كيا سيراتو 2009 ولا هوندا سيتي 2009

[night_man_vip]

موضوع حلو جدا .. انا عندى نفس الحيره بتعتك . عايز اجيب عربيه فى حدود 120000 و مش عارف اجيب ايه .. بس الكل بصراحه رشحلى السيراتو علشان نفس الاسباب اللى ذكروها الازملاء الاعزاء ... علشان كده ان نويت علي السيراتو ان شاء الله ....
بس يا رايت لو حد فعلا اشترها او جربها يقولنا ايه اللى عجبوا و ايه اللى مش عاجبوا فيها !! و شكرا

[hamdymsr]

ممكن اشترك معاكم فى الحوار الجميل ده ؟

أولا ... انا شوفت العربيتين دول اكتر من مرة فى اكتر من معرض مختلف بصراحة اكتر العربيتين اجمل من بعض ...

نتكلم فى الأول عن السيتى:
السيتى 1500 و بتطلع 118 حصان
السيراتوا 1600 وبتطلع 124 حصان

رأى الشخصى طبعا واضحة من غير جدال مكنة السيتى اقوى مع انها اقل فى السعة اللترية

السيتى يابانى تقفيل تايلاندى
السيراتوا كورى 100 %

الفئة...
طبعا السيتى فئة اقل من السيراتوا ومع كده لما تشوف المقارانات بالأرقام هتلاقى ان السيتى اكبر من جوة فى الصالون يعنى بالظبط فى الكنبة الخلفية هتلاقى السيتى اكبر بحوالى 3 سم وكمان شنطة الستى هتلاقيها اكبر من السيراتوا

الخامات
طبعا بلاشك خامات السيتى افضل بكتير من السيراتوا من ناحية كل حاجة

1- الأجزاء البلاستيكية فى السيتى مش هتحسها زى السيراتوا
2- الفرش فى السيتى ووتر بروف ولية نقشة خاصة اما فى السيراتوا هتلاقى فرش مخمل وفرش جلد حسب الفئة
3-بص بقى على حوض الموتور هتلاقية منظم جدا فى السيتى وكمان فى فراغات كبيرة حوالين الماتور ... السيراتوا برضة منظم بس مش بنفس الطريقة هتحس ان الماتور واخد الحوض كلة ومش باين منة حاجة
4- الباور بتاع السيتى كهربائى اما فى السيراتوا ميكانيكى
5- الفتيس فى السيتى اتوماتيك عادى 5 نقلات اما السيراتوا ستيب ترونيك 4 نقلات

الأنطباع الأول لما تركب كل عربية على حده

السيتى ... افتح الباب كده واقفلوة تانى هتحس انوا باب محترم وقفلتة تقيلة
السيراتوا.. برضوا افتح الباب كده واقفلوا هتحس ان الباب خفيف وقفلتة شبة قفلت باب عربيتى الصينى

ادخل بقى واقعد جوة العربية واقفل الباب عليك هتلاقى العزل ممتاز فى العربيتين ومش هتلاقى نفسك سامع الصوت الخارجى بس الأحساس ده هتلاقية بصراحة اكتر شوية فى السيتى عن السيراتوا.
استهلاك البنزين براضوا هتلاقية فى صالح السيتى
طبعا هتلاقينى فى كلامى ميال للسيتى عن السيراتوا بصراحة اينعم حقيقى لأن اللى شاف غير اللى ما شافش .... انا حاولت انقلك وجهة نظرى وطبعا الأختيار فى الأول والآخر بتاعك انت ... وفى نقطة لازم تاخود بلك منها ان السيراتوا مليانة كماليات والسيتى اللى نازلة مصر كماليتها اقل يعنى مفيش جنوط ولا فوج لايت ولا مفتاح ريموت.

[ELGABRY]

ميدئيا ربنا يوفقك فى الاختيار
بس انا شايف من كلام الاخوه الاعضاء ان اللى بيخلى كفه السيتى تبقى اقل من السيراتو الصيانه وقطه الغيار
العربيه جديده يعنى صيانتها فى التوكيل وقطع غيارها فى التوكيل واللى بيركب عربيه حلوه لازم يدفع
السيتى افضل من وجهة نظرى وربنا يوفقك

[m_o_sakr]

المشاركة الأصلية كتبت بواسطة hamdymsr ممكن اشترك معاكم فى الحوار الجميل ده ؟ ده شرف ليناptmnlo123per1147 أولا ... انا شوفت العربيتين دول اكتر من مرة فى اكتر من معرض مختلف بصراحة اكتر العربيتين اجمل من بعض ... انا كمان نتكلم فى الأول عن السيتى: السيتى 1500 و بتطلع 118 حصان السيراتوا 1600 وبتطلع 124 حصان السيتى 117 حصان عند6600لفه وعزم 144ن/م عند 4800لفه على حسب بيانات موقع هوندا http://automobiles.honda.com/fit/specifications.aspx السيراتو 124 حصان عند 6300لفه و عزم 156ن/م عند 4200لفه رأى الشخصى طبعا واضحة من غير جدال مكنة السيتى اقوى مع انها اقل فى السعة اللترية انا شايف ان موتور السيراتو اقوى و عند عدد لفات اقل (افضل) ptmnlo123per1126 السيتى يابانى تقفيل تايلاندى السيراتوا كورى 100 % كلام سليم ptmnlo123per171 الفئة... طبعا السيتى فئة اقل من السيراتوا ومع كده لما تشوف المقارانات بالأرقام هتلاقى ان السيتى اكبر من جوة فى الصالون يعنى بالظبط فى الكنبة الخلفية هتلاقى السيتى اكبر بحوالى 3 سم وكمان شنطة الستى هتلاقيها اكبر من السيراتوا طول السيتى 4395 و السيراتو 4530 قاعده عجلات السيتى 2550 و السيراتو 2650 عرض السيتى 1715 و السيراتو 1775 سعة الشنطه فى السيتى 506لتر و السيراتو 415لتر انا كده شايف السيراتو اطول واعرض و اوسع بالارقام و عن تجربه (انا و اصحابى - اكثر من مره) ptmnlo123per135 و السيتى شنطه اكبر ptmnlo123per144 الخامات طبعا بلاشك خامات السيتى افضل بكتير من السيراتوا من ناحية كل حاجة 1- الأجزاء البلاستيكية فى السيتى مش هتحسها زى السيراتوا 2- الفرش فى السيتى ووتر بروف ولية نقشة خاصة اما فى السيراتوا هتلاقى فرش مخمل وفرش جلد حسب الفئة 1 و 2: لما تقارن السيتى 118الف بالسيراتو 119الف Sx تلاقى خامات السيراتو احسن و كماليات اكتر بكتييييييييير ptmnlo123per1126 بس لو قارنت السيتى بالسيراتو lx او Ex (من 96الف الى 109الف) تلاقى السيتى احسن 3-بص بقى على حوض الموتور هتلاقية منظم جدا فى السيتى وكمان فى فراغات كبيرة حوالين الماتور ... السيراتوا برضة منظم بس مش بنفس الطريقة هتحس ان الماتور واخد الحوض كلة ومش باين منة حاجة 3: متفق معاك ,بس مش مهم يعنى المساحه الفاضيه حوالين الموتور ولا شكل الموتور ptmnlo123per123 4- الباور بتاع السيتى كهربائى اما فى السيراتوا ميكانيكى 5- الفتيس فى السيتى اتوماتيك عادى 5 نقلات اما السيراتوا ستيب ترونيك 4 نقلات 4 و 5: متفق معاك ولكن اداء السيراتو ايضاً جيد ptmnlo123per112 الأنطباع الأول لما تركب كل عربية على حده السيتى ... افتح الباب كده واقفلوة تانى هتحس انوا باب محترم وقفلتة تقيلة تمام مختلفناش فى دى السيراتوا.. برضوا افتح الباب كده واقفلوا هتحس ان الباب خفيف وقفلتة شبة قفلت باب عربيتى الصينى بصراحه كلامك فى دى مش تمام (يا راجل حرام عليك) ادخل بقى واقعد جوة العربية واقفل الباب عليك هتلاقى العزل ممتاز فى العربيتين ومش هتلاقى نفسك سامع الصوت الخارجى بس الأحساس ده هتلاقية بصراحة اكتر شوية فى السيتى عن السيراتوا. الإتنين ممتازين و الإتنين مش حتسمع حاجه خالص من بره, كلام سليم بس ازاى بعد الكلام السليم ده يكون واحده عزلها احسن!! استهلاك البنزين براضوا هتلاقية فى صالح السيتى عندك حق فى الموضوع ده طبعا هتلاقينى فى كلامى ميال للسيتى عن السيراتوا بصراحة اينعم حقيقى لأن اللى شاف غير اللى ما شافش .... انا حاولت انقلك وجهة نظرى وطبعا الأختيار فى الأول والآخر بتاعك انت ... وفى نقطة لازم تاخود بلك منها ان السيراتوا مليانة كماليات والسيتى اللى نازلة مصر كماليتها اقل يعنى مفيش جنوط ولا فوج لايت ولا مفتاح ريموت.

خلاصه الكلام: من وجهة نظرى السيراتو تكسب

[abo adhm]

الله ينور عليك يا اوسكار --- وبعدين الكوري والياباني واحد مفيش فرق يا راجل هو في حاجه بتتعمل في اليابان الفولكس مش في بلادها ---- وبعدين بص في السوق الانوس بقي ليها قد ايه في السوق ولسه ثابته وجودها ----