تقرير صيانة 20 ألف ومهزلة جديدة بالقطامية

[peter magdy]

انا كنت انهاردة بعمل صيانة الالف فى القطامية
مع انى ساكن فى الزاوية و بينى و بين خدمة الشرابة مسافة لا تتعدى 700متر
بس رحتلهم مرة و انا عامل 530 كم علشان بحتاج الشنطة كتير و كانت بتترزع بالعافية و النور اللى ضارف فى وش اللى قدامى و تقل رهيب علشان اجيب الاول غير العضة
لاقيت مشاكل الدنيا و شوية عيال هما اللى شغالين و عرفو يعملو الشنطة ولا عرفو يظبطو الكشاف و حلو ربع مشكلة العضة
فرحت القطامية بس للاسف مش شاطرين قوى و برضو بفس المشكلة بتاعة كل الاعضاء العربية شايفها اكتر من نص ساعة و محدش قربلها و نزلت كلمت المستقبل و اتارى العربية خلصت و طلعت الفاتروة ولا حد اتكلم غير بالصوت العالى بس للامانة الكشاف ظبطوة و الشنطة نص نص
لكن العضة للاسف برضو موجودة و التقل قل بس موجود برضو
و سألت على كشاف الفوج الامامى اللى فى الاكصدام كنت عايز اركبة
التوكيل المحترم قالى ب 386 جنية

[طارق عبد السلام]

مركز خدمه خارجى محترم يكون شغال فى ماركه عربيتك احسن واوفر من شغل مراكز خدمه التوكيلات الغير محترمين بالمره
يعنى اللى شغالين فىمراكز الخدمه مين شويه صنايعيه كانوا شغالين بره فى ورش بردوا تحت اشراف كم مهندس ضاربين كم بدله منشيه وعليها الشعار بتاع عربيتك والله العظيم هو ده الفرق عندنا فى مصر كل شىء بالفهلوه حتى التوكيلات
توكل على الله حضرتك واعمل شغلك بره ولاتعطل نفسك معاهم بس قبل ماتعمل كده اعمل شكوى الاول فى جهاز حمايه المستهلك يكون تسجيل حاله على المركز وغيرك وغيرك لما يعملوا كده ان شاء الله يدينا ويديك العمر والصحه ونشوف تحرك لجهاز قهر المستهلك

[ehabpopo]

المشاركة الأصلية كتبت بواسطة tarek/ مركز خدمه خارجى محترم يكون شغال فى ماركه عربيتك احسن واوفر من شغل مراكز خدمه التوكيلات الغير محترمين بالمره يعنى اللى شغالين فىمراكز الخدمه مين شويه صنايعيه كانوا شغالين بره فى ورش بردوا تحت اشراف كم مهندس ضاربين كم بدله منشيه وعليها الشعار بتاع عربيتك والله العظيم هو ده الفرق عندنا فى مصر كل شىء بالفهلوه حتى التوكيلات توكل على الله حضرتك واعمل شغلك بره ولاتعطل نفسك معاهم بس قبل ماتعمل كده اعمل شكوى الاول فى جهاز حمايه المستهلك يكون تسجيل حاله على المركز وغيرك وغيرك لما يعملوا كده ان شاء الله يدينا ويديك العمر والصحه ونشوف تحرك لجهاز قهر المستهلك

كلام الاستاذ طارق سليم ... سيبك من التوكيل ... بس لازم تعمل شكوى ... وابقى طمنا عملت اية بالظبط

[ehabpopo]

المشاركة الأصلية كتبت بواسطة peter magdy و سألت على كشاف الفوج الامامى اللى فى الاكصدام كنت عايز اركبة التوكيل المحترم قالى ب 386 جنية

كان تمنهم 140 جم فقط ... معقولة السعر دة ولا انت غلطان ... ؟؟؟؟؟؟

[peter magdy]

المشاركة الأصلية كتبت بواسطة ehabpopo كان تمنهم 140 جم فقط ... معقولة السعر دة ولا انت غلطان ... ؟؟؟؟؟؟

صدقنى يا استاذ ايهاب
و انا بتصل بحجز سألت الانسة اللى ردت عليا و هيا اللى قالتلى السعر
و لما رحت هنا قالولى نفس الكلام
هو تقريبا التوكيل طمع علشان كلة عايز يركبة بس فى ناس ركبتة برة علشان وصلاتة موجودة بس بيبقى شغال اجبارى مع النور الضعيف قوى اللى فى الكشاف واللى برضو بينور نور التكييف و زرار التبلوة