احذر نيسان صني

[Eid Rabie]

سلام الله عليكم

المفروض ان نيسان كانت تتصل يوم الخميس بس للاسف محصلش رحت مكلمهم الانسة ردبت عليا قالتيلي هابعت استعجل الرد وهنرد عليك من الساعة 2 للساعة 6
المهم لحد الساعة 6:30 مفيش حد اتصل فاتصلت انا وبصراحة كلمتهم بنرفزة شوية وقلتلهم انكم مش بتحترموا العملا بتوعكوا وانكم لو مرديتوش هاعمل شكوي لنيسان اليابان وهاروح لجهاز حماية المستهلك وهارفع قضية علي نيسان عشان استخفافكم بالعملا ومشاكلهم المهم هما يا فندم احنا اسفين جدا وطمعانين في كرم حضرتك تستني لحد يوم السبت

يوم السبت موضوع عدم الاتصال اتكرر فاتصلت انا ودخلت فيهم شمال بس بادب برضه قالولي والله يافندم المسؤلين اجازة جمعة وسبت واحنا اخرنا بكرة عشان نرد علي الشكوي

المهم النهاردة الساعة 10:20 اتصل بيا مهندس من مودرن موتورز وقالي يافندم حضرتك ممكن تشرفنا عشان نغيرعالتيل قولتله الله اعلم الطنابير ممكون في مشكلة ولا لاء فقالي يافندم لو محتاجة تتغير هانغيرها هي كمان ان شاء الله

الخلاصة اننا لازم نطالب بحقنا واحنا متاكدين انا دا حقنا مش حد بيمن علينا

ونكمل المرة الجاية ان شاء الله

[meno elsaher]

هما حضرتك العباقرة المصريين المفروض مايجمعوش عربيات تانى لانهم فااااااااااشلووووون
تماااااااما وانا مش عارف ازاى شركات زى هيونداى ونيسان تخللى المصرييين يجمعولهم عربيات والمفروض ماحدش يشترى عربية متجمعة فى مصر لانة هايكرة نفسة ويكرهة العربية
اللى المفروض يكون فرحان بيها ويتمتع بيها مش كل شوية يلاقى مشاكل مالهاش حل

المشاركة الأصلية كتبت بواسطة conwaydiver العيب علي الحكومة البايظة اللي تسمح باللي بيحصل ده لاولادها اللي فعلا طالع طايلمان ابوهم في الفلوس دي الوكيل مش بيخاف لان في حكومة بتساعده طبعا وقعدنا نقول محدش يشتري محدش يشتري خليها صدي خليها تصدي وانتو بردو رايحين تشتروها عربية زي دي اخت النيسان فيرسا في امريكا بالظبط نفس الشكل وتمنها هناك 13000 دولار ولو اخدتها ولقيت المصيبة دي والله ترجعها وتاخد واحدة جديدة لكن هنا بتاخدها بالغالي زي الضرب علي الافه ومعيوبة ولو قولتله فيها حاجة يقولك خد شوية بنزين من التنك وولع بيهم في نفسك الغلط مش عليهم الغلط كله عندنا احنا اسف والله يا صاحب المشكله قلبي معاك بس انا لو منك ارفع قضايا واعمل محاضر واعمل هوليله كبيرة وشوية بلطجه وتكسير في التوكيل اللي بيجيب العربية مع شوية سياح هتصرف شوية لكن هتلاقي نارك بردت شوية ويارب اصحاب التوكيلات يتعلمو ويارب اللي بيشترو يبطلو شري عشان لازم وقفة للموضوع ده

:fun_ 36_3_11[1]:

[Eid Rabie]

الحمد لله تم تغييرالتيل والطنابير امامي شكرا نيسان

[Pope2000666]

السيارة خارجة من المصنع معيبة بخامات سيءة واللي عاوز يغير علي حسابه نفس النوعية البايظة الفرامل والماستر وعوامة البنزين والصاج الخفيف ورولمان البلي الهندي الرديء والفبر اسفل الزجاج الامامي قرضه فار لانه خفيف ودمر سيارتي اذهب مودرن موتورز الهايكستب واتفرج عليها بقت نرده صدت واتخبطت موديل 2013 والتوكيل رفض اصلاحها ضد عيوب الصناعة ثمن الفبرة 215 جنيه حماية المستهلك هي الحل