البنزين ( خير الكلام ما قل و دل )

[m_o_sakr]

تسلم ايدك يا برو و بالنسبه للانوس يفضل تحطلها 92 خاصهً داخل البلد

[m_o_sakr]

المشاركة الأصلية كتبت بواسطة ahmedciw معلش سؤال خارج عن الموضوع شوية ممكن اعرف يعيني نسبة الانضغاط بالانجليزي عشان ادور على النسبة الخاصة بعربيتي

Compression ratio

[Gamed]

خير البنزين ما قل و كفى

[negmelpahr]

انا اسف يا رجاله هاختلف معاكم اختلاف جامد حبتين كله عمال يتكلم بنزين ونسبه انضغاط وكلام معقد كدا شويه هههههههههههه
انا هاتكلم بمنطق تاني انا تانك عربيتي 40 ليتر بنزين 80 بفول ب 38 جنيه البنزين بيقعد في العربيه لانه مش بيطير او يتحرق بسرعه كل اللي عملته اني زودت كهربه العربيه شويه ولا كان في فرق
البنزين ال 90 بفول ب 70 جنيييييييه حرااااااااااااااااااام
اصلا كارباتير عربيتي كله ب 400 جنيه
يبقي احط 80 ولا 90 طالما العربيه ماشيه ب 80 ومافيش مشكله خلاص يا معلم احط 90 ليه ولا 95

[حازم شاهين]

المشاركة الأصلية كتبت بواسطة pro mada بسم الله الرحمن الرحيم في الموضوع ده يا جماعه هتكلم عن البنزين و انواعه و كل ما يخص البنزين اولا : انواع البنزين : كما هو معروف للجميع انواع البنزين المتوافره في مصر هي 80 و 90 و 92 و 95 ( ده مش موجود في كل محطات البنزين ) كل ما الرقم الاوكتاني يزيد نسبه الرصاص بتقل ( علاقه عكسيه ) يعني بنزين 80 في كميه رصاص عاليه و بنزين 90 في كميه رصاص اقل من بنزين 80 و هكذا و دلوقتي في امريكا في بنزين 98 و بنزين 102 ( خياااااااااال ) و بنزين 95 خلاص راحت عليه في امريكا و الناس اللي بتقول بوفر لما احط بنزين 80 هقولهم انتوا غلطانين ...... طب ليه ؟؟؟؟؟؟ 1- كميه الرصاص العاليه بتبوظ الرداخ 2- كميه الرصاص العاليه بتبوظ مكربن المحرك و بعد النقطتين اللي فاتوا احب اقول اللي هتوفروا في تمن البنزين هتدفعه في تغيير الرداخ و المكربن و ما خفي كان اعظم و طبعا العربيات القديمه هي اللي ممكن تسمح باستخدام بنزين 80 لان ( شرح مبسط ) ببساطه ايام ما جت مصر ماكنش فيها بنزين 92 و 95 ويمكن مكنش في بنزين 90 كمان ... مثلا عربيه ريتمو موديل 1983 من سنه 83 لغايه الوقت ده بتستخدم بنزين 80 و مبيحصلهاش حاجه ليه ؟؟؟؟؟؟ عشان هي مصصمه لاستخدام السولار هههههههههه قصدي بنزين 80 لان مكنش في غيره ايام التمانينات و يمكن التسعينات و طبعا نسبه الانضغاط ( وهو ده السبب العلمي ) بتسمح باستخدام بنزين 80 ثانيا : نسبه الانضغاط : نسبه الانضغاط هي اللي بتحدد البنزين اللي لازم ( ركزوا في كلمه لازم دي ) نستخدمه نسبه الانضغاط من 1 : 9.5 يبقي ممكن ( بقول ممكن ) نستخدم بنزين 80 ( في العربيات القديمه ) نسبه الانضغاط من 1 : 10 يبقي لازم نستخدم بنزين 92 او بنزين 95 ( في العربيات الحديثه ) و اخيرا الرينو لوجان نسبه الانضغاط فيها ( علي ما سمعت ) من 1 : 9.5 فممكن يستخدم بنزين 80 بس نصيحه بلاش عشان دي عربيه حديثه و كمان لو تم استخدام بنزين 90 علي الاقل هيخلي اداء العربيه افضل و مستني اراءكوا و انا عارف ان في موضوعات كتيره عن البنزين بس انا كاتب الموضوع ده بطريقه مبسطه مع بعض الكلام العلمي عشان توصل المعلومه بطريقه سهله للناس اللي مش عارفين المعلومات دي

الكلام الموضوع تحته خط غير دقيق و غير سليم بالمرة

حيث أن شركات البترول فى الماضى كانت تلجأ لإضافة مركب رخيص و هو رابع إيثيل الرصاص Pb(C2H5)4 لزيادة الرقم الأوكتانيبدون التأثير على التكلفة وعُمل بة لفترة من الزمن ولكن بدأت أثارة البيئية تظهر ولذلك أوجد البديل فيما بعد وهو ميثيل ثلاثي بيوتيل أيثر (M.T.B.E)

للتعرف على معلومات كافية و دقيقة عن أنواع البنزين و الفرق بين الأنواع المختلفة و تعريف نسبة الإنضغاط يمكنكم الإطلاع على الموضوع الرائع الموجود فى منتدى مصر موتورز من حوالى عام

أنواع البنزين وعلاقتها بنسبة إنضغاط المحرك = Gasoline Octane number And Engine CR

و أيضا يوجد موضوع أخر جيد فى منتدى مصر موتورز أيضا

الفرق بين أنواع البنزين

و شكرا لبرومادا على مجهوداته و نشاطه