طرقعة) فى ظاهرة تسمى بظاهرة الصفع (التسقيف) knocking او pinging و هذا يوئثر بالسلب على الاسطح الداخلية للمحرك مثل وش السيلندر و يقلل من عمره الافتراضى
يعنى الخلاصة لو العربية سقفت بسبب ال80 (بس تكون الكهرباء مظبوطة و نظم تخفيض الانبعاثات مظبوطة egrv يعنى كل حاجة سليمة فى العربية) جرب 90 لو سقفت جرب 92 لو سقفت جرب 95 لو سقفت سقف انت كمان لان كدة يبقى اكيد فى حاجة مش مظبوطة فى الماتور ( الحرارة بتعلى عن الطبيعى ، الكهرباء مش مظبوطة ، المدى الحرارى للبوجيهات مش صحيح ، ال EGR مفصول او بايظ ..... و اسباب تانية كتير)
لكن لو مسقفت فى ال 80 يبقى لو حطيت اعلى يبقى انت ما بتستفيدش من الفرق ده و حتضيع فلوسك على الفاضى

[mesho70]

- الاكسنت 1300 كاربرتير كنت بحط بنزين 90 واحياننا ً 92 لما بلاقية

- الفيرنا 1600 بنزين 92 لما بحط 90 العربية بتكركر خصوصا ً عالمطبات

- لانسر 2010 و 1600 سى سى خليجى مكتوب على غطاء التنك 95

لكنى بحط دائما ً بنزين 92 واحياننا ً فالسفر مش بلاقية وبحط 90 ( مش كتير )

ومحصلش اى حاجة و العربية على الاثنين ماشية مظبوطة والحمد لله

[william frances]

انا معايا اكسيل 97 1300 بحطلها 80 مبهدلها و مخليها بتدى افانس زياده و حاجه قرف احطلها 90 تمشى زى الفل و بتسحب و كلو تمام

[احمد على 1999]

على فكرة ممكن تحط بنزين 81 او 82 83 84 85 لغاية 92 93 94 95 و ذلك بالتحكم فى نسب خلط الوقود
مثلا 20 لتر 80 + 20 لتر 92 = 40 لتر 86 (متوسط الاثنين)
او 10 لتر 80 + 30 لتر 90 = ((10 * 80 ) + ( 30 * 90 )) مقسوم على (10+30) = (800+2700) / 40=3500 / 40 = 87.5